اقساق تەمىر
تۇراننىڭ داڭقى الەمگە تاراعان ءامىرى اقساق تەمىر قالىڭ قولمەن جىراقتاعى جاۋعا اتتانىپ بارا جاتىپ تۇركىستان شاھارىنا سوعىپتى. الىس جولدان ارىپ-اشقان اسكەرى دە مالۋعا ۇي-ۇيگە بولىنە باستاپتى. اقساق تەمىردىڭ ءوزى ءبىر وقشاۋ ۇيدە وڭاشا قونىپ وتىرعاندا، ءۇي يەسى كەمپىر ونىڭ الدىنا تاباقپەن بيداي كوجە اكەلەدى. قارنى اشىپ كەلگەن تەمىر قاسىق تولى كوجەنى ۇرتتايمىن دەپ اۋزىن كۇيدىرىپ الىپ:
— شەشە-اي، كوجەڭىز ىستىق ەكەن عوي، — دەپتى.
سوندا مەيماننىڭ جەر-جاھاندى تىتىرەتكەن قاھارلى قولباسشى ەكەنىن بىلمەيتىن كەمپىر:
— ءاي، شىراعىم-اي، «كوجەنى بەتىنەن الادى، جاۋدى شەتىنەن الادى» دەگەندى ەستىمەپ پە ەدىڭ، جاڭا پىسكەن بيداي كوجەنى قالقىپ ىشپەسەڭ، اۋزىڭدى كۇيدىرمەي قايتەدى، — دەپتى.
تالاي ۇرىستى كورگەن تاجىريبەلى تەمىر قاراپايىم كەمپىردىڭ: «جاۋدى شەتىنەن الادى» دەگەن سوزىندە سوعىس ونەرىنە ساباق بولارلىق دانالىق جاتقانىن ىشكە ءتۇيىپ قالعان ەكەن دەيدى.
You Might Also Like
-
اكادەميك اقاي نۇسىپبەكوۆتىڭ اتى بەرىلگەن اقاي اۋىلىنىڭ تاريحتان سىر شەرتەر مول مۇراسى مەن باعالى قازىنالارى جەتەرلىك. اقاي اۋىلىنىڭ ءومىر وتتارى، كەلەشەگىنە تىزگەن كورىكتى كوشى جانىڭدى جادىراتادى. ن...
-
بۇرىنعى زاماندا بۇحاراي-شارىپتە ءبىر قاسيەتتى كەرەمەت يەسى اۋليە بولعان ەكەن. سول اۋليەنىڭ ەر جەتىپ، ازامات بولعان جالعىز بالاسى بولىپتى. كۇنلەردە ءبىر كۇن بۇحارا حانىنىڭ اقتاياقتارى اۋليەنىڭ بالاسىن ...
