tengrinews.kz
استانادا تۇرعىن ءۇي كەشەنىندە ءورت شىقتى: زارداپ شەككەندەر جوق
استانادا كەشكىسىن تۇرعىن ءۇي كەشەنى ورتەندى. ءورت ەسىل اۋدانىنداعى ءالىمحان ەرمەكوۆ كوشەسىندەگى 8 قاباتتى عيماراتتىڭ سىرتقى قاسبەتىن شارپىپ، ەكىنشى قاباتتان ءتورتىنشى قاباتقا دەيىن تەز تاراعان.
توتەنشە جاعدايلار مينيسترلىگىنىڭ باسپا ءسوز قىزمەتى حابارلاعانداي، ءورت سوندىرۋشىلەر كەلگەن كەزدە جالىن عيماراتتىڭ سىرتقى قابىرعاسىن جاپقان ماتەريالدى جالماپ ۇلگەرگەن. ءورت سوندىرۋشىلەردىڭ جەدەل ارەكەتىنىڭ ارقاسىندا جالىن پاتەرلەرگە وتپەي، جوعارى قاباتتارعا تارالۋىنا جول بەرىلمەدى.
"ءورتتى اۋىزدىقتاۋ كەزىندە جالىننىڭ عيمارات ىشىنە ەنۋىنە جانە جوعارى قاباتتارعا تارالۋىنا جول بەرىلمەدى. ءورتتىڭ وشاعى عيماراتتىڭ سىرتقى جاعىندا ورنالاسقان بولاتىن"، - دەپ حابارلادى ۆەدومستۆو.
بۇل وقيعادان ەشكىم زارداپ شەككەن جوق. ءورتتىڭ شىعۋ سەبەبى انىقتالىپ جاتىر.
بۇعان دەيىن الماتىدا ءال-فارابي داڭعىلىنداعى تۇرعىن ءۇي كەشەنىندە ءورت شىققان بولاتىن. سول كەزدە 36 ادام، ونىڭ ىشىندە 6 بالا قۇتقارىلعان ەدى.
-
قازاقستانعا Starlink سپۋتنيكتىك ينتەرنەتىن ەنگىزۋ جۇمىستارى بەلسەندى كەزەڭگە ءوتتى. مينيسترلىك پەن Starlink وكىلدەرى كەلىسىم شارتتارىنىڭ ورىندالۋىن جانە جۇيەلەردىڭ دايىندىعىن تەكسەردى.
-
قازاقستاندىق قىزداردى قورلاعان رەسەيلىك ستريمەرلەرگە قاتىستى داۋ ۋشىعىپ، سپورتشى ەركەبۇلان توقتار ولارعا قاتاڭ ەسكەرتۋ جاسادى.
