احقو-دا مىڭنان استام شەتەلدىك IT ماماندارىنا كومەك كورسەتىلدى
استانا حالىقارالىق قارجى ورتالىعىنىڭ (احقو) ەكسپات ورتالىعىندا «ءبىر تەرەزە» قاعيداتىمەن شەتەلدىك IT-ماماندار ءۇشىن ارنايى قىزمەت ىسكە قوسىلدى. بۇل تۋرالى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ايتتى.
«ىت-ەكوجۇيەسىن دامىتۋدىڭ ماڭىزدى بولىگى – ادامي كاپيتال. مەملەكەت باسشىسى 2025 جىلعا قاراي كەمىندە 100 مىڭ بىلىكتى IT- مامانىن دايارلاۋ مىندەتىن قويدى. وتكەن جىلدىڭ سوڭىنا دەيىن 22 مىڭنان استام Iت-مامان دايىندالدى»، - دەدى ب. مۋسين ۇكىمەتتىڭ بۇگىنگى وتىرىسىندا.
ءمينيستردىڭ ايتۋىنشا، ەل وڭىرلەرىندە 3 IT-تەحنوپارك اشىلدى. 2021 جىلى 7 جەكەمەنشىك يننوۆاسيالىق IT-مەكتەبى اشىلدى. وسى جىلى جاڭا 4 مەكتەپ اشىلدى.
«جوعارى وقۋ ورىندارىندا ءىت ءبىلىمىنىڭ ساپاسىن ارتتىرۋ ءۇشىن 14 ءىت فاكۋلتەتتەرىن پروفيلدىك IT-ۋنيۆەرسيتەتتەرمەن ينتەگراسيالاۋ جۇرگىزىلدى. IT-ەكسپورت سوڭعى ەكى جىلدا 2 ەسە ءوسىمدى كورسەتتى. وتكەن جىلى IT نارىعى 3،6 ملرد اقش دوللارىن قۇرادى. ەلىمىزگە شەتەلدىك IT-كومپانيالاردى كوشىرۋ بويىنشا ۇلكەن جۇمىس جۇرگىزىلۋدە. ءقازىردىڭ وزىندە ايتارلىقتاي ناتيجە بار، بۇل باعىتتاعى جۇمىس ءوز جالعاسىن تابادى. احقو ەكسپات ورتالىعىندا «ءبىر تەرەزە» قاعيداتىمەن شەتەلدىك IT-ماماندار ءۇشىن ارنايى قىزمەت ىسكە قوسىلدى. بۇگىندە مىڭنان استام IT مامانىنا كومەك كورسەتىلدى»، - دەدى باعدات مۋسين.
You Might Also Like
-
وقۋ-اعارتۋ مينيسترلىگى مەكتەپتەردە جاڭا ءپان ەنگىزىلەتىنى جايلى اقپاراتتى جوققا شىعاردى.
-
ءدىن ءاربىر حالىق مادەنيەتىنىڭ رۋحاني نەگىزى بولىپ تابىلادى. بۇگىنگى تاڭدا اركىم ءوزىنىڭ دىنىنە، سەنىمىنە بەرىك بولا وتىرا ادامزاتتىق، وركەنيەتتىك سانانى قالىپتاستىرادى. ءقازىر مەملەكەتىمىزدە ءارتۇرلى ك...
