InfoHub Logo

اتا – انالارمەن جۇمىس
اتا – انالار ءۇشىن كەڭەس
مەكتەپ جاسىنا دەيىنگى بالالاردىڭ پسيحولوگيالىق ەرەكشەلىكتەرى
مەكتەپ جاسىنا دەيىنگى شاق – ادام ءومىرىنىڭ ەڭ قىسقا ۋاقىت ارالىعى، العاشقى 7 جاسقا دەيىنگى ارالىقتى الادى. الايدا وسى كەزەڭدە بالانىڭ ەرەسەكتەردەن الشاقتاۋى، كىشكەنە ءالسىز ءسابيدىڭ وزبەتتى، بەلسەندى تۇلعاعا اينالۋى باستالادى.
مەكتەپ جاسىنا دەيىنگى جاستىڭ پسيحولوگيالىق ەرەكشەلىكتەرى
نەگىزگى ارەكەت – ويىن، ادامداردىڭ ارەكەتى مەن مىنەز – قۇلىق نورمالارىن يگەرۋ.
• 1 جاستا بالا 7 - 14 ءسوزدى قولدانادى. ءبىر ىسكە 15 مينۋت نازارىن اۋدارىپ شۇعىلدانادى، «بولمايدى دەگەن ءسوزدىڭ ماعىناسىن يگەرەدى، ± 2 ايىندا جۇرە باستايدى.
• 1، 5 جاسىندا بالانىڭ سوزدىك قورى 30 - 40 ءسوزدى قۇرايدى. ول جاقسى جۇرەدى، تاماقتانادى جانە سۋرەتتەگى زاتتاردىڭ بەينەسىن كورسەتىپ تانيدى، وزىنە باعىتتالعان ءسوزدى جاقسى تۇسىنەدى. بۇل جاستا بالانىڭ نەگىزگى سۇراقتارى: «كىم؟» «نە؟».
• 2 جاستا بالانىڭ سوزدىك قورى 300 - 400 ءسوزدى قۇراۋى ءتيىس. بالانىڭ نەگىزگى سۇراقتارى: «بۇل كىم؟»، «بۇل نە؟». زات ەسىم، سىن ەسىم، ۇستەۋ، ەسىمدىك، ەتىستىكتەردى يگەرەدى. فرازوۆايا ءسوز قالىپتاسادى (قىز بالالاردا ءجيى 1، 5 جاستا). سۇراقتار ايىرماشىلىقتارى بالانىڭ اقىل – وي قابىلەتىنىڭ «جاقسى» دامۋىن كورسەتەدى. شارشىلاردان مۇنارالار تۇرعىزادى، قارىنداشتى سىزىقتار سىزادى.
• 2، 5 جاستا سوزدىك قور 1000 ءسوزدى قۇرايدى. كەڭىستىكتى باعدارلاۋ سۇراقتارى: «قايدا؟»، «قايدان؟»، «قاشان؟» پايدا بولادى. بۇل جاستا سوزدىك دامۋدىڭ تەجەلۋى پسيحيكالىق دامۋدىڭ تەجەلۋىنە نەمەسە كەرەڭدىكتىڭ بار بولۋىمەن كۇماندانادى.
• 3 جاستا بالادا «نەگە؟» دەگەن سۇراق قويا باستايدى. ەگەر بالاعا قوسىششا سۇراقتار قويىپ وتىرسا، بالا ەستىگەنىن جانە كورگەنىن ايتىپ بەرە الادى. ويلاۋ قابىلەتىنىڭ كۇردەلىلىگىنە دالەل بولارلىقتاي ساباقتاس قۇرمالاس، كۇردەلى سويلەمدەردى قولدانادى. ءبىر، كوپ، از دەگەن سوزدەردىڭ ماعىناسىن تۇسىنەدى. زاتتىڭ ءبىر عانا سيپاتى بويىنشا تۇتاستاي زاتتى تاني الادى. مىسالى: قۇلاعى بويىنشا قوياندى، ت. ب.
• 3، 5 جاستا جوسپارلاۋ، قۇراستىرۋ ەلەمەنتتەرىن يگەرە باستايدى. زاتتارمەن كورنەكى بەينەلى ويىن ەلەمەنتىن جانە كەيىننەن قۇرداستارىمەن ويىن بارىسىندا كورىنەدى. بالا ەموسيونالدى: ءوزىن جاقسى كورەدى، رەنجىگىش، قۋانىشتى، جابىرقاۋلى، مەيىرىمدى، اقكوڭىل، قىزعانشاق، اياۋعا قابىلەتتى.
• 3 – 4 جاستا – ءوزىن - ءوزى بەكىتۋ؛ مۇمكىن بولاتىن رەاكسيالار: ءتىل الماۋ، قىرسىقتىق، نەگاتيۆيزم، («مەن ءوزىم»، ءوزىن ماداقتاۋ). وزبەتتى وينايتىن ويىندار (پاندىك، قۇراستىرمالى، سيۋجەتتىك - رولدىك ويىندار).
• 4 جاستا ءوزى ءالى كورمەگەن، ءبىراق ول تۋرالى ەستىگەندەرى تۋرالى تۇسىنە الادى. سۋرەت بويىنشا قاراپايىم، تولىق اڭگىمە قۇراستىرا الادى، سانالى تۇردە ەرەسەكتەردىڭ ءسوزىن جالعاستىرىپ، جالپىلاۋعا قابىلەتتىلىك تانىتادى. نەگىزگى قوياتىن سۇراعى: نەگە؟ قۇرداستارىمەن سيۋجەتتىك - رولدىك ويىن وينايدى. ءبىر ىسپەن 40 - 50 مينۋت شۇعىلدانا الادى.
• 4، 5 جاستا الدىنا ماقسات قويىپ سول ماقساتقا جەتۋ جولىن جوسپارلايدى. «نەلىكتەن؟» دەگەن سۇراق قويادى.
• 5 جاستا بالا ءوزىنىڭ اتىن، تەگىن، اكەسىنىڭ اتىن، جاسىن، مەكەن - جايىن، ۇيىنە اپاراتىن كولىك اتتارىن ايتادى. ويىنشىقتى سحەما بويىنشا قۇراستىرا الادى. ادام سۋرەتىن نەگىزگى بارلىق دەنە بولىكتەرىمەن سالا الادى.
• 5، 5 جاستا بالا بارلىق وقۋ تۇرىنە قول جەتكىزەدى، ول نەگىزگى زاڭدىلىق بويىنشا وقۋعا دايىن.
• 5 - 6 جاستا ەرەسەكتەرمەن قارىم - قاتىناس جاساۋ ۇيلەسىمدىلىگى، اتا - انالار تاراپىنان ماحاببات، مەيىرىم قاجەت ەتۋ، اتا – اناسىنا باۋىر باسۋ – وزگە ادامدى جاقسى كورۋ قابىلەتىنىڭ قالىپتاسۋى.
اتا – انالارمەن جۇمىس: مەكتەپ جاسىنا دەيىنگى بالالاردىڭ پسيحولوگيالىق ەرەكشەلىكتەرى جۇكتەۋ