استاناداعى ەليتالىق مەكتەپتە 900 ملن تەڭگە جىمقىرعان: ديرەكتور مەن باس ەسەپشى قاماۋعا الىندى
استاناداعى ەليتالىق مەكتەپتە 900 ملن تەڭگە جىمقىرعان: ديرەكتور مەن باس ەسەپشى قاماۋعا الىندى
استاناداعى №81 Astana English School حالىقارالىق مەكتەبىندە ءىرى كولەمدەگى قارجى جىمقىرۋ دەرەگى انىقتالدى. قارجى مونيتورينگى اگەنتتىگىنىڭ مالىمەتىنشە، وقۋ ورداسىنىڭ بۇرىنعى ديرەكتورى مەن باس ەسەپشىسى 900 ميلليون تەڭگەدەن استام بيۋدجەت قاراجاتىن زاڭسىز يەمدەنگەن دەگەن كۇدىككە ءىلىندى.
تەرگەۋ بارىسىندا مىناداي جايتتار بەلگىلى بولدى:
- اتا-انالاردان دايىندىق سىنىپتارى مەن جازعى لاگەرگە اقشالاي تولەمدەر الىنىپ، ولار مەكەمەنىڭ رەسمي شوتىنا ەمەس، جەكە پايداعا جۇمسالعان؛
- شامامەن 16 ملن تەڭگە ەشقاشان مەكتەپتە جۇمىس ىستەمەگەن جالعان قىزمەتكەرلەردىڭ اتىنا اۋدارىلعان. بۇل تىزىمدە كۇدىكتىلەردىڭ تۋىستارى دا بار؛
- قىلمىستىق جولمەن الىنعان قاراجاتقا 382 ملن تەڭگەگە مۇلىك ساتىپ الىنعان: كوتتەدج، ەكى پاتەر مەن اۆتوكولىك.
قازىرگى تاڭدا بۇل مۇلىككە سوتتىڭ سانكسياسىمەن تىيىم سالىنعان، ال ەكى كۇدىكتى قاماۋعا الىنعان. قىلمىستىق ءىس بويىنشا تەرگەۋ جالعاسىپ جاتىر.
You Might Also Like
-
بۇگىنگى ءبىلىم بەرۋ جۇيەسىندە ءجيى ايتىلاتىن اششى شىندىق – «كەزىندە مۇعالىمنەن وقۋشى قورقاتىن، ءقازىر ءمۇعالىم وقۋشىدان قورقادى» دەگەن تىركەس. بۇل – جاي عانا ءسوز ەمەس، قوعامداعى تاربيە مەن ءتارتىپتىڭ، ءبى...
-
4–5 شىلدە كۇندەرى ەلىمىزدىڭ وڭتۇستىگى مەن وڭتۇستىك-شىعىسىندا كۇن كۇرت ىسيدى، دەپ حابارلايدى «قازگيدرومەت». كەي جەرلەردە تەرمومەتر باعانى +47°C-قا دەيىن جەتۋى مۇمكىن.
