اتتەستاتتاۋدان وتكەن پەداگوگتىڭ جالاقىسىنا قانشا ۇستەماقى قوسىلادى
بيىل پەداگوگتتەردى اتتەستاتتاۋ 3 كەزەڭمەن وتەدى. بۇل تۋرالى ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا ايتتى.
«پەداگوگتەردى اتتەستاتتاۋ ەرەكشە سانيتارلىق نورمالاردى ساقتاۋ تالابىمەن وتەدى. جالپى، كابينەتتەردىڭ بارلىعىندا ءاربىر پەداگوگتىڭ اراسىنداعى 2 مەترلىك اراقاشىقتىق ساقتالاتىن بولادى. سونىمەن قاتار ءاربىر پەداگوگ ماسكا تاعادى. اتتەستاتتاۋ وتەتىن اۋديتوريالاردا سانيتايزەرلەر مەن سەنسور تەرمومەتر بولۋى تالاپ ەتىلەدى. پەداگوگتەردى اتتەستاتتاۋ مينيسترلىكتىڭ 2 بۇيرىعىمەن بەلگىلەنگەن. ول — پەداگوگتەردىڭ بارلىعىنا تانىس 83ء-شى بۇيرىق پەن پەداگوگتەردىڭ بىلىكتىلىك ساناتتارىن بەرۋ جانە راستاۋ قاعيدالارى»، — دەدى مايرا مەلدەبەكوۆا مينيسترلىكتىڭ Facebook پاراقشاسىندا ونلاين رەجيمدە وتكەن اپپارات جينالىسىندا.
ونىڭ ايتۋىنشا، اتتەستاتتاۋ 3 كەزەڭمەن وتەدى. ءبىرىنشى كەزەڭدە ۇلتتىق بىلىكتىلىك تەستىن تاپسىرادى. ەكىنشى كەزەكتە بىلىكتىلىك باعالاۋ جۇرگىزىلەدى. ال ءۇشىنشى كەزەڭدە جالپى پەداگوگتىڭ نەمەسە ءبىلىم بەرۋ ۇيىمى باسشىسىنىڭ پورتفوليوسىن تالداۋ وتكىزىلەدى. پەداگوگتەر اتتەستاتتاۋدان 5 جىلدا 1 رەت، ءبىلىم بەرۋ ۇيىمدارىنىڭ باسشىلارى 3 جىلدا 1 رەت وتەدى.
«بيىلدان باستاپ مەكتەپكە دەيىنگى ءبىلىم بەرۋ ۇيىمدارىنىڭ پەداگوگتەرى مەن باسشىلارى، قوسىمشا ءبىلىم بەرۋ ۇيىمدارىنىڭ پەداگوگتەرى، مەتوديكالىق كابينەتتەردىڭ ادىسكەرلەرى، سونىمەن قاتار تەحنيكالىق جانە كاسىپتىك ءبىلىم بەرۋ ۇيىمدارىنىڭ پەداگوگتەرى مەن باسشىلارى قاتىسادى. وسى ءۇش كەزەڭدى ءساتتى وتكەن ءاربىر پەداگوگتىڭ، سونىمەن قاتار ءبىلىم بەرۋ ۇيىمى باسشىسىنىڭ جالاقىسىنا ۇستەماقى تولەنەدى. باسشىلار مەن ولاردىڭ ورىنباسارلارىنا تاعايىندالعان ساناتىنا بايلانىستى 30-دان 100 پايىزعا دەيىن، پەداگوگتەرگە 30-دان 50 پايىزعا دەيىن ۇستەمەاقى قوسىلادى»، — دەدى كوميتەت ءتورايىمى.
You Might Also Like
-
مەكتەپ تۇلەكتەرىنىڭ ءبىلىم ورداسىنا، ۇستازدارىنا سىيلىق بەرۋىنە تىيىم سالىنادى. بۇل تۋرالى ق ر ءبىلىم جانە عىلىم ۆيسە-مينيسترى شولپان كارينوۆا ايتتى.
-
پەداگوگتار ۇستەمەاقى الۋى ءۇشىن جاز ايلارىنىڭ ىشىندە اتتەستاتتاۋ ءراسىمىن ءبىتىرۋىمىز كەرەك. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
