پەداگوگتاردىڭ ۇلتتىق بىلىكتىلىك تەستىن تاپسىرۋى 3 ايعا سوزىلادى
21 مامىردا پەداگوگتاردان ۇلتتىق بىلىكتىلىك تەستىن تاپسىرۋعا ءوتىنىم قابىلداۋ باستالادى. بۇل تۋرالى ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا ايتتى.
«ەلىمىزدەگى كارانتين جاعدايىن ەسكەرە وتىرىپ ۇلتتىق بىلىكتىلىك تەستىن 3 اي وتكىزۋدى جوسپارلاپ وتىرمىز. بۇل — ماۋسىم، شىلدە، تامىز ايلارى. قۇجات قابىلداۋ 21 مامىردان باستالادى. جالپى، ەرەجەدە تاپسىرۋ ۋاقىتى دا ۇزارتىلدى. ماتەماتيكا، حيميا، فيزيكا، ينفورماتيكا پاندەرىنىڭ پەداگوگتارىنا 240 مينۋت بەرىلەدى»، — دەدى مايرا مەلدەبەكوۆا مينيسترلىكتىڭ Facebook پاراقشاسىندا ونلاين رەجيمدە وتكەن اپپارات جينالىسىندا.
ونىڭ اتاپ وتۋىنشە، مينيسترلىك وبلىستىق ءبىلىم باسقارمالارىنان بيىل ۇلتتىق بىلىكتىلىك تەستىن تاپسىرۋى مۇمكىن پەداگوگتاردىڭ بولجامدى سانىن العان.
«جوعارى وقۋ ورىندارىنىڭ تۇلەكتەرىن قوسپاعاندا شامامەن 113 مىڭ پەداگوگ تەست تاپسىرادى. تەست تاپسىرمالارىنىڭ بازاسى بار. وندا شامامەن 135 مىڭعا جۋىق تاپسىرما قامتىلعان. بيىل تاعى 21 مىڭ جاڭا تاپسىرما ازىرلەندى. تولىقتاي العاندا، بۇگىنگى كۇنى بازا جۇمىس ىستەپ تۇر. ونى سىناقتان وتكىزىپ كوردىك»، — دەدى كوميتەت ءتورايىمى.
مايرا مەلدەبەكوۆانىڭ ايتۋىنشا، پەداگوگ وزىنە قولايلى ۋاقىتتا بازاعا تىركەلە الادى.
You Might Also Like
-
25 مامىر كۇنى ەلىمىزدىڭ بارلىق مەكتەپتەرىندە وقۋ جىلىنىڭ اياقتالۋىنا وراي سوڭعى قوڭىراۋ ونلاين رەجيمدە سوعىلادى. بۇل تۋرالى ق ر ءبىلىم جانە عىلىم ۆيسە-مينيسترى شولپان كارينوۆا ايتتى.
-
مەنىڭ اسقار تاۋداي ارماندارىم وتە كوپ. وسى ارماندارىمنىڭ ءبىرى دە بىرەگەيى، مەنى ەلورداعا، ليەۆ گۋميليەۆ اتىنداعى ەۋرازيا ۇلتتىق ۋنيۆەرسيتەتىنە جەتەلەدى. وسىدان ءبىر جىل عانا ارمانىما اينالعان ءبىلىم ور...
