شونانوۆا شاحزادا ارون قىزى
ستاليندىك قۋعىن-سۇرگىن زامانىندا اتۋ جازاسىنا كەسىلگەن ءۇش قازاق ايەلىنىڭ ءبىرى.
شونانوۆا (قاراتايەۆا) شاحزادا ارون قىزى 1903 جىلى باتىس قازاقستان وبلىسىندا دۇنيەگە كەلگەن. اكەسى ارون قاراتاي — ءابىلقايىر حاننىڭ ۇرپاعى، اناسى حۇسني-جامال نۇرالىحان — جاڭگىر حاننىڭ نەمەرەسى، العاشقى ايەل ءمۇعالىم. شاحزادا شونانوۆانىڭ جولداسى تەلجان شونان ۇلىنىڭ دا وزىندىك ورنى ەرەكشە. ول — الاشتانۋشى، ءتىل ءبىلىمى سالاسىن ۇيىمداستىرۋشى، عالىم. «حالىق جاۋى» رەتىندە اتۋ جازاسىنا كەسىلگەن.
شاحزادا شونانوۆا حح عاسىردىڭ باسىنداعى كوزى اشىق ساناۋلى قازاق قىزدارىنىڭ ءبىرى بولعان ەدى. ورتا ازيا مەملەكەتتىك ۋنيۆەرسيتەتىنىڭ (تاشكەنت) مەد.فاكۋلتەتىنە (1920)، كەيىن الماتى مەد.ينستيتۋتىنا (1931) تۇسكەن شاحزادا «تاپ جاۋىنىڭ قىزى» دەگەن ايىپ تاعىلىپ، ەكەۋىندە دە وقۋدان شىعارعان. 1936 ج 33 جاسىندا شاحزادا ءقازمۋ-دىڭ بيولوگيا فاكۋلتەتىنە وقۋعا تۇسەدى. ءبىراق ونى دا اياقتاي المايدى. 1937 جىلى وسى فاكۋلتەتتىڭ 3-كۋرس ستۋدەنتى شاحزادا تۇتقىندالادى.
شاحزادا 1938 جىلى 9 ناۋرىزدا الماتى تۇرمەسىندە اتىلعان.
شاحزادانىڭ سوڭعى كۇندەرىنە بايلانىستى مىناداي دەرەك بار: «حالىق جاۋلارىن» ءۇش ساعات بويى اتىپ، سودان سوڭ مۇردەلەرىن جابىق اسكەري ماشينالارعا تيەپ، قاڭىراپ قالعان اۋىلعا اپارعان. سولداتتار كۇندىز شۇڭقىرلار قازاتىن دا، تۇندە اتىلعان ادامداردى سوندا كومەتىن. بىردە ماشينادان شۇڭقىرعا مۇردەلەردى لاقتىرا باستاعاندا كەنەتتەن ولاردىڭ ءبىرى ءتىرىلىپ، ايدالاعا قاشا جونەلىپتى. بۇل ايەل ادام ەدى. جەندەتتەردىڭ ءبىرى ونى سول ارادا اتىپ قۇلاتقان. تىزىمدە جالعىز ايەل ادام بولعاندىقتان، بۇل جەردە اڭگىمە قازمۋ ستۋدەنتى شاحزادا شونانوۆا جونىندە دەپ جورامالدانعان. وسى وقيعادان كەيىن ماشيناعا سالاردا اتىلعان ادامداردىڭ اياعىنىڭ ءسىڭىرىن قيىپ جىبەرەتىن بولعان.
You Might Also Like
-
ەلىمىزدە كوللەدجدەرگە قۇجات قابىلداۋ باستالدى. بالالار جىلىندا 128 مىڭ گرانت ءبولىنىپ، رەكوردتىق كورسەتكىشكە جەتتى. بۇل بىلتىرمەن سالىستىرعاندا 45 مىڭعا ارتىق.
-
مىنە، بۇگىندە ەلىمىز تاۋەلسىز مەملەكەت رەتىندە جاڭا ءومىر سالتىن قالىپتاستىرىپ، قىزمەت ەتە باستادى. مەملەكەتىمىز دۇنيەجۇزىلىك ۇيىمدارعا مۇشەلىككە ەنىپ، ەرەكشە قارقىنمەن دامىپ كەلەمىز. قازاقستان مەمل...
