11 مامىردان كەيىن وقۋشىلار قالاي وقيدى — مينيستر جاۋابى
توتەنشە جاعداي رەجيمى اياقتالعاننان كەيىن مەكتەپ، كوللەدج، ۋنيۆەرسيتەتتەر قاشىقتان جۇمىس ىستەۋىن جالعاستىرا بەرەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ تىكەلەي ەفير بارىسىندا ءمالىم ەتتى.
«پرەزيدەنت ايتقانداي، مەكتەپ، كوللەدج، ۋنيۆەرسيتەتتەر قاشىقتان جۇمىسىن جالعاستىرا بەرەدى. قاشىقتان جۇمىس ىستەپ كەلە جاتقانىمىزعا ءۇش اپتا بولدى. وسىلاي جۇمىس ىستەۋگە ۇيرەنىپ قالدىق. باستاپقىدا تۋىنداعان سۇراقتار ءقازىر جوق. پروسەسس ءجۇرىپ جاتىر جانە بۇعان قاتىستى ۇلكەن ماسەلە جوق»، — دەيدى مينيستر.
سونداي-اق اسحات ايماعامبەتوۆ وقۋ جىلى قاشان اياقتالاتىنىن ايتتى.
«ق ر ءبىلىم جانە عىلىم مينيسترىلىگىنىڭ بۇيرىعى بويىنشا وقۋ جىلىن كەستە بويىنشا اياقتايمىز. 25 مامىردا ورتا ءبىلىم بەرۋ مەكەمەلەرىنىڭ بارىندە وقۋ جىلى اياقتالادى»، — دەيدى ول.
ەسكە سالايىق، بۇگىن ق ر پرەزيدەنتى قاسىم-جومارت توقايەۆ مالىمدەمە جاساپ، توتەنشە جاعداي رەجيمى بيىلعى 11 مامىرعا دەيىن جالعاساتىنىن ايتتى.
You Might Also Like
-
ق ر بعم مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى مايرا مەلدەبەكوۆا وقۋشىلار IV توقساننىڭ جيىنتىق باعالاۋىن (تجب) قاشان تاپسىراتىنىن ايتتى.
-
ق ر ءبىلىم جانە عىلىم ءمينيسترى اسحات ايماعامبەتوۆ بيىل مەكتەپ تۇلەكتەرى ءۇشىن قانداي ارتىقشىلىقتار بار ەكەنىن ايتتى.
