ءارتۇرلى زاتتار ءتۇرىن توپتاۋ
ماقساتى: زاتتاردى سانى بويىنشا سالىستىرۋ داعدىلارىن قالىپتاستىرۋ.
ءبىر - ءبىرىنىڭ ۇستىنە قويۋ جانە جانىنا قويۋ ءتاسىلىن قولدانا وتىرىپ، زاتتار توبىن سانىنا قاراي سالىستىرۋ. قاراپايىم ماتەماتيكالىق ۇعىمداردى ەسكە تۇسىرە وتىرىپ بىلىمدەرىن پىسىقتاۋ، العىرلىققا، ءوز ويلارىن ەركىن جەتكىزۋگە تاربيەلەۋ.
كورنەكىلىگى: ۇيشىك، پىشىندەر ماكەتى، فلانەلەگراف تاقتاسى، سلايد.
ءجۇرۋ بارىسى: سالەمەتسىزدەر مە، بالالار، قايىرلى كۇن! كوڭىل - كۇيلەرىڭىز قالاي؟ ولاي بولسا بۇگىنگى اشىق وقۋ قىزمەتىمىزدى انمەن باستاساق. «ساناۋ ءانى»
مەن سەندەرگە قۇر قول كەلگەن جوقپىن. مىنا شارلاردى الا كەلدىم.
- بالالار، ءبىر جىلدا نەشە مەزگىل بار؟
- قانە، اتاپ شىعايىق....
بۇل شارلاردىڭ ءتۇسى دە سول ءتورت مەزگىلدى بەلگىلەيدى.
مىنا شاردىڭ ءتۇسى قانداي؟
- بۇل شاردىڭ ءتۇسى قانداي مەزگىلدى بىلدىرەدى؟
قىستا جەر قانداي بولادى؟
سارى شاردى كورسەتۋ. بۇل ءتۇس قانداي جىل مەزگىلىن بىلدىرەدى؟
- جاسىل شاردى كورسەتۋ. بۇل ءتۇس شوپتەردىڭ ءتۇسى سياقتى. تابيعات كوكتەمدە ويانىپ، جەر بەتى جاسىل شوپكە تولادى. اعاشتار بۇرشىك جارا باستايدى.
- قىزىل شاردى كورسەتۋ. قىزىل ءتۇس قانداي جىل مەزگىلىن بىلدىرەدى؟ قاي ۋاقىتتا گۇلدەر قىزىل تۇسكە بويالادى؟
- بالالار تۇستەرىن بىلدىك ەندى سيقىرلى شاردىڭ ىشىندە نە بەر ەكەنىن بىلگىلەرىڭ كەلە مە؟ قانە، شاردى كىم جارادى؟
- بالالار بىزگە شاردىڭ ىشىندە جاسىرۋعا جۇمباقتار بەرىلگەن ەكەن. جۇمباق شەشىپ كورەيىك.
1. شۋاق شاشقان كۇنگە ۇقسايمىن كوبىرەك، مەنىڭ اتىم......... دوڭگەلەك
2. بارلىق شاتىر ۇقسايدى تەك وزىمە،
بىردەن بىلەر قۇلاق اسقان سوزىمە (ءۇشبۇرىش)
3. تەلەديدار تانىس ەكەن بارشاعا،
ال ءپىشىنىم ۇقسايدى عوي.....(شارشىعا)
4. ۇزارتىلعان دومالاق.
سوڭىم جوق، باسىم جوق
ەندى بىردە جاپالاق.
مەن جۇمىرتقامىن، اينامىن
مەن وسىنداي ءپىشىنمىن. (سوپاقشا)
دۇرىس تاپتىڭدار بالالار، جۇمباققا وتە جۇيرىك ەكەنسىڭدەر.
ەكرانعا نازار اۋدارايىق. (سلايد بويىنشا بالالارعا ءتۇسىندىرۋ)
ۇلكەن - كىشى، جوعارى - تومەن، ۇزىن - قىسقا، ساندار، پىشىندەر تۋرالى بىلىمدەرىن ەسكە ءتۇسىرۋ.
بالالار، سەندەر دۇرىس ساناۋدى بىلەسىڭدەر مە؟
ەندەشە ساندار تۋرالى تاقپاقتارىمىز بار، تىڭدايىق!
ايميرا
مەنى كەلسە بىلگىڭ،
مەن تاياقشا ءبىرمىن.
ساندارعا جول باستاپ،
ەڭ ءبىرىنشى تۇرامىن.
رامازان
بىردەن كەيىن تۇرامىن،
بىردەن كەيىن تۇراعىم
ءبىردى بىرگە قوسقاندا،
مەن شىعامىن قاراعىم.
ديماش
ەكىدەن سوڭ ءارقاشان،
ءۇشىنشى مەن تۇرامىن.
قاعازعا سىزىپ تۇسىرسەڭ،
ەكى يرەك سالامىن.
رايانا
ءۇش قاشاندا تاق سانى،
جۇپ بولعانعا نە جەتسىن.
ءتورت دەگەنىڭ باياعى،
ءتورت تۇلىكتىڭ اياعى.
