استانادا ماتەماتيكا جۇيرىكتەرى انىقتالدى
استانادا ماتەماتيكا ءپانى بويىنشا مەكتەپ وقۋشىلارى اراسىندا وتكەن «التىن ساقا» وليمپياداسى ءوز مارەسىنە جەتتى.
«زەردەلى» اقىل-وي دامىتۋ ورتالىعى جانە «استانا دارىنى» وڭىرلىك عىلىمي-پراكتيكالىق ورتالىعىنىڭ ۇيىمداستىرىپ وتىرعان وليمپياداعا استانا قالاسىنىڭ 40 مەكتەبىنەن 1500-گا تارتا وقۋشىلارى قاتىستى.
رەسپۋبليكالىق فيزيكا-ماتەماتيكا مەكتەبىنىڭ جوعارى ساناتتى ءمۇعالىمى، «زەردەلى» اقىل-وي دامىتۋ ورتالىعىنىڭ ديرەكتورى ءماۋىت ىرىسبەكتىڭ ايتۋىنشا، باسەكەدە توپ جارىپ، جەڭىمپاز اتانعان وقۋشىلارعا اقشالاي جۇلدەلەر تابىستالادى.
«بيىل «التىن ساقا» وليمپياداسىن ەكىنشى رەت ۇيىمداستىرىپ وتىرمىز. باستى ماقساتىمىز وقۋشىلاردىڭ ماتەماتيكا پانىنە قىزىعۋشىلىعىن ارتتىرىپ، حالقارالىق وليمپيادالارعا دايىندالۋ. ءبىلىم سايىسىنىڭ باستى ەرەكشەلىگى «جۇزدىك باقىلاۋ جانە ءجۇز بالدىق باعالاۋ جۇيەسى» بويىنشا ءوتۋى. بۇل جۇيە شەتەلدەردە كەڭىنەن قولدانىلادى. ول وقۋشىعا تالداۋ جاساۋ ءۇشىن كوپ مۇمكىندىكتەر تۋدىرىپ، ءبىلىم الۋشىلاردىڭ ناقتى ءبىلىم دەڭگەيىن ايقىنداپ بەرەدى»، - دەپ اتاپ ءوتتى ءماۋىت ىرىسبەك.
وليمپيادانىڭ قورىتىندىسى بويىنشا، جۇلدەلى ءى، ءىى، ءىىى ورىن يەگەرلەرى انىقتالىپ، جەڭىمپازدارعا جانە ۇزدىك مەكتەپ ۇجىمىنا باعالى سىيلىقتار تابىستالادى.
You Might Also Like
-
ماڭعىستاۋ وبلىسى، جاڭاوزەن قالاسى №25 "تولاعاي" بالاباقشاسى مكقك تاربيەلەنۋشى: راسۋل ماديار راحات ۇلى تاربيەشىسى: ۋرگەشبايەۆا كازىن...
-
«جەكە كابينەت» جوباسى ەكى جىلدان كەيىن قولدانىسقا ەنگىزىلەدى.
