ارنايى ءبىلىم بەرەتىن ۇيىمدار قالاي جۇمىس ىستەيدى
جاڭا وقۋ جىلىندا ارنايى ءبىلىم ۇيىمدارىنىڭ جۇمىسىن 9700-دەن استام پەداگوگ ينتەرنەت-پلاتفورمالاردى پايدالانا وتىرىپ قاشىقتان وقىتۋ فورماتىندا، سونداي-اق شتاتتىق رەجيمدە جەكە جانە توپتاردا سانيتارلىق قاۋىپسىزدىك نورمالارىن ساقتاي وتىرىپ قامتاماسىز ەتەدى.
جاڭا وقۋ جىلى قارساڭىندا ەرەكشە ءبىلىم بەرۋ قاجەتتىلىكتەرى بار وقۋشىلار مەن اتا-انالارعا ارنالعان ادىستەمەلىك ۇسىنىستار دايىندالعاندىعىن ايتا كەتكەن ءجون. سونداي-اق تۇزەتۋ پەداگوگيكاسىنىڭ ۇلتتىق عىلىمي-پراكتيكالىق ورتالىعىنىڭ رەسمي سايتىندا ەرەكشە ءبىلىم بەرۋ قاجەتتىلىكتەرى بار بالالارعا ارنالعان وقۋلىقتاردىڭ ەلەكتروندىق نۇسقالارى مەن بەينە ساباقتار ورنالاستىرىلعان.
جالپى ەلىمىز بويىنشا 420 ارنايى ءبىلىم بەرۋ ۇيىمى بار، ونىڭ ىشىندە 195 پسيحولوگيالىق-پەداگوگيكالىق تۇزەتۋ كابينەتى، 98 ارنايى مەكتەپ، 14 وڭالتۋ ورتالىعى جانە 38 ارنايى مەكتەپكە دەيىنگى ۇيىم، 75 پسيحولوگيالىق-مەديسينالىق-پەداگوگيكالىق كونسۋلتاسيا (پمپك) جۇمىس ىستەيدى. پسيحولوگيالىق-پەداگوگيكالىق تۇزەتۋ كابينەتتەرى مەن وڭالتۋ ورتالىقتارىندا 24 503 بالا قولداۋ الادى، ونىڭ ىشىندە مەكتەپ ۇيىمدارىنا بارمايتىن 2415 بالا.
جاڭا 2020-2021 وقۋ جىلىندا ءتيىستى اۋماقتاردىڭ باس مەملەكەتتىك سانيتارلىق دارىگەرلەرىنىڭ كەلىسىمى بويىنشا ارنايى ءبىلىم بەرۋ ۇيىمدارىنا قاشىقتان، شتاتتىق، سونداي-اق جابىق رەجيمدە جۇمىس ىستەۋگە مۇمكىندىك بەرىلەدى.
ينتەللەكتىسى ساقتالعان جانە اقىل-ويى بۇزىلعان بالالارعا ارنالعان ارنايى مەكتەپتەرگە كارانتين كەزەڭىندە شتاتتىق رەجيم مەن قاشىقتان وقىتۋ فورماتىنان باسقا، جابىق رەجيمدەگى وقىتۋ نىسانى ۇسىنىلادى.
ياعني، وقۋشىلار مەن قىزمەتكەرلەر مەكتەپ-ينتەرناتتا تۇرۋ ءۇشىن وقۋ ورنىنا ءبىر مەزگىلدە كەلەدى. ارنايى بالاباقشالار جالپى ۇلگىدەگى بالاباقشالار رەجيمىندە جۇمىس ىستەيدى.
پمپك، پسيحولوگيالىق-پەداگوگيكالىق تۇزەتۋ كابينەتى جانە وڭالتۋ ورتالىقتارى قاتاڭ سانيتارلىق-ەپيدەميولوگيالىق تالاپتاردى ساقتاي وتىرىپ، شتاتتىق رەجيمدە ءوز جۇمىستارىن جالعاستىرماق. سونىمەن قاتار وقىتۋ ارنايى تەحنولوگيالاردى قولدانا وتىرىپ، قاشىقتان وقىتۋ فورماتىندا دا جۇرگىزىلەتىن بولادى.
ارنايى ءبىلىم ۇيىمدارى وقىتۋ فورماتىن اتا-انالارمەن كەلىسە وتىرىپ، وزدەرى تاڭدايدى.
You Might Also Like
-
ەسىك الدىنداعى جاتاعان قۇم توبەدە اقساۋلەنى ۇزاق كۇتتىم. ادەتتە ءبىز وسىندا جولىعىپ، كۇن باتقانشا ويىننىڭ كورىگىن قىزدىراتىنبىز. يەندەگى قىستاۋدا قاتار وتىرعان ەكى ءۇيدىڭ ويىن بالاسى اقساۋلە ەكەۋمىز....
-
اعىباي وڭاشا بولمەدەن ەكى بەتى ۇيالعاننان ورتتەي قىزارىپ شىقتى. ءۇزىلىس ءالى بولماپتى، اشەيىندە وقۋشىلار قايشالىسىپ جاتاتىن دالىزدە ءدال ءقازىر ەشكىمنىڭ بولماعانىنا قۋاندى. ەسىن جيعان بەتتەگى ويلاعانى ب...
