«اۆتوكولىكتىڭ كىلتىن بەردى» ماقاتايەۆتىڭ ۇلى اتىشۋلى بلوگەر اليشەر تەمەنوۆتى «مۇقاعالي سورلى ەركەك» دەگەن ءسوزىن كەشىردى
الماتىدا اتىشۋلى داۋلى ىسكە نۇكتە قويىلدى: ناۋرىزباي اۋداندىق سوتى پوەزيا الىبى مۇقاعالي ماقاتايەۆتى قورلاعانى ءۇشىن جاۋاپقا تارتىلعان بلوگەر اليشەر تەمەنوۆكە قاتىستى قىلمىستىق ءىستى توقتاتتى. بۇل شەشىم — پوەتتىڭ ۇلى جۇلدىز ماقاتايەۆتىڭ كۇتپەگەن كەشىرىمىنىڭ ناتيجەسى.
بۇعان دەيىن جۇلدىز ماقاتايەۆ بلوگەردەن مورالدىق وتەماقى رەتىندە 10 ميلليون تەڭگە تالاپ ەتكەن ەدى. الايدا، بۇگىن سوت وتىرىسىندا ول تالابىنان باس تارتىپ، ءىستى توقتاتۋدى سۇرادى.
سۋديا شەشىم شىعارۋعا كەتىپ بارا جاتقاندا، بلوگەر جۇلدىز ماقاتايەۆقا 2 ميلليون تەڭگەنى قولما-قول ۇستاتىپ، ءوزىنىڭ اۆتوكولىگىنىڭ كىلتىن دە تابىستادى. تاعى 1 ميلليون تەڭگەنى 10 كۇن ىشىندە جەتكىزەتىنىن ايتىپ، كەيىن اۆتوكولىكتى قايتارىپ الۋعا ءۇمىت ارتتى.
تەمەنوۆ ءوز ارەكەتى ءۇشىن تەك جۇلدىز ماقاتايەۆتان ەمەس، بۇكىل قازاق حالقىنان كەشىرىم سۇراپ، ارنايى بەينەجازبا جاريالاۋعا ۋادە بەردى.
بۇل وقيعا قوعامدا كەڭ رەزونانس تۋدىرىپ، ونەر يەلەرىنە قۇرمەت پەن ءسوز بوستاندىعى اراسىنداعى شەكارانى تاعى ءبىر رەت وي ەلەگىنەن وتكىزۋدى تالاپ ەتتى.
You Might Also Like
-
قازاقستان پرەزيدەنتى قاسىم-جومارت توقايەۆ 2029 جىلى ءوزىنىڭ وكىلەتى اياقتالعان سوڭ، مەملەكەت باسشىسى قىزمەتىنەن كەتەتىنىن مالىمدەدى. بۇل تۋرالى ول حالىقارالىق Al Jazeera تەلەارناسىنا بەرگەن سۇحباتىندا...
-
باتىس قازاقستان وبلىسى، تەرەكتى اۋدانى – الاياقتار ءبىر وتباسىنىڭ سەنىمىنە كىرىپ، ولاردى ءبىر اي بويى الداپ، ناتيجەسىندە 20 ميلليون تەڭگە كولەمىندەگى قاراجاتىنان ايىرعان. بۇل جايلى Qazaqstan تەلەارناس...
