«جوعالمايتىن» كۇندەلىك 2020 جىلى پايدا بولادى
«جەكە كابينەت» جوباسى ەكى جىلدان كەيىن قولدانىسقا ەنگىزىلەدى.
وقۋشىلاردىڭ جەكە ەلەكتروندى كابينەتىن قۇرۋ جوباسى تۋرالى جۇرتشىلىقتىڭ قۇلاعدار بولعانىنا كوپ بولدى. وسى جىلدىڭ اقپان ايىندا ءبىلىم جانە عىلىم ءمينيسترى ەرلان ساعادييەۆ «جوعالمايتىن»، بارلىق اقپارات اتا-انالاردىڭ سمارتفونىندا ساقتالاتىن بەساسپاپ ەلەكتروندى كۇندەلىك ەلىمىزدەگى 7100 مەكتەپتىڭ 4 مىڭىنا ەنگىزىلگەنىن ايتقان ەدى.
سونىمەن قاتار «كۇندەلىك» وقۋشىلاردىڭ «جەكە كابينەتىنىڭ» تەك ءبىر بولىگى عانا، وندا وقۋشىنىڭ بالاباقشاعا كەلگەننەن باستاپ (ەگەر بارىپ جاتسا) PhD دارەجەسىن العانعا دەيىنگى وقۋ ۇلگەرىمى تۋرالى بارلىق اقپارات تولىق كورسەتىلەتىن بولادى. ءبىلىم بەرۋ اتتەستاتى مەن ونلاين ديپلومداردى تابىستاۋ، سونداي-اق سيفرلى ءبىلىم بەرۋ كۋرستارىن ۇيىمداستىرۋدى قاراستىراتىن مۇمكىندىكتى بعم 2020 جىلعا قاراي ۇسىنباق.
«ءبىلىم بەرۋ سالاسىنىڭ بارلىق توپتارى بويىنشا جۇمىس باستالىپ كەتتى. بۇل جوبا بىرنەشە كەزەڭنەن تۇرادى، سونىڭ بارلىعىنان ءوتۋىمىز كەرەك»، – دەدى ءبىلىم جانە عىلىم مينيسترلىگىنىڭ اقپاراتتىق تەحنولوگيالار دەپارتامەنتىنىڭ ديرەكتورى المات يششانوۆ.
«العاشقى كەزەڭدە ءادىسنامانى ەسكەرە وتىرىپ، جۇيەنى قابىلداۋىمىز كەرەك، ال ەكىنشى كەزەڭدە بايلانىستىڭ تۇراقتى ارنالارىن ءبىر جولعا قويۋعا ءتيىسپىز.
اقپارات جانە كوممۋنيكاسيالار مينيسترلىگىمەن بىرلەسىپ، كەپىلدى بايلانىس ارنالارىن ۇسىنۋ ماسەلەسىن شەشىپ الۋعا تاپسىرما بەرىلدى. وسى ەكى ماسەلە شەشىلگەننەن كەيىن، 2020 جىلعا قاراي ءبىلىم بەرۋدىڭ ءبىر تەرەزە جۇيەسىنە كوشەمىز دەپ ويلايمىن. 2019-2020 جىلعا قاراي بۇل ماسەلە تولىق شەشىلەدى دەپ ۇمىتتەنەمىز»، – دەپ تولىقتىردى ول.
ءبىلىم بەرۋدىڭ ءبىر تەرەزە جۇيەسى وسىعان دەيىن جاسالعان ۇلتتىق ءبىلىم بەرۋدىڭ مالىمەتتەر بازاسى پلاتفورماسىندا جۇمىس ىستەيتىن بولادى. بعم وكىلىنىڭ ايتۋىنشا، بۇعان قازاقستانداعى بارلىق مەكتەپ پەن كوللەدج ەنگىزىلگەن، ەندى بارلىق جوعارى وقۋ ورىندارى قوسىلادى.
«ءقازىر مالىمەتتەردى تۇرلەندىرىپ جاتىرمىز، بالاباقشاعا بارۋ ءۇشىن ەسەپكە الۋ مەن جولداما بەرۋدىڭ جاڭا ءادىسىن قابىلدادىق»، – دەپ اڭگىمەسىن ودان ءارى جالعاستىردى المات يششانوۆ.
