جاقىندا ە-كوممەرسياعا ارنالعان بانك كارتالارى ىسكە قوسىلماق
جۋىردا «قازپوشتا» اق-نىڭ باستاماسىمەن ەلەكتروندىق ساۋداعا ارنالعان Visa جانە MasterCard كارتالارى اينالىمعا شىعارىلادى. بۇل ءوز كەزەگىندە الەمدىك قارجىلىق قىزمەتتەردى تۇتىنۋعا جاعداي جاسايدى، - دەپ حابارلادى «قازپوشتا» اق باسقارما ءتوراعاسى ساكەن سارسەنوۆ ءوزىنىڭ Facebook پاراقشاسىندا.
«جاقىندا ءبىز Visa مەن MasterCard حالىقارالىق تولەم جۇيەلەرى بويىنشا حالىقارالىق سەرتيفيكاتتاۋدى اياقتادىق. بۇل بىزگە جاھاندىق ترانزاكسيالار مەن قىزمەتتەردى پايدالانۋعا مۇمكىندىك بەرەدى. الداعى ۋاقىتتا تۇرعىندارعا ساپالى قىزمەت كورسەتۋ ءۇشىن بۇل باعىتتاعى جۇمىستارىمىزدى جالعاستىرا بەرەتىن بولامىز»، – دەدى س. سارسەنوۆ.
ال الەمدىك پوشتا وداعى ەلىمىزدىڭ ەلەكتروندىق كوممەرسياعا دايىندىعىن جوعارى دەڭگەيدە دەپ باعالادى. بۇعان پوشتا جەلىسىندەگى سيفرلىق تەحنولوگيالاردىڭ كەڭىنەن قولدانىلۋى ىقپال ەتسە كەرەك.
«ءبىز بۇكىلالەمدىك پوشتا وداعىنىڭ (بپو) وكىلدەرىمەن كەزدەستىك. ولار شىعىس ەۋروپا، كاۆكاز جانە ورتالىق ازيا ەلدەرىندەگى پوشتا وپەراتورلارىنا كومەكتەسەدى. ياعني، «ەلەكتروندىق ساۋداعا جەدەل دايىندىق» جوباسى ءۇشىن مودەرنيزاسيالىق وندىرىستىك پروسەستەردى جۇزەگە اسىرۋ ماقساتىندا جاردەمدەسپەك. قازىرگى تاڭدا بيۋرو قىزمەتكەرلەرى قازپوشتانىڭ ە-كوممەرسياعا دايىندىعىنا باعا بەردى. ولار بىزدەگى جونەلتىم سۋپەرماركەتى، سيفرلىق كەڭسەلەرىمىزدى جانە دروندار ارقىلى كوررەسپوندەنسيالاۋ اتتى جوبالارىمىزدى جوعارى باعالادى»، – دەيدى «قازپوشتا» اق باسقارما ءتوراعاسى.
ونىڭ ايتۋىنشا، الماتىداعى «MOSKVA metropolitan» اتتى ساۋدا-ويىن-ساۋىق ورتالىعىندا ەلەكتروندى كاسسير جۇمىس ىستەۋدە. مۇنىڭ قىزمەتىمەن كارتالاردى پايدالانۋعا، ءىرى كولەمدەگى قارجىلاردى اۋدارۋعا بولادى.
ايتا كەتەيىك، قازاقستانداعى ە-كوممەرسيا جىل سايىن 30 پايىزعا ارتىپ كەلەدى. ونلاين-ساۋدا ارقىلى ەل تۇرعىندارى كوبىنە دەنساۋلىققا قاجەتتى تاۋارلاردى، تۇرمىستىق جيھازداردى، تەحنيكا مەن ەلەكترونيكانى، بالالارعا ارنالعان ويىنشىقتاردى ساتىپ الادى ەكەن. ءبىر قىزىعى – ايەلدەر قاۋىمى ەرلەرگە قاراعاندا 8 ەسەگە ارتىق ونلاين-ساۋدا جاسايدى ەكەن. ال الەمدىك زەرتتەۋشىلەر بولسا ەلىمىزدەگى تۇتىنۋشىلاردىڭ 70 پايىزى موبيلدىك قۇرىلعىلاردان كىرەتىنىن العا تارتىپ وتىر. ال بۇل كورسەتكىش ۋكراينادا – 43 پايىز، بەلورۋسيادا – 35 پروسەنتتى قۇرايدى.
You Might Also Like
-
ەكسسۋداتيۆتى پليەۆريتتىڭ، ياعني وكپە قابىنىڭ جالقاقتى قابىنۋىنىڭ، تۋىنداۋ سەبەپتەرى قۇرعاق پليەۆريتكە ۇقساس كەلەدى. شامامەن 90 پايىز جاعدايدا ونىڭ پايدا بولۋىنا تۋبەركۋلەز سەبەپشى. تاعى ءبىر ەسكەرەتىن ...
-
جاقىندا «قازپوشتا» اق ماڭعىستاۋ وبلىستىق فيليالىندا تۇتىنۋشىلارعا قىزمەت كورسەتۋدىڭ جاڭا ءپرينسيپى ەنگىزىلدى.
