ەكس-ۆيسە-مينيسترلەر پارامەن ۇستالىپ، ءىرى كولەمدەگى زاڭسىز سىياقى اشكەرە بولدى
قارجى مونيتورينگى اگەنتتىگى بۇرىنعى جوعارى لاۋازىمدى تۇلعالاردىڭ ءىرى كولەمدە پارا الۋ دەرەگى بويىنشا تەرگەۋ جۇرگىزىلىپ جاتقانىن راستادى. قىلمىستىق ىسكە «ەڭبەك رەسۋرستارىن دامىتۋ ورتالىعى» اق مەن «ءبىرىنشى كرەديتتىك بيۋرو» ج ش س باسشىلىعى تارتىلعان.
تەرگەۋ دەرەكتەرىنە سۇيەنسەك، «ءبىرىنشى كرەديتتىك بيۋرو» باسشىلىعى قارجى ينستيتۋتتارىنىڭ سۇرانىسىنا قىزمەت كورسەتۋ بارىسىندا ءوز مۇددەلەرىن ىلگەرىلەتۋ ءۇشىن مەملەكەتتىك مەكەمە باسشىلارىنا جۇيەلى تۇردە پارا بەرگەن.
28 ماۋسىمدا الماتىدا كەزەكتى 75 مىڭ دوللار پارا بەرۋ ساتىندە بىردەن ءۇش تۇلعا قولعا ءتۇستى:
- رۋستام وماروۆ – «ءبىرىنشى كرەديتتىك بيۋرو» ج ش س باس ديرەكتورى،
- اسلان سارباسوۆ – «ەڭبەك رەسۋرستارىن دامىتۋ ورتالىعى» باسشىسى، بۇرىن ەڭبەك جانە حالىقتى الەۋمەتتىك قورعاۋ ءمينيسترىنىڭ ءبىرىنشى ورىنباسارى بولعان،
- داۋلەت ارعاندىكوۆ – بۇرىنعى باسشى، دەنساۋلىق ساقتاۋ جانە الەۋمەتتىك دامۋ ۆيسە-مينيسترى قىزمەتىن اتقارعان.
تەرگەۋ اياسىندا ءتىنتۋ جۇرگىزىلىپ، 370 مىڭ اقش دوللارى جانە 4،5 ملن تەڭگە تاركىلەندى.
30 ماۋسىمدا سوت قاۋلىسىمەن ۇشەۋى دە ەكى ايعا قاماۋعا الىندى. قىلمىستىق ءىس بويىنشا تەرگەۋ جالعاسىپ جاتىر.
You Might Also Like
-
مينيستر ستۋدەنتتەردى اسكەرگە الىپ كەتپەۋ ءۇشىن قورعانىس مينيسترلىگىنە ۇسىنىس جاسادى،دەپ حابارلايدى ينفوحاب.كز.
-
ەندى قوعامدىق ورىندا بەيادەپ ءسوز ايتقان بالالاردىڭ اتا-انالارى نەمەسە زاڭدى وكىلدەرى زاڭ الدىندا جاۋاپ بەرەدى. بۇل تۋرالى قىلمىستىق كودەكستىڭ 131-بابىنا جانە اكىمشىلىك قۇقىق بۇزۋشىلىق تۋرالى كودەكس...
