InfoHub Logo

دۇنيەجۇزىلىك ساۋدا ۇيىمى (دسۇ) الەمدىك ەكونوميكاعا قاتىستى الاڭداتارلىق بولجام جاريالادى. ۇيىم ساراپشىلارىنىڭ ايتۋىنشا، تاريفتىك تەكەتىرەستەر مەن ساۋدا شەكتەۋلەرى سالدارىنان بيىل جاھاندىق ساۋدا كولەمى 0،2 پايىزعا قىسقارۋى ىقتيمال. ال احۋال ودان ءارى ۋشىعا تۇسسە، بۇل كورسەتكىش 1،5 پايىزعا دەيىن جەتۋى مۇمكىن.

مۇنداي سەناريي ەكسپورتتىق تاسىمالداردى تەجەپ، الەم ەلدەرىنىڭ ەكونوميكالىق بەلسەندىلىگىن كۇرت تومەندەتەدى. ەڭ ۇلكەن سوققىنى سولتۇستىك امەريكا سەزىنۋى مۇمكىن – ساراپشىلاردىڭ ەسەبىنشە، بۇل ءوڭىردىڭ ەكسپورتى بىردەن 12،6 پايىزعا قۇلدىراۋى ىقتيمال.

ازيا مەن ەۋروپاداعى ءوسىم دە باسەڭدەمەك: ساۋدا كولەمى بار بولعانى 1–2 پايىزعا عانا ارتۋى مۇمكىن. بۇل ءۇردىس ءقازىردىڭ وزىندە اكسيا نارىعىنان بايقالىپ وتىر. Nvidia كومپانياسىنىڭ قۇنى 7 پايىزعا تومەندەسە، S&P 500 يندەكسى 2،2 پايىزعا، Nasdaq كورسەتكىشى 3،1 پايىزعا ازايعان.