InfoHub Logo

قازاقستاننىڭ تاۋەلسىزدىك تاريحىمەن اتتاس ەسىم يەسى بار ەكەنىن بىلەسىز بە؟ كونستيتۋسيا نارتبايەۆا ەسىمدى اقساقالدىڭ تاعدىرىنا قاتىستى قىزىقتى وقيعانى بىزبەن ءبولىستى.

بۇل تۋرالى Infohub.kz اقپارات اگەنتتىگى حابارلايدى.

كونستيتۋسيا نارتبايەۆا 1958 جىلى تۇركىستان وبلىسىنىڭ جەتىساي قالاسىندا دۇنيەگە كەلگەن. ونىڭ ەرەكشە ەسىمىنە قاتىستى تاريحى تىڭداۋشىنى تاڭ قالدىرادى. زەينەتكەردىڭ ايتۋىنشا، ونىڭ اتىن حالىق قاھارمانى، جازۋشى باۋىرجان مومىش ۇلى قويعان.

ەسىمنىڭ تاريحى

كونستيتۋسيا نارتبايەۆانىڭ اناسى وعان دەيىن بىرنەشە ءسابيىن جوعالتقان ەكەن. اكەسى ورىن سۇلتانبەكوۆ اۋىلدىڭ سىيلى ازاماتى بولعان. 5 جەلتوقساندا كونستيتۋسيا دۇنيەگە كەلگەندە، ۇيگە باۋىرجان مومىش ۇلى كەلىپتى. ءسابيدىڭ قىز ەكەنىن ەستىگەندە، قاھارمان «اتىن مەن قويايىن» دەپ، ەرەكشە ەسىم بەرگەن كورىنەدى.

كونستيتۋسيانىڭ وتباسىندا وزىنەن ۇلكەن بازاربەك ەسىمدى اعاسى جانە كەيىن تۋعان ءسىڭلىسى بولعان.

«اتىمدى اۋىستىرعىم كەلدى»

ءوز ەسىمىنە كونستيتۋسيا نارتبايەۆا ءار جەردە تاڭدانىسپەن قارايتىنىن ايتادى. جاس كەزىندە اتىن اۋىستىرۋ تۋرالى ويلاعانىمەن، كەيىن بۇل ويىنان باس تارتقان.

«قۇربىلارىم مەنى كاتيا، كاتيۋشا دەپ اتايتىن. بانككە نەمەسە باسقا جەرلەرگە بارعاندا، ەسىمىمدى ەستىگەندەر تاڭعالىسپەن قارايتىن. كىشكەنتاي كەزىمدە «نەگە بۇلاي قويدىڭدار؟» دەپ، اتىمدى وزگەرتكىم كەلەتىن. ءبىراق كەيىن ازان شاقىرىپ قويىلعان ەسىمدى وزگەرتۋدىڭ قاجەتى جوق دەگەن شەشىمگە كەلدىم. مىنە، وسى ەسىممەن 68 جىل ءومىر ءسۇردىم»، – دەيدى كونستيتۋسيا نارتبايەۆا.

كونستيتۋسيا نارتبايەۆانىڭ ەكى ۇلى بار. 40 جىل مەديسينا سالاسىندا قىزمەت ەتكەن ول، ءقازىر نەمەرەلەرىنىڭ ورتاسىندا استانا مەن تاراز قالالارىنىڭ اراسىندا تۇرىپ جاتىر.