Photo: Ayazhan (https://www.pexels.com/@ayazhan-3173683) / Pexels
سۇلتان سارسەمالييەۆتىڭ قايىن جۇرتىن ءولتىردى دەگەن ايىبى: سوتقا دەيىنگى جاڭالىقتار
اتىراۋدا قاراباليندەر اۋلەتىنىڭ ولىمىنە قاتىستى قىلمىستىق ءىس بويىنشا سوت پروسەسى باستالدى. بۇل ىسكە كۇدىكتى رەتىندە سۇلتان سارسەمالييەۆ تارتىلىپ وتىر. تەرگەۋ دەرەگىنشە، ول قايىن جۇرتىنىڭ ولىمىنە قاتىسى بارىن مويىنداعان.
بۇل تۋرالى Infohub.kz اقپارات اگەنتتىگى حابارلايدى.
ءىز-تۇسسىز جوعالعان وتباسىنىڭ ءىسى
ءىستى تەرگەگەن اتىراۋ وبلىسى پوليسيا دەپارتامەنتى تەرگەۋ باسقارماسىنىڭ اسا ماڭىزدى ىستەر جونىندەگى اعا تەرگەۋشىسى تەمىرحان قاجىمۇراتوۆ كۇدىكتىنىڭ ىزىنە قالاي تۇسكەندەرىن باياندادى. تەرگەۋ بارىسىندا 40-تان استام ادامنان جاۋاپ الىنعان. ولاردىڭ قاتارىندا مارقۇمداردىڭ تۋىستارى، كورشىلەرى جانە وقيعاعا قاتىسى بولۋى مۇمكىن وزگە دە ادامدار بولدى.
باستاپقىدا ەرلى-زايىپتى ءىز-تۇسسىز جوعالعاندار رەتىندە تىركەلگەن. كەيىن پوليسيا ولاردىڭ بانك ەسەپشوتتارىن تەكسەرىپ، اقشا قوزعالىسىن، قاراجاتتىڭ قاي جەرلەردە جۇمسالعانىن انىقتاي باستاعان.
كۇدىكتىنىڭ شوتىنا اقشا اۋدارىلعان
«الدىمەن ولاردىڭ ەسەپشوتتارىن قارادىق. اقشا ءتۇستى مە، قاي جەردە جۇمسالدى – ءبارى تەكسەرىلدى. وسى كەزدە كۇدىكتى سارسەمالييەۆتىڭ شوتىنا اقشا ءتۇسىرىپ جۇرگەنى بەلگىلى بولدى. كەيىن اۋىلعا اپارىپ-اكەلگەن تاكسي جۇرگىزۋشىسى تابىلدى. ول قاراشا ايىندا ەرلى-زايىپتى مەن بالاسىن جەتكىزگەن. قايتار جولدا جانىندا مەيرامگۇل مۇقانعالييەۆا دا بولعان»، – دەدى تەرگەۋشى تەمىرحان قاجىمۇراتوۆ.
ءقازىر سوت بارىسىندا قىلمىستىق ءىستىڭ ءمان-جايى قارالىپ جاتىر. تەرگەۋ نۇسقاسىنا ساي، كۇدىكتىنىڭ ارەكەتى اۋىر قىلمىس رەتىندە باعالانعان. سوڭعى شەشىمدى سوت شىعارادى.
-
اتىراۋدا قايىن جۇرتىن ءولتىردى دەگەن كۇدىكپەن سوتقا تارتىلىپ جاتقان سۇلتان سارسەمالييەۆكە قاتىستى ءىس بويىنشا جاڭا دەرەكتەر انىقتالدى. تاكسي جۇرگىزۋشىسىنىڭ جاۋابى ءىستىڭ شەشۋشى تۇسىنا اينالدى.
-
بەلگىلى اقىن اقۇشتاپ باقتىگەرەيەۆا مۇحامەدجان تازابەكوۆتىڭ ورال قالاسىندا وتەتىن كەزدەسۋىنە نارازىلىق ءبىلدىرىپ، ءدىني اعىمدارعا قاتىستى الاڭداۋشىلىعىن جەتكىزدى.
