InfoHub Logo

اشىق تاربيە ساعاتى
تاقىرىبى: استانا - وتانىمىزدىڭ جۇرەگى، تاۋەلسىزدىگىمىزدىڭ تىرەگى
8 - سىنىپتارى
استانا - وتانىمىزدىڭ جۇرەگى، تاۋەلسىزدىگىمىزدىڭ تىرەگى
ماقساتى: استانا تۋرالى ماعلۇمات بەرۋ، ەلوردامىز استانانىڭ كورىكتى ورىندارىمەن تانىستىرۋ؛ وتانسۇيگىشتىككە، وتانىن قادىرلەۋگە ۇيرەتۋ؛ ۇلتتىق پاتريوتيزم رۋحىندا تاربيەلەۋ.
كورنەكىلىكتەر: استانا سۋرەتتەرى، سلايدتار، بۋكلەتتەر.

بارىسى:
ءى. كىرىسپە
1 - جۇرگىزۋشى
قۇرمەتتى ۇستازدار، وقۋشىلار، بۇگىنگى ءبىزدىڭ تاربيە ساعاتىنىڭ تاقىرىبى – «استانا - وتانىمىزدىڭ جۇرەگى، تاۋەلسىزدىگىمىزدىڭ تىرەگى». استانا قالاسى قازاقستاننىڭ جاھاندىق برەندىنە اينالىپ، دۇنيەجۇزىندەگى اسەم دە جاس قالا رەتىندە تانىلۋدا. استانا – تاۋەلسىزدىك پەرزەنتى، استانا - جاڭا الەمدەگى قازاقستاننىڭ جارقىن بەينەسى.
2 – جۇرگىزۋشى
تاۋەلسىزدىك العان جىلدار ىشىندە ەلباسىمىز قازاقستاندى بۇكىل الەمگە تانىتتى. باسقا مەملەكەت سياقتى ءبىزدىڭ دە استانامىزدىڭ بار ەكەنىن، كەرەمەت ەكەنىن تانىتا ءبىلدى. ءانۇرانىمىز بۇكىل الەمدە شىرقالدى.
ءىى. ءان «استانا» جاندار ەڭلىك
ءىىى. ادەبي مونتاج «استانا تاريحى»
2 – جۇرگىزۋشى

استانا – ەلىمىزدىڭ باس قالاسى. ءار ەلدىڭ بالاسى ءوز وتانى، تۋعان جەرى تۋرالى ءبىلىپ، ونى كوركەيتىپ، قادىرلەي ءبىلۋ كەرەك. ءبىز – وسى ەلدىڭ بولاشاق پاتريوتتارىمىز. ۇلكەندەرىمىز جاساپ بەرگەن جولدى الداعى ۋاقىتتا جالعاستىرۋشىلار – ءبىز. ەندەشە استانا تۋرالى، بۇگىن جىرلاپ، اڭگىمەلەپ، ماقتان ەتەيىك!
1 – جۇرگىزۋشى
ەلباسى 1992 جىلى قازاقستاننىڭ پرەزيدەنتتىگىنە سايلانعاننان كەيىن سول جىلى اقمولاعا كەلدى. ەسىلدە كولدەنەڭ تارتىلعان ەسكى كوپىردىڭ ورتاسىندا تۇرىپ وزەنگە قارايدى. ەلباسىنا قاشاندا قالانىڭ ورتاسىنان اعىپ جاتاتىن وزەن ۇنايتىن. وزەن قالاعا ەرەكشە كورىك بەرەدى، مارتەبەسىن كوتەرەدى. ەلىمىزدە كوپ دەگەن قالالار وزەننىڭ بويىندا ورنالاسقان.
2 – جۇرگىزۋشى
«وزىندىك ورتادا تۋعان، باسەكەگە قابىلەتتى تۇلعا الدىمەن ءوز حالقىنىڭ ءتىلىن، تاريحىن مادەنيەتىن ءبىلۋ كەرەك» دەگەن ن. نازاربايەۆ
1 – وقۋشى
استانا حالقىمىز عاسىرلار بويى ارمانداعان تاۋەلسىزدىكتىڭ ءرامىزى جانە قۋاتتى فاكتورى بولادى. «استانا – جاڭا قازاقستاننىڭ قۋاتى جانە ونىڭ كوپۇلتتى حالقىن بىرىكتىرۋدىڭ قاينار بۇلاعى» دەگەن ن. نازاربايەۆ
2 – وقۋشى
اقمولا ورتالىق قازاقستاننىڭ سولتۇستىگىندە، ەسىل وزەنىنىڭ جاعاسىندا ورنالاسقان. عۇن تىلىندە «اق» - «باتىس»، «مول» «قامال» دەگەن ماعىنا بەرەدى. دەمەك «اقمولا» ءسوزى «باتىس قامالى» بولىپ اۋدارىلادى.
3 – وقۋشى
ءحى عاسىردا وسى قالانىڭ ورنىندا ەڭ العاش بوزوك قامالى ساۋدا بايلانىسى دامىپ، ورتاعاسىرلاردا قالا مارتەبەسىنە يە بولدى.
4 – وقۋشى
1830 جىلى قاراوتكەلدىڭ بويىندا اقمولا بەكىنىسىنىڭ نەگىزى قالانىپ، 1832 جىلى بەكىنىس پايدالانۋعا بەرىلدى. ەسىل وزەنىنىڭ تاياز جەرىن قاراوتكەل دەپ اتاعان. 1830 جىلى استانا ەسىل وزەنىنىڭ جاعاسىندا قازاق – ورىس اسكەرلەرى نەگىزىن قالاعان بەكىنىستەن باستاۋ الادى.
5 – وقۋشى
1954 جىلى باستالعان تىڭ جانە تىڭايعان جەرلەردى يگەرۋگە بايلانىستى قازاقستاننىڭ سولتۇستىگىندە 6 وبلىسى تىڭ ولكەسىنە جاتقىزىلدى دا، 1961 جىلى اقمولا قالاسى سەلينوگراد قالاسى بولىپ وزگەرتىلدى. تاۋەلسىزدىك العاننان كەيىن 1992 جىلى اقمولا اتاۋى قايتا قالپىنا كەلتىرىلدى.
6 – وقۋشى
1994 جىلى 6 شىلدەدە جوعارعى كەڭەس قازاقستان رەسپۋبليكاسى استاناسىن الماتى قالاسىنان اقمولا قالاسىنا كوشىرۋ تۋرالى شەشىم قابىلدادى. 1995 جىلى 20 قىركۇيەكتە تاۋەلسىز قازاقستاننىڭ پرەزيدەنتى ن. نازاربايەۆ جارلىعىمەن ەلوردانى الماتىدان اقمولاعا كوشىرۋ تۋرالى شەشىم قابىلداندى.
سىنىپ جەتەكشى: ج. بيمۇراتوۆا