InfoHub Logo

استانادا جول قاۋىپسىزدىگىن ارتتىرۋ ماقساتىندا جاڭا جۇيە ىسكە قوسىلدى. ەندى ارنايى كامەرالار جۇرگىزۋشىلەردىڭ قاۋىپسىزدىك بەلدىگىن تاقپاعانىن نەمەسە كولىك جۇرگىزىپ وتىرىپ، تەلەفونمەن سويلەسكەنىن انىقتاي الادى. بۇل شارالار جول-كولىك وقيعالارىن ازايتۋعا جانە قالا جولدارىن بوساتۋعا باعىتتالعان.

بۇل تۋرالى Infohub.kz اقپارات اگەنتتىگى حابارلايدى.

استاناداعى كولىك سانى جىل سايىن شامامەن 10 پايىزعا ارتىپ كەلەدى. قازىرگى تاڭدا قالادا رەسمي تىركەلگەن 456 مىڭنان استام اۆتوكولىك بار، ال تىركەلمەگەندەرى شامامەن 50 مىڭعا جۋىق. كۇن سايىن قالاعا 100 مىڭعا جۋىق كولىك كىرىپ-شىعادى، بۇل جولدارعا تۇسەتىن سالماقتى ارتتىرادى.

جول قوزعالىسىن باسقارۋ جۇيەسى

قالا اكىمى جەڭىس قاسىمبەكتىڭ ايتۋىنشا، كولىك قوزعالىسىن رەتتەۋ جانە قاۋىپسىزدىكتى ارتتىرۋ ءۇشىن كەشەندى باعدارلاما جۇزەگە اسىرىلۋدا. بۇل باعدارلاما اياسىندا ءبىرىڭعاي وپەراتور – جول قوزعالىسى ورتالىعى قۇرىلعان. ول پاركينگ، كولىك اعىندارى، باعدارشامداردى باسقارۋ، ەۆاكۋاسيا جانە جول اپاتتىلىعىن ازايتۋ شارالارىن ۇيلەستىرەدى.

قازىرگى ۋاقىتتا 818 باعدارشامنىڭ 582ء-سى اۆتوماتتاندىرىلعان رەجيمگە كوشىرىلدى. ولار جولدىڭ جۇكتەمەسىنە بايلانىستى ءوز رەجيمىن وزگەرتەدى.