InfoHub Logo

اقپان ايىنىڭ 22ءشى جۇلدىزى ساعات 12:00-دە ءابۋ ناسىر ءال-فارابيدىڭ 1150 جىلدىق مەرەيتويىنا وراي «ءال-فارابي – ۇلى دالانىڭ ۇلى تۇلعاسى» اتتى تاقىرىبىندا فيلولوگيا جانە الەم تىلدەرى فاكۋلتەتىنىڭ شەتەل فيلولوگياسى-101 توبىنىڭ ستۋدەنتتەرى اراسىندا عىلىمي كونفەرەنسيا وتكىزىلدى. كونفەرەنسيانىڭ باستى ماقساتى – ءال-فارابي تۋرالى دەرەكتەردى جەتكىزۋ، ونىڭ ومىرلىك جانە شىعارماشىلىق جولىن سارالاۋ، ۇلى عالىمنىڭ ەسىمىن بۇگىنگى كۇندە جاڭعىرتۋ.

ساباق بارىسىندا ءال-فارابي تۋرالى دەرەكتى ۆيدەولار كورسەتىلىپ، عۇلاما ويشىل تۋرالى اعىلشىن تىلىندە باياندامالار وقىلدى. وندا ءال-فارابي بابامىزدىڭ شىعىس فيلوسوفياسىنىڭ نەگىزىن قالاۋشى ەكەندىگى اتالىپ ءوتىلدى. كۇي وينالىپ، ءال-فارابي تۋرالى ولەڭدەر وقىلدى. «ارمان» اتتى ولەڭ جولدارىنان ءال-فارابيدىڭ بالا كۇنگى ارمانى راسىندا ورىندالعانىنا كوزىمىز جەتىپ وتىر. ساباقتا ءال-فارابيدىڭ ءومىرى تۋرالى، ونىڭ الەمدىك عىلىمدا الاتىن ورنى مەن شىعارماشىلىق جولى تۋرالى مالىمەتتەر تولىق قامتاماسىز ەتىلدى.

ءال-فارابي اريستوتەلدەن كەيىنگى دۇنيە ءجۇزى ءبىلىمى مەن مادەنيەتىنىڭ ەكىنشى ۇستازى اتانعان دانىشپان، ەنسيكلوپەديست عالىم، استرونوميا، استرولوگيا، ماتەماتيكا، لوگيكا، مۋزىكا، مەديسينا، تابيعاتتانۋ، سوسيولوگيا، لينگۆيستيكا، پوەزيا، ريتوريكا، فيلوسوفيا عىلىمدارىن مەڭگەرىپ، 200-گە جۋىق تراكتاتتار جازعان. وكىنىشكە قاراي، وسىناۋ ۇشان-تەڭىز رۋحاني تۋىندىلاردىڭ كوبىسى جوعالىپ، ءبىزدىڭ زامانىمىزعا تەك 40 شاقتى ەڭبەگى عانا جەتكەن. ازيانىڭ ۇلى عالىمدارى مەن ويشىلدارى ءابۋ ءالي يبن سينا (اۆيسەننا)، بەرۋني، بوزجاني، ومار حايام جانە ت.ب. وزدەرىن ءابۋ ناسىر ءال-فارابيدىڭ شاكىرتتەرىمىز دەپ ەسەپتەگەن. ءابۋ ءالي يبن سينا: «بۇرىن ەش تۇسىنە الماي جۇرگەن گرەك مەتافيزيكاسىن تولىعىمەن وسى ءال-فارابيدىڭ كىتابىن وقىپ ءتۇسىندىم»  دەگەن ەكەن.                                      

ف.قوزىباقوۆا، ءال-فارابي ات. قازۇۋ تاريح كافەدراسىنىڭ دوسەنتى

ش. مەدەيا، 1-كۋرس ستۋدەنتى

---