تۇركىستان وبلىسىندا 9-سىنىپ وقۋشىسىنان بالا تۋىلدى: 23 جاستاعى ەر ادام كۇدىكتى رەتىندە ۇستالدى
تۇركىستان وبلىسىندا 9-سىنىپ وقۋشىسىنان بالا تۋىلدى: 23 جاستاعى ەر ادام كۇدىكتى رەتىندە ۇستالدى
— دەپ حابارلايدى Infohub.kz ءتىلشىسى.
تۇركىستان وبلىسىندا ءجاسوسپىرىم قىز 21 ماۋسىمدا بوسانىپ، بۇل جايت بويىنشا قىلمىستىق ءىس قوزعالدى. جەلىدە تاراعان مالىمەتتەرگە قاراعاندا، جىنىستىق قاتىناس كەزىندە قىز 9-سىنىپتا وقىعان. ونىڭ تۋىستارى دا بۇل دەرەكتى راستاپ وتىر.
قوعامدا رەزونانس تۋدىرعان جاعدايعا بايلانىستى كۇدىكتى رەتىندە 23 جاستاعى ەر ادام ۇستالدى. بەلگىلى بولعانداي، ول بۇرىن اسكەري قىزمەتتە بولعان دەگەن اقپارات تاراعان. الايدا، تۇركىستان وبلىستىق پوليسيا دەپارتامەنتى كۇدىكتىنىڭ اسكەري قىزمەتكەر ەكەنىن رەسمي تۇردە راستامادى.
قىزدىڭ تۋىستارىنىڭ ايتۋىنشا، قاتىناس بولعان سوڭ ەكى جاق كەلىسىپ، قىزدى جىگىتكە “ۇيلەندىرگەن”. ءجاسوسپىرىم ۋچەتقا تىركەلۋ كەزىندە اۋداندىق ىشكى ىستەر بولىمىنەن كەلگەن قىزمەتكەردىڭ كوزىنشە "ءوز ەركىممەن كەلدىم" دەپ قولحات جازىپ بەرگەن. ال جىگىتتىڭ اتا-اناسى تويعا مەكتەپ مۇعالىمدەرى كەلگەندە عانا قىزدىڭ كامەلەتكە تولماعانىن بىلگەندەرىن ايتقان.
ءقازىر اتالعان فاكتى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. زاڭ اياسىندا تاراپتاردىڭ ارەكەتىنە قۇقىقتىق باعا بەرىلمەك.
You Might Also Like
-
قىزىلوردا قالاسىنداعى ءدامحانالاردىڭ بىرىندە جانتۇرشىگەرلىك وقيعا ورىن الدى. كافەنى باسقاراتىن ايەل مەن سول جەردە جۇمىس ىستەيتىن كاۋاپشى اراسىندا جانجال شىعىپ، سوڭى اۋىر دەنە جاراقاتىمەن اياقتالعان.
-
بۇقارالىق اقپارات قۇرالدارى قىزمەتكەرلەرى كۇنىنە وراي 60 قازاقستاندىق جۋرناليست پەن مەديا سالاسىنىڭ ماماندارى باسپانالى بولدى. پاتەر كىلتتەرىن "دارا" پرەزيدەنتتىك باستامالار قورى مەملەكەت باسشىسى ق...
