اقتاۋدا قازپوشتا بولىمشەسى اشىلدى
جاقىندا «قازپوشتا» اق ماڭعىستاۋ وبلىستىق فيليالىندا تۇتىنۋشىلارعا قىزمەت كورسەتۋدىڭ جاڭا ءپرينسيپى ەنگىزىلدى.
كەزەكتى بولىمشەنىڭ اشىلۋ سالتاناتىنا وبلىس اكىمى ەرالى توعجانوۆ قاتىسىپ، بولىمشەنى ارالادى. سونداي-اق، ۇلتتىق وپەراتوردىڭ قىزمەت كورسەتۋ اياسىنىڭ كەڭەيىپ جاتقاندىعىنا توقتالىپ، ونىڭ ماڭىزدىلىعىن باسا ايتتى.
«ەگەر بۇرىن ماڭعىستاۋ وبلىسىنا 30 مىڭ بىرلىك حات-حابار كەلسە، ەلەكتروندىق كوممەرسيانىڭ جىلدام دامۋى ارقاسىندا ءقازىر 90 000-عا دەيىن كەلەدى. ەگەر بۇرىن بايلانىس بولىمشەلەرىنە ادامدار سالەمدەمەلەر مەن حاتتاردى جىبەرۋ نەمەسە الۋ ءۇشىن جۇرسە، قازىرگى ۋاقىتتا قازپوشتاعا ادامدار اۋدارىمداردى جىبەرۋ، نەسيەنى وتەۋ، دەپوزيتتى تولتىرۋ، كارتالاردى شىعارۋ جانە كوممۋنالدىق قىزمەتتەردى تولەۋ بويىنشا جۇگىنەدى. بۇل بولىمدەردەگى كەزەكتى قىسقارتۋعا مۇمكىندىك بەرەدى جانە حالىققا كوبىرەك جايلىلىق بەرەدى»، - دەدى اكىم ەرالى توعجانوۆ.
2012 جىلدان 2016 جىلعا دەيىن ماڭعىستاۋ وبلىسىندا ءۇش سالەمدەمەلەر سۋپەرماركەتى اشىلدى. مۇنايلى اۋدانىنداعى پوشتا بولىمشەسى جاڭا عيماراتقا كوشتى. سونىمەن قاتار، اتامەكەن كەنتىندە جاڭا تەحنولوگيالارمەن جابدىقتالعان جاڭا ءموبيلدى پوشتا بولىمشەسى اشىلدى.
«ترانسفورماسيا» جانە «سيفرلىق قازاقستان» باعدارلامالارى اياسىندا قازپوشتا حالىقارالىق ۇيىمدارعا كىرۋدەن باستاپ ەلەكتروندىق كوممەرسيامەن، قىزمەتتەردى سيفرلاندىرۋمەن، ونلاين-بانكينگپەن بايلانىستى يننوۆاسيالىق جوبالارعا دەيىن قىزمەت سالاسىن كەڭەيتتى.
ايتا كەتەيىك، ماڭعىستاۋ وبلىسىنىڭ اكىمدىگى مەن «قازاقتەلەكوم» اق اراسىندا دا شالعاي ءوڭىردى سيفرلاندىرۋ سالاسىنداعى ارىپتەستىك كەلىسىم بار. وتكەن شىلدە ايىندا ايماق باسشىسى ەرالى توعجانوۆ پەن «قازاقتەلەكوم» اق باسقارما ءتوراعاسى قۋانىشبەك ەسەكەيەۆ ولكە اۋماعىندا «سيفرلىق قازاقستان» مەملەكەتتىك باعدارلاماسىن ناتيجەلى جۇزەگە اسىرۋعا باعىتتالعان قۇجاتقا قول قويعان بولاتىن.
You Might Also Like
-
جۋىردا «قازپوشتا» اق-نىڭ باستاماسىمەن ەلەكتروندىق ساۋداعا ارنالعان Visa جانە MasterCard كارتالارى اينالىمعا شىعارىلادى. بۇل ءوز كەزەگىندە الەمدىك قارجىلىق قىزمەتتەردى تۇتىنۋعا جاعداي جاس...
-
شيقان، سىزداۋىق — بۇل وتە اۋرۋلى، تەرى قۋىسى ىرىڭگە تولعان اۋرۋ. شيقاننىڭ ۇلكەندىگى كىشى بۇرشاقتان باستالادى، گرەك جاڭعاعىنىڭ پىشىنىمەن بىردەي بولادى، دەنەنىڭ كەز كەلگەن جەرىنە شىعا بەرەدى، ك...
