اقش-تى كورگەن قازاق بالاسى قازاقستاننان سانالى تۇردە باس تارتتى
اقش-قا ءبىرجولا كوشۋگە بەل بۋعان قازاقستاندىق ستۋدەنت تەمىر حان قازاقستاندا ءومىر ءسۇرۋ ۋاقىتتى بەكەرگە وتكىزۋ دەگەنگە سەنىمدى. بۇل تۋرالى ول الەۋمەتتىك جەلىلەردەگى جەكە پاراقشاسىندا بولىسكەن.
ستۋدەنت قازاقستان تۋرالى «اششى شىندىقتى» جاسىرماي جايىپ سالعان. ءال-فارابي اتىنداعى قازۇۋ-دىڭ حالىقارالىق قاتىناستار فاكۋلتەتىندە ءبىلىم العان جىگىت 1ء-نشى كۋرستان-اق اقش-تىڭ ءتۇرلى جوبالارى مەن باعدارلامالارىنا قاتىسقان.
جىگىت اقش-پەن سالىستىرعاندا تومەن جالاقىلارعا قاراماستان ءوز وتانىندا ونىڭ گۇلدەنۋىنە اتسالىسۋ ءۇشىن جۇمىس ىستەۋ قاجەت دەگەن پىكىردە بولعان.
ەلدەگى ءبىلىم بەرۋ جۇيەسىنە ستۋدەنتتىڭ كوڭىلى تولماسا دا، شەتەلگە جاستار نەگە كوپتەپ كەتىپ جاتىر دەگەن وي مازالاعان. ءبىراق جيعان-تەرگەنىن "جەپ قويعان" ديەۆالۆاسيا، 65 مىڭ تەڭگە جالاقى مەن - قىزمەتتەگى ادەلەتسىزدىك، مانساپ جولىنداعى تانىس-تامىر - "قازاقي مەنەدجەمنەت" ءوز دەگەنىن جاساعان. بارىنەن كوڭىلى قالعان جىگىت قىزمەتىنەن شىعىپ، الماتىعا قايتپاق بولادى. وتاندىق پويىزدارداعى قىزمەت، لاس توسەك-ورىن، تاعى باسقاسى ستۋدەنتتى شەتەلگە اتتانۋ قاجەت دەگەن ويعا يتەرمەلەيدى.
ءسويتىپ اكە-شەشەسىمەن سويلەسىپ، بارلىق قۇجاتتاردى رەتتەپ، نيۋ-يويرككە وقۋعا اتتانادى.
"ءبىر وكىنەتىنىم - ارادا وسىنشا ۋاقىت وتكەننەن كەيىن عانا اقش-تا قالىپ، ەل بولاشاعى ەمەس، ءوز بولاشاعىمدى ەرتەرەك ويلاماعانىم. 18 جاسىمدا نيۋ-يوركتە العاش بولعان كەزدە سونى باستاۋىم كەرەك ەدى"، - دەيدى تەمىر حان.
جىگىت قازۇۋ-دا بوسقا جىبەرگەن ۋاقىتى مەن اتا-اناسىنىڭ قاراجاتىنا وكىنەدى. ءتىپتى ءوزىن شەتەلگە كەتۋىنە سەبەپ بولعان وقىتۋشىلارىنا ريزا ەكەنىن جاسىرمايدى.
اقش-تا جاڭادان وقي باستاعان جىگىت تۋعان ۋنيۆەرسيتەتىندەگى وقۋنىڭ ەش ماڭىزى بولماعانىن تۇسىنەدى.
تەمىر جازبا سوڭىندا قازاقستاندا ءالى وقىپ جۇرگەن جاستارعا ءوز ءومىرى مەن بولاشاعى تۋرالى ويلاۋعا كەڭەس بەرەدى.
"ءوز اتا-انالارىڭىزدان باسقا ەشكىمگە كەرەك ەمەسسىز. ال وكىمەتكە كەرەكسىز بە؟! اتا-انالارىڭىزدان زەينەتاقى قورى تۋرالى سۇراڭىز دا قورىتىندى جاساي بەرىڭىز"، - دەيدى ول.
"كەش بولماي تۇرىپ، بارلىق كۇماندارىڭىزدى ارتقا تاستاپ، وزىڭىزگە باقۋاتتى بولاشاق قامتاماسىز ەتە الاتىن ءومىردى باستاڭىز. مەنىڭ كەڭەسىم وسى"، - دەپ اياقتادى جازباسىن ستۋدەنت.
تەمىر حاننىڭ بۇل پوستى فەيسبۋكتە 6 000-نان استام لايك جيناپ، كوپشىلىكتىڭ قولداۋىنا يە بولعانىن ايتا كەتۋ كەرەك.
دەرەككوز: Nur.kz
You Might Also Like
-
قاراعاندى وبلىسى شەت اۋدانىندا سانيتارلىق قاعيدالاردى بۇزۋشىلىقتى جويعانعا دەيىن اۋىلدىق مەكتەپتەردىڭ ءبىرى ۋاقىتشا جابىلدى. بۇل تۋرالى قاراعاندى وبلىسى مامانداندىرىلعان اۋدانارالىق سوتتىڭ باسپا ءسوز ...
-
جاۋتىكوۆ ورىنبەك احمەتبەك ۇلى (1911-1989) - عالىم، فيزيكا-ماتەماتيكا عىلىمدارىنىڭ دوكتورى، پروفەسسور، قازاقستان عىلىم اكادەمياسىنىڭ اكادەميگى، قازاقستاننىڭ ەڭبەك سىڭىرگەن عىلىمي جانە تەحنيكا قايراتك...