«ءقازىر بۇل جوبانى جاڭا ادىستەمەگە سايكەس وڭىرلەردە سىناقتان وتكىزىپ جاتىرمىز. مۇنىڭ ءبارى جەرگىلىكتى بيۋدجەتتىڭ ەسەبىنەن ىسكە اسىپ جاتىر. مەكتەپ جاسىنا جەتپەگەن ۇلدار مەن قىزدار بالاباقشاعا بارۋعا جولداما العان ساتتەن باستاپ، مالىمەتتەر بازاسىندا ولاردىڭ ID كارتوچكاسى جاسالادى. ودان ءارى قاراي بۇل جەرگە ونىڭ ساباق ۇلگەرىمى، دەنساۋلىعى، اتا-اناسى تۋرالى اقپارات ەنگىزىلەدى. بالا مەكتەپكە باراتىن كەزدە قۇجات جيناۋدىڭ قاجەتى بولماي قالادى، ويتكەنى ءبىزدىڭ جۇيەگە مەكتەپ تىركەلەدى دە، جۇيە بالانى مەكتەپكە ءوزى اۋىستىرادى. بۇدان ارى قاراي «كۇندەلىك» جۇيەسىندە بالانىڭ وقۋ ۇلگەرىمى تۋرالى مالىمەت كورسەتىلەدى، ال ەگەر بالا الماتىدان استاناعا اۋىساتىن بولسا، وندا ول بعم پورتالىنا كىرىپ، مىندەتتى راسىمدەردى اتقارادى، ءسويتىپ ونىڭ وقۋ ۇلگەرىمى تۋرالى بارلىق اقپارات اۆتوماتتى تۇردە الماتىنىڭ مەكتەبىنەن استانانىڭ مەكتەبىنە كوشىرىلەدى»، – دەپ قوستى ول.
كوللەدجدەن كوللەدجگە نەمەسە ءبىر جوعارى وقۋ ورنىنان ەكىنشى جوعارى وقۋ ورنىنا اۋىسقان كەزدە ستۋدەنتتەردىڭ وقۋ ۇلگەرىمى تۋرالى مالىمەتتى قاعاز جۇزىندە ەمەس، تاپ وسىلاي، ەلەكتروندى ءتاسىل ارقىلى اۋىستىرۋ مۇمكىن بولادى.
«ۇلتتىق مالىمەتتەر بازاسىندا قاعازسىز جۇمىس ىستەۋ مۇمكىندىگىن تۋعىزاتىن ءبىرىڭعاي ءبىلىم بەرۋدىڭ ساقتاۋ ورنىن جاساماقشىمىز. وسىعان بايلانىستى جۇيەنى جەتىلدىرىپ جاتىرمىز»، – دەپ ءتۇسىندىردى المات يششانوۆ.
سونىمەن بىرگە ءار وقۋشىنىڭ بالاباقشاعا بارعاندا جاسالعان ID-كارتاسى قولدانۋشىعا ىڭعايلى بولۋ ءۇشىن ونىڭ جسن-نا بەكىتىلەدى، ياعني بارلىق جوعارىدا ايتىلعان وپەراسيالاردى جسن ارقىلى جاساۋ مۇمكىن بولادى.
بعم وكىلىنىڭ ايتۋىنشا، وقۋشىنىڭ بۇل قۇجاتى PhD دارەجەسىن العانعا دەيىن قاداعالانادى، ناتيجەسىندە ءبىلىم بەرۋ سالاسىندا قولدان جاسالعان ديپلومدار جويىلادى.
تاپ قازىرگى ۋاقىتتا ءبىلىم بەرۋدىڭ ءبىر تەرەزەسى جۇيەسىنىڭ بارلىق مۇمكىندىكتەرى ىشىنەن بالاباقشاعا ورنالاستىرۋ جۇيەسى قاناتقاقتى جوبا رەتىندە ىسكە اسۋدا، سونداي-اق «كۇندەلىك» ەلەكتروندى كۇندەلىك جۇيەسى ەلىمىزدىڭ كوپتەگەن مەكتەبىندە قولدانىلىپ جاتىر.
