ەرتىس اۋدانىندا 200-گە جۋىق وقۋشى لاتىن گرافيكاسىندا ديكتانت جازدى
پاۆلودار وبلىسى ەرتىس اۋدانىندا «وقۋشىلاردىڭ ەسىمدەرى مەن تەكتەرىن لاتىن گرافيكاسىندا جازۋ» اكسياسى اياسىندا 5-6 سىنىپتا وقيتىن 200-گە جۋىق وقۋشى لاتىن گرافيكاسىندا سوزدىك ديكتانت جازدى.
بۇل تۋرالى اۋداندىق ءبىلىم بەرۋ ءبولىمىنىڭ ادىسكەرى نۇرگۇل سۇلتانوۆا ايتتى، دەپ حابارلايدى pavlodarnews.kz.
"بالالارعا لاتىن گرافيكاسىنىڭ ەكى نۇسقاسى دا ۇسىنىلدى"، - دەيدى نۇرگۇل سۇلتانوۆا. - ياعني، 25 جانە 32 ارىپتەن تۇراتىن ءالىپبي بويىنشا جەڭىل سوزدەر تاڭدالىپ الىندى. وعان ۇستازدار قاۋىمى دا بەلسەندى قاتىستى. اكسيا بارىسىندا مۇعالىمدەر مەن وقۋشىلار اتى-جوندەرىن جازىپ، ينستاگرام جانە فەيسبۋك الەۋمەتتىك جەلىسىندە ارنايى LatynGrafikaErtis حەشتەگىمەن بەلگىلەدى. ديكتانتتىڭ قورىتىندىسى بويىنشا باعا قويىلمادى. ولار ءوزارا پىكىر الماسۋ جانە ءوز قاتەلەرىن تۇزەتۋ بويىنشا بىر-بىرىمەن جۇمىس ىستەدى".
ديكتانت جازۋدان باسقا، اۋدان مەكتەپتەرىندە قازاق ءتىلىن لاتىن گرافيكاسىنا كوشىرۋ تۋرالى ماسەلەنى تالقىلاۋ جانە قولداۋ بويىنشا ءىس-شارالار جوسپارىنا سايكەس «جاڭا ءالىپبي» كورمەسى، «لاتىن الىپبيىمەن تانىسۋ» سىنىپ ساعاتتارى وتكىزىلگەن.
ايتا كەتەرلىگى، ەرتىس اۋدانىندا 2600-دەن استام بالا ءبىلىم الاتىن 26 مەكتەپ بار.
You Might Also Like
-
ماڭعىستاۋ وبلىسى، جاڭاوزەن قالاسى №25 "تولاعاي" بالاباقشاسى مكقك تاربيەلەنۋشى: راتدجان بەكاسىل ەسبول ۇلى تاربيەشىسى: ۋرگەشبايەۆا كا...
-
سۋىق كۇندەردە دە دالادا جۇگىرۋ، دەنە جاتتىعۋلارىن جاساۋ، ۆەلوسيپەد ايداۋ سەكىلدى جاتتىعۋلار دەنساۋلىقتى، يممۋنيتەتتى كوتەرەتىندىگى، دەپرەسسيانىڭ الدىن الاتىندىعى، سەرگەك جۇرۋگە سەپتىگىن تيگىزەتىنى ...
