InfoHub Logo

استانادا 2026 جىلدىڭ 25 ساۋىرىنەن باستاپ جول ەرەجەسىن بۇزعان جۇرگىزۋشىلەر ءۇشىن كولىكتەرىن ەۆاكۋاسيالاۋ جانە ارنايى تۇراقتاردا ساقتاۋ اقىلى بولادى. بۇل تۋرالى استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىنىڭ جاۋابىنان بەلگىلى بولدى.

بۇل تۋرالى Infohub.kz اقپارات اگەنتتىگى حابارلايدى.

قازىرگى ۋاقىتتا ەلوردادا «الاش» (701 ورىن)، «كوكتال» (803 ورىن) جانە «ارعىماق» (1000 ورىن) اتتى ءۇش ۋاقىتشا ساقتاۋ ورنى جۇمىس ىستەيدى. ولاردىڭ جالپى سىيىمدىلىعى – 2504 كولىك.

ەۆاكۋاسيا جانە ساقتاۋ تاريفتەرى

ەۆاكۋاتوردىڭ ءبىر رەتتىك شىعۋى كولىك ساناتىنا قاراماستان 3 اەك بولادى. ال كولىكتى ساقتاۋ اقىسى مىناداي:

«تاۋلىك» دەپ كولىكتى قابىلداۋ-تاپسىرۋ اكتىسىندە كورسەتىلگەن ۋاقىتتان باستاپ 24 ساعاتتىق كەزەڭ تۇسىنىلەدى.

الەۋمەتتىك جەڭىلدىكتەر قاراستىرىلماعان

كوپبالالى وتباسىلارعا، مۇگەدەكتەرگە نەمەسە جاۋىنگەر ارداگەرلەرگە ارنالعان جەڭىلدىكتەر جوق. تاريف تەك كولىك ساناتىنا بايلانىستى بولادى. كولىك باسقارماسىنىڭ تۇسىندىرۋىنشە، الەۋمەتتىك قولداۋ شارالارى زاڭدى ينفراقۇرىلىمدى پايدالانۋعا قاتىستى، ال بۇزۋشىلىق ءۇشىن جاۋاپكەرشىلىك بارلىعىنا بىردەي.

كولىكتى قايتارۋ ءتارتىبى

كولىكتى تەك بۇزۋشىلىق سەبەبى جويىلىپ، ەۆاكۋاسيا جانە ساقتاۋ اقىسى تولىق تولەنگەننەن كەيىن عانا الۋعا بولادى. تۇراقتار تاۋلىك بويى جۇمىس ىستەيدى. كولىكتى قايتارۋ ءۇشىن ەركىن نىسانداعى ءوتىنىش، بۇزۋشىلىقتى جويعانى تۋرالى قۇجاتتار، جەكە كۋالىك، كولىك قۇرالىنىڭ تىركەۋ كۋالىگى، سەنىمحات (ەگەر مەنشىك يەسى ەمەس ادام السا) جانە تولەمنىڭ تۇبىرتەگى قاجەت.

14 ساۋىردەگى مالىمەت بويىنشا، تۇراقتاردا 2109 كولىك بار، بۇل جالپى سىيىمدىلىقتىڭ 84%-ىن قۇرايدى.