ايزەرە
تورتەن كەيىن بەستى،
ءبىلۋ وڭاي دەستى.
تورتەۋىن بۇگىپ ساناساڭ،
تاباسىڭ وڭاي بەستى.
سەرگىتۋ ءساتى «اڭقايما، قايتالا»
قانە، دوستىم اڭقايما،
مەنەن كەيىن قايتالا.
ءبىر - تۇرامىز سوزىلىپ
ەكى - ەڭكەيىپ، كەرىلىپ
ءۇش - شاپالاق سوعامىز،
باسىمىزدى شايقايمىز،
ءتورت دەسە قول كوتەرىپ،
بەس دەسە قول بۇلعايمىز.
بالالار، سەندەر ەرتەگى تىڭداعاندى ۇناتاسىڭدار ما؟
قانداي ەرتەگىلەر بىلەسىڭدەر؟
ەندەشە، مىنا ۇيشىكتە «ۇيشىك» ەرتەگىسىندەگى تىشقان وتىر ەكەن. ونىڭ سەندەرگە بىرنەشە تاپسىرماسى بار. ورىنداۋعا دايىنسىڭدار ما؟
1 - تاپسىرما
ەتىكتەر جىرتىلىپ قالدى، ەندى ولاردىڭ ءار قايسىسىنا سايكەس كەلەتىن جاماۋدى تابۋىمىز كەرەك. ول ءۇشىن ءپىشىنى جاعىنان ەتىكتىڭ جىرتىعىنا سايكەس كەلەتىن جاماۋدى سايكەستەندىرىپ ورنالاستىر.
2 - تاپسىرما
قارىنداشتىڭ ءبىرى ماقساتتا، ەكىنشى عابيتتە. بالالاردىڭ قولىندا نەشە قارىنداش بار؟ جاۋابىن سيفرمەن كورسەت
3 - تاپسىرما
«سەبەتكە جينا»
قوياننىڭ بىرنەشە سابىزدەرى بار، ال كىرپىنىڭ المالارى بار. سەندەر، قوياننىڭ سەبەتىنە سابىزدەردى، كىرپىنىڭ سەبەتىنە المالاردى سالۋلارىڭىز كەرەك. ءبىراق ولاردىڭ سانى سەبەت سىرتىنداعى سانعا سايكەس بولۋى قاجەت.
4 - تاپسىرما
«نەنىڭ بالاسى؟»
تاقتادا جانۋارلار جانە ولاردىڭ بالالارى ورنالاسقان. سايكەسىنشە ءار جانۋاردىڭ بالاسىن قاسىنا قويۋ قاجەت. قايسىسى ۇلكەن، قايسىسى كىشى ەكەنىن اجىراتىپ ايتىپ بەر. مىسالى: يت ۇلكەن، ال كۇشىك كىشكەنتاي.
5 - تاپسىرما
«ورنىن تاپ»
وزەندەگى سۋدىڭ تومەنگى جاعىنا بالىقتاردى ورنالاستىر. ال تاسباقانى سۋدىڭ جوعارعى جاعىنا ورنالاستىر.
قورىتىندى:
بالالار، بۇگىن قانداي تاپسىرمالاردى ورىندادىق، قانە، ەسىمىزگە تۇسىرەيىك.
ءبىز ەندى پىشىندەردى بىلەمىز. (بىرگە قايتالاۋ)
1 - دەن 5 – كە دەيىن تۋرا جانە كەرى سانايمىز. (بىرگە قايتالاۋ)
جىل مەزگىلدەرىن بىلەمىز.
اپتا كۇندەرىن بىلەمىز.
- جارايسىڭدار، بالالار، ەندەشە بۇگىنگى وقۋ قىزمەتتەن العان اسەرىمىزدى كورسەتەيىكشى. ءبارىمىز كەلگەن قوناقتارمەن قوشتاسايىق.
كورىسكەنشە كۇن جاقسى،
ساۋ - سالامات بولايىق!
اتىراۋ قالاسى، "زەينەپ-امينا جانە بالاپاندار" بوبەكجاي-بالاباقشاسى
ەرەسەك توپ تاربيەشىسى: جۋماگالييەۆا مايا كۋانگالييەۆنا
قمۇق، اشىق وقۋ قىزمەتى "ءارتۇرلى زاتتار ءتۇرىن توپتاۋ"
You Might Also Like
-
قازىرگى ءبىلىم بەرۋ سالاسىنداعى زاماناۋي باعىتتار جانە وقۋشىنىڭ بەيىندىك قابىلەتىن دياگنوستيكالاۋداعى پسيحولوگيالىق قىزمەتتىڭ ءرولى.
-
كوپشىلىگىمىز بويىمىزداعى اسىل قاسيەتتەردى بايقاماي، ومىردەن باز كەشىپ جاتامىز. سىناقتاردى سابىرمەن جەڭۋ ءۇشىن دە، بيىكتەردى باعىندىرۋ جولىندا تەر توگۋ ءۇشىن - ءوزىمىزدى شەكسىز سۇيۋگە ءتيىستىمىز. ەندەشە ...