«ەندى بالالار كۇندەلىگىمدى جوعالتتىم دەپ سىلتاۋ ايتا المايتىن بولادى، ويتكەنى بارلىق اقپارات اتا-انالاردىڭ سمارتفونىنا ەنگىزىلەدى، – دەدى المات يششانوۆ. – ال اتا-انالار بولسا، بالاسىنىڭ ساباق ۇلگەرىمىن، ساباققا قاتىسۋىن مەكتەپكە بارماي-اق باقىلاپ وتىرادى».
ءبىر تەرەزە جۇيەسى ەسەپكە الۋ مەن باقىلاۋدى عانا ەمەس، سونداي-اق وقۋشىلاردىڭ قاشىقتىقتان وقۋىنا مۇمكىندىك بەرەدى.
«ءقازىر بىزدە «بىلىمدىلىك» پلاتفورماسى بار. مۇندا بارلىق ءپان كورسەتىلگەن. بۇل ەلەكتروندى پلاتفورما ونلاين جانە وفلاين-رەجيمدە جۇمىس ىستەيدى»، – دەدى ءبىلىم بەرۋ مەكەمەسى دەپارتامەنتىنىڭ ديرەكتورى.
«ۇلتتىق ءبىلىم بەرۋ مالىمەتتەر بازاسى جۇيەسىندە ءاربىر وقۋشى مەن ستۋدەنتتىڭ «جەكە كابينەتى» بولادى. بۇعان كىرۋ ءۇشىن ولارعا پارول بەرىلەدى. وسىنىڭ ارقاسىندا وقۋشى ءبىلىم بەرۋ جۇيەسىنىڭ بارلىق قىزمەتىنە قول جەتكىزەدى. بۇل پلاتفورما ونلاين-كورسەتىلىم، سونىمەن قاتار جازبا جاساۋعا مۇمكىندىك بەرەدى. وقۋشىلار ۆيدەوكونتەنتتىڭ ونلاين-نۇسقاسىن نەمەسە وفلاين نۇسقاسىن پايدالاناتىن بولادى»، – دەدى ول.
المات يششەنوۆتىڭ ايتۋىنشا، ءبىلىم جانە عىلىم مينيسترلىگى وسى جۇمىس اياسىندا وقۋشىلارعا ارنالعان بىرنەشە ءموبيلدى قوسىمشانى ىسكە قوسۋدى كوزدەپ وتىر. وسى ورايدا IT-سالاسىندا جۇمىس ىستەيتىن قازاقستاندىق بيزنەستىڭ مۇمكىندىگىن پايدالانۋ دا ويدا بار.
«كۇندەلىك» جوباسى اياسىندا ءموبيلدى قوسىمشا ىسكە قوسىلعان، ءبىراق مينيسترلىكتىڭ جۇمىسى مۇنىمەن شەكتەلىپ قالمايدى دەپ ويلايمىز»، – دەدى ول.
«نارىققا وسى جۇيەگە ارنالعان ءموبيلدى قوسىمشا ازىرلەۋگە مۇمكىندىك بەرگىمىز كەلىپ وتىر. كەيىن ەڭ ۇزدىك ءموبيلدى قوسىمشانى تاڭداپ الامىز»، – دەپ قورىتىندىلادى ول.
دەرەككوز: http://abctv.kz
You Might Also Like
-
استانادا ماتەماتيكا ءپانى بويىنشا مەكتەپ وقۋشىلارى اراسىندا وتكەن «التىن ساقا» وليمپياداسى ءوز مارەسىنە جەتتى.
-
كوپ كىتاپ وقۋ كەرەك. كىتاپ وقۋ ادامنىڭ ءبىلىمىن، ءوي-ورىسىن، ءتىل بايلىعىن دامىتادى. سويلەمدەردى جاقسى قۇرا الۋدى، ءدىلمارلىق قابىلەتىن جەتىلدىرەدى. كوپ وقۋ، كوپ نارسە ءبىلۋ ماڭىزدى، سونىمەن قاتار بىلەت...
