Photo: Ayazhan (https://www.pexels.com/@ayazhan-3173683) / Pexels
اقىن مۇحامەدجان تازابەكوۆتىڭ ورالداعى كەزدەسۋىنە قارسىلىق: «سالافيت» اعىمىنا قاتىستى الاڭداۋشىلىق
اقىن، حالىقارالىق «الاش» سىيلىعىنىڭ يەگەرى اقۇشتاپ باقتىگەرەيەۆا بەلگىلى ايتىسكەر اقىن مۇحامەدجان تازابەكتىڭ ورال قالاسىندا وتەتىن كەزدەسۋىنە قارسى شىقتى. اقىن بۇل شارانىڭ ۇيىمداستىرىلۋىنا جانە ونىڭ ءدىني اعىمدارمەن بايلانىسىنا قاتىستى الاڭداۋشىلىق ءبىلدىردى.
بۇل تۋرالى Infohub.kz اقپارات اگەنتتىگى حابارلايدى.
كەزدەسۋگە قاتىستى الاڭداۋشىلىق
اقۇشتاپ باقتىگەرەيەۆا ءوزىنىڭ «SOS! ورالىم، مەنىڭ، ورالىم!» دەپ اتاعان مالىمدەمەسىندە مۇحامەدجان تازابەكوۆتىڭ قايرات ساتىبالدى جانە بەكبولات تىلەۋحانمەن بايلانىسى بار ەكەنىن ايتىپ، ونىڭ ورالداعى قادىر مىرزا ءالى اتىنداعى ورتالىقتا وتەتىن كەزدەسۋىنە قاتىستى سۇراقتار قويدى. اقىن بۇل ورتالىقتىڭ مەملەكەتتىك مەكەمە ەكەنىن، جەكەمەنشىككە ءوتىپ كەتپەگەنىن جانە مۇنداي شاراعا رۇقسات بەرگەن تۇلعالاردىڭ كىم ەكەنىن انىقتاۋدى تالاپ ەتتى.
پرەزيدەنت جارلىعى مەن ءدىني اعىمدار
مەملەكەت باسشىسىنىڭ 16 مامىردا كىتاپ وقيتىن ۇلت بولۋ تۋرالى جارلىققا قول قويعانىن ەسكە سالعان اقىن، قادىر مىرزا ءاليدىڭ كىتاپتارىن ناسيحاتتاۋعا تىرىسىپ جاتقاندا، كەرىسىنشە، ءدىني اعىمداردى ناسيحاتتايتىن تۇلعانىڭ كەلۋىن تۇسىنبەيتىنىن جەتكىزدى. ول مۇحامەدجان تازابەكوۆتىڭ «قۇبىلىس» اتانعان ايتىسكەر رەتىندە تانىمال ەكەنىن، ءبىراق ونىڭ سوزدەرىنىڭ جات ءدىني اعىمداردى ناسيحاتتاۋعا ۇلاسىپ كەتۋىنەن قاۋىپتەنەتىنىن ايتتى.
«ايتىس – بيزنەس»
اقىن باتىس وڭىرىندە سان ءتۇرلى ءدىني اعىمداردىڭ بار ەكەنىن ەسكەرتىپ، مۇنداي كەزدەسۋلەردىڭ قانداي ساياسات پەن ۇگىت-ناسيحاتقا تولى ەكەنىن سارالادى. ول ايتىستىڭ بۇگىندە «بيزنەسكە» اينالعانىن ايتىپ، ادامداردى كەزدەسۋگە بارىپ، وزدەرى شەشىم قابىلداۋعا شاقىردى. اقىن «ءتاڭىرشى بولۋ، سالافيت بولۋ، اق جامىلۋ، قارا جامىلۋ، تالاق بولۋ، سۋايت بولۋ، زىميان بولۋ – ءوز ەركىڭىز عوي» دەپ، ادامداردىڭ ءدىني سەنىمدەرى مەن تاڭداۋلارىنا ەرىك بەرەتىنىن مەڭزەدى.
-
اتىراۋدا قاراباليندەر اۋلەتىنىڭ ولىمىنە قاتىستى قىلمىستىق ءىس بويىنشا سوت پروسەسى باستالدى. ىسكە كۇدىكتى رەتىندە سۇلتان سارسەمالييەۆ تارتىلىپ وتىر.
-
Kyzylorda region honors over 100 environmental workers and equips municipal services with 26 new vehicles as part of the "Clean Kazakhstan" initiative.
