InfoHub Logo

مەكتەپتە وقىپ جۇرگەن جىلدارى جۋرناليستيكاعا جالىنداعان، بەلسەندى، سوزدەرى ءمىردىڭ وعىنداي، جازعاندا قالامدارى نايزاداي تالاپكەرلەر كەلىپ، ناعىز الاماندار بايگەسى سياقتى بولادى دەپ ويلاۋشى ەم. الايدا ءوزىم تۇسكەن سوڭ بارىپ، ءبىراز دۇنيەگە كوزىم جەتىپ، ءقازىر ويىم وزگەردى. 

جۋرناليست بولۋ - ەلدىڭ مۇڭىن مۇڭداپ، بيلىك پەن حالىق اراسىنداعى كوپىر بولا وتىرىپ، نايزا قالام ۇشتاعان مامان بولۋ. ءبىراق بۇگىندە ءبىزدىڭ كەي جاستار وسىنى تۇسىنبەي ءجۇر. جۋرناليست بولۋدى ادەمى كيىنىپ الىپ، مارجانداي تىستەرىن كورسەتىپ، كوك جاشىكتەن شىعۋ دەپ تۇسىنەدى. مىنە، بىتىرگەن سوڭ 30 ادامنان 5 ادام عانا جۋرناليست بولىپ قالاتىنى دا وسىدان. جۋرناليست بولۋ مەن تەلەجۇرگىزۋشى بولۋدى شاتاستىرۋ. مەنىڭ ويىمشا، مەكتەپتەگى قوسىمشا ساباقتارعا ماماندىق تاڭداۋعا قاتىستى دۇنيەلەر قوسۋ كەرەك، ەگەر وسىعان باسىمدىق بەرىلسە كوپ تۇلەك اداسپاي ءوز جولىن تابار ما ەدى؟ ماماندىقتىڭ نەگىزى ماقساتىن تۇسىنبەسە دە، كوپتىڭ ءبىرى بولىپ، گرانت يەلەنىپ جۇرگەندەر از ەمەس. سول سەبەپتى ساناۋلى گرانتتى ساپالى ستۋدەنتتەر السا كوڭىل قۋانتادى. ال ءتۇسۋىن ءتۇسىپ الىپ، ءجۋرناليستىڭ ءبارى تەلەجۇرگىزۋشى ەمەس ەكەنىن ۇعىنعاندار تاعى دا سول ماماندىق بويىنشا جۇمىس ىستەمەيتىن ماماندار قاتارىنا قوسىلماق. 

ايتا كەتەيىك، تەلەجۇرگىزۋشىدەن بولەك، جۋرناليستيكاعا، ەسەپ-قيساپتان، ۇبت-دان، جاراتىلىستانۋ باعىتىنان قاشىپ كەلەتىندەر دە جەتەرلىك. ەگەر وقۋشى ماماندىق تۋرالى تەرەڭ تۇسىنسە، بۇنداي ويدا بولماس ەدى. 

ساناۋلى بولسا دا ساپالى مامان دايارلاۋ ءۇشىن، مەكتەپ كەزىنەن تاڭداۋعا قاتىستى باعىت بەرگەن دۇرىس بولار ما ەدى؟

زارينا راحمەتوۆا

---