WP: "ترامپتىڭ يرانعا بەرگەن ەكى اپتاسى — قاقپان بولاتىن": اقش يراندى قالاي جاڭىلىستىردى؟
WP: "ترامپتىڭ يرانعا بەرگەن ەكى اپتاسى — قاقپان بولاتىن": اقش يراندى قالاي جاڭىلىستىردى؟
دونالد ترامپتىڭ "ەكى اپتا كۇتەمىز" دەگەن ءسوزى — ديپلوماتيا ەمەس، ستراتەگيالىق الداۋ بولعان. Washington Post باسىلىمىنىڭ دەرەگىنشە، اقش پرەزيدەنتىنىڭ مالىمدەمەسى يراندى تىنىشتاندىرۋ ءۇشىن جاسالعان تاكتيكالىق مانيەۆر بولعان. شىن مانىندە، سوققى جوسپارى الدەقاشان ءازىر تۇردى.
ترامپ 21 ماۋسىمدا يرانعا ەكى اپتا ۋاقىت بەرەتىنىن ايتقان. بۇل مالىمدەمە تەگەرانعا كەلىسسوزگە كەلۋ مۇمكىندىگىن كورسەتكەندەي بولدى. ءبىراق، شىن مانىندە، يزرايل بۇعان دەيىن-اق اقش-قا: "كۇتۋگە ۋاقىت جوق" دەپ قاتاڭ ەسكەرتۋ جاساعان.
ۆاشينگتون Post جازۋىنشا، اقش بۇل ۋادەنى تەگەراننىڭ قىراعىلىعىن السىرەتۋ ءۇشىن پايدالانعان. اق ۇيدەگى جوعارى لاۋازىمدى تۇلعانىڭ سوزىنشە، ترامپ بۇل شارتتى كەز كەلگەن ساتتە بۇزىپ، وپەراسيانى باستاۋ قۇقىعىن ساقتاپ قالعان.
22 ماۋسىمعا قاراعان ءتۇنى اقش يراننىڭ ءۇش يادرولىق نىسانىنا – ناتانز، فوردو جانە يسفاحانعا اۋە سوققى جاسادى. ۆاشينگتوننىڭ مالىمدەۋىنشە، بۇل وپەراسيا يادرولىق باعدارلامانى مۇلدەم جويۋ نەمەسە قاتتى السىرەتۋ ءۇشىن جاسالدى.
باتىس ديپلوماتياسى — ءسوز ەمەس، سەناريي. ەكى اپتاعا ۋادە بەرگەن ترامپ بىرنەشە كۇن ىشىندە سوققى بەردى. بۇل – ۆاشينگتوننىڭ جاڭا ءتاسىلى: كەلىسسوز تۇرىندە ۋاقىت ۇتىپ، اسكەري وپەراسيامەن قارسىلاستى بەيتاراپتاندىرۋ. يران بۇدان ساباق الادى ما — بەلگىسىز. ءبىراق گەوساياسي شاحماتتا كەلەسى ءجۇرىستى اقش الدەقاشان دايىنداپ قويعان سياقتى.
You Might Also Like
-
سوڭعى ۋاقىتتا «سامۇرىق-قازىنا» ۇلتتىق ءال-اۋقات قورى قوعام مەن بيلىك وكىلدەرى تاراپىنان سىننىڭ استىندا قالدى. بۇعان دەيىن قوردى رەفورمالاۋ ماسەلەسى قوزعالعانىمەن، ەندى ونى مۇلدەم تاراتۋ تۋرالى ۇسىنى...
-
استانادا جانتۇرشىگەرلىك جول اپاتىنان كەيىن ەكى اياعىنان ايىرىلعان ءجاسوسپىرىم قىز اۋرۋحانادان شىعارىلدى. بۇل تۋرالى دەنساۋلىق ساقتاۋ ۆيسە-مينيسترى تيمۋر مۇراتوۆ مالىمدەدى.
