اقتاۋدا ۇشاق قونعان ساتتە جولاۋشى بورتسەرىكتى ۇرعان
اقتاۋ حالىقارالىق اۋەجايىندا ەل ەسەڭگىرەتەر وقيعا ورىن الدى. استانادان ۇشىپ كەلگەن SCAT اۋە كومپانياسىنىڭ جولاۋشىسى بورتسەرىككە قول كوتەرگەن. كۋاگەرلەردىڭ ايتۋىنشا، بۇل جاعداي 2025 جىلعى 20 ءساۋىر كۇنى تۇنگى ساعات 00:05 شاماسىندا تىركەلگەن.
كۋاگەر كاريمانىڭ سوزىنشە، ۇشاق جەرگە قونىسىمەن جولاۋشىلار قوزعالا باستاعان ساتتە، ەر ادامداردىڭ ءبىرى سالونىندا ۇيالى تەلەفونىن ۇمىتقانىن بايقاپ، ۇشاققا قايتا كىرۋگە تىرىسقان. ءبىراق اۋە كومپانياسىنىڭ قىزمەتكەرى وعان سالون ءالى بوساماعانىن ايتىپ، ءسال كۇتۋىن وتىنەدى.
الايدا اشۋعا بۋلىققان ەر ادام بۇل ەسكەرتۋدى ەلەمەي، سالونعا كىرۋگە ۇمتىلىپ، بورتسەرىكتى بەتىنەن ۇرىپ جىبەرگەن.
"ول كىسى ۇشۋ كەزىندە ەشقانداي وعاشتىق تانىتپاعان ەدى. جانجال كۇتپەگەن جەردەن باستالىپ كەتتى. بورتسەرىك — ەر ازامات ەكەن، شۇكىر، توتەپ بەردى. ايتپەسە، بۇل وقيعا قايعىلى اياقتالۋى مۇمكىن ەدى. ۇشاق ىشىندە مۇگەدەك جان مەن بىرنەشە بالا دا بولدى. مۇنداي ارەكەتكە مىندەتتى تۇردە قاتاڭ شارا قولدانىلۋى كەرەك"، — دەيدى وقيعانىڭ كۋاگەرى كاريما.
قازىرگى ۋاقىتتا وقيعاعا قاتىستى ءتيىستى ورگاندار تەكسەرىس جۇرگىزىپ جاتىر.
You Might Also Like
-
ەۋروكوميسسيا ۋكرايناعا كومەك رەتىندە 3،5 ملرد ەۋرو كولەمىندەگى جاڭا ترانش ءبولدى. بۇل قاراجات كييەۆكە ارنالعان ارنايى قوردان اۋدارىلعان ءۇشىنشى قارجى لەگى. ەۋرووداق وكىلى مارتا كوستىڭ مالىمدەۋىنشە، ۋك...
-
دۇنيەجۇزىلىك ساۋدا ۇيىمى (دسۇ) الەمدىك ەكونوميكاعا قاتىستى الاڭداتارلىق بولجام جاريالادى. ۇيىم ساراپشىلارىنىڭ ايتۋىنشا، تاريفتىك تەكەتىرەستەر مەن ساۋدا شەكتەۋلەرى سالدارىنان بيىل جاھاندىق ساۋدا كول...
