tengrinews.kz
اتىراۋداعى قاندى قىرعىن: سوتتا كۇدىكتىنىڭ سالقىنقاندى جاۋابى ۆيدەوعا ءتۇسىپ قالدى
اتىراۋدا وتباسىنى قاتىگەزدىكپەن ءولتىرۋ ءىسى بويىنشا سوت وتىرىسى ءوتىپ جاتىر. سوتتا كۇدىكتى سۇلتان سارسەمالييەۆتىڭ ايىپتاۋ اكتىسىن تىڭداعانداعى بەينەجازباسى تارادى. وندا ول پروكۋروردىڭ سوزدەرىن ەشقانداي ەموسياسىز، ءتىپتى كەيبىر ساتتەردە كۇلكىگە اينالدىرا جاۋاپ بەرگەن.
بۇل تۋرالى Infohub.kz اقپارات اگەنتتىگى حابارلايدى.
سوت پروسەسىندە پروكۋرور ميراس باۋىرجانوۆ ايىپتاۋ اكتىسىن وقىپ، قىلمىستىڭ ءمان-جايىن باياندادى. قۇجاتتا كۇدىكتىنىڭ ەكس-اپكەسىنىڭ اعاسى ناۋرىز مۇقانعالييەۆ پەن وتباسىنىڭ اكەسى ماقسوت ءقاراباليندى ولتىرگەنى تۋرالى قورقىنىشتى دەرەكتەر كەلتىرىلگەن. ءقاراباليندى ولتىرگەننەن كەيىن ءمايىتىن كىلەمگە وراپ، جالعا العان ءۇيدىڭ اۋلاسىنا كومگەنى ايتىلدى.
وسى ساتتەردى تىڭداپ وتىرعان سارسەمالييەۆتىڭ بەت الپەتىندە ەشقانداي تولقۋ بايقالمادى. ءتىپتى، ءبىر ساتتە ونىڭ ەرنىنىڭ قيسايۋى كۇلكىگە ۇقساس كورىندى. بۇل كورىنىس كامەراعا ءتۇسىپ قالدى.
سوتتاعى جاۋابى مەن تاڭداۋى
سۋديا زارەما حاميدۋللينا كۇدىكتىگە القابيلەر سوتىنىڭ قاراستىرۋ قۇقىعىن ءتۇسىندىرىپ، ونىڭ بۇل فورماتتاعى سوتقا قاتىسۋ-قاتىسپاۋ جونىندەگى ۇستانىمىن ناقتىلادى. الايدا، سارسەمالييەۆ القابيلەر سوتىنان باس تارتتى. ول مۇنداي سوتتىڭ قاجەتتىلىگى جوق ەكەنىن ايتىپ، سەبەبىن ناقتىلامادى.
كىسى ءولتىرۋ، ۇرلىق جانە الاياقتىق
سۇلتان سارسەمالييەۆ قىلمىستىق كودەكستىڭ ءۇش بابى بويىنشا ايىپتالۋدا:
پروكۋراتۋرانىڭ مالىمەتىنشە، ۇرلىق پەن الاياقتىق فاكتىلەرى مارقۇمداردىڭ جەكە زاتتارىن جىمقىرۋمەن جانە مالدارىن زاڭسىز ساتۋمەن بايلانىستى.
پسيحولوگيالىق-پسيحياتريالىق ساراپتاما قورىتىندىسى بويىنشا سارسەمالييەۆتىڭ ارەكەتتەرىنە تولىق جاۋاپتى ەكەنى انىقتالعان. وعان زاڭ بويىنشا ءومىر بويىنا باس بوستاندىعىنان ايىرۋ جازاسى كەسىلۋى مۇمكىن.
-
A high-value Lexus LX 600، seized in a high-profile case، has reappeared، but its current custodian remains a state secret.
-
تانىمال ءانشى ءالي وقاپوۆ ومىرىندەگى ەڭ اۋىر كەزەڭدەردىڭ ءبىرى – ايەلىمەن اجىراسۋى تۋرالى ايتىپ بەردى.
