ءازىلبايدىڭ ساراڭ دوسى
ءازىلبايدىڭ قالادا تۇراتىن ءبىر تامىرى بولىپتى. بۇلاردىڭ تانىستىعى ونىڭ اۋىلىنا كەلۋىنەن باستالسا كەرەك.
ءازىلباي اۋزى قانداي اشىق بولسا، قولى دا سونداي اشىق جان بولعاندىقتان، ونىڭ ۇستىنە «جاقسى لەپەس، جارىم ىرىس» دەگەندەي تامىرىنىڭ جايلى سوزىنە ريزا بولعان ءازىلباي قولدا بار مازىرىمەن كۇتىپ جولعا سالىپتى. ءبىراق قالاعا بارعان ەكى جولىندا دا ءازىلباي تامىرىنىڭ سيىن كورە الماپتى.
جولى بولىپ ءۇشىنشى رەت قالاعا تۇسكەن جولى دا ءازىلباي سونىڭ ۇيىنە ءتۇسىپتى. كۇننىڭ ىستىعى مەن وعان قوسىلا جولدىڭ شالعايلىعى ءازىلبايدى شولدەتىپ جىبەرگەن ەكەن. ءازىلباي ەسەندى دە كەلتە قايىرىپ، كەبەرسىگەن ەرنىن جالانىپ قويىپ سۋساعان سىڭاي بايقاتىپتى.
ءبىراق انانى ءبىر، مىنانى ءبىر سوزگە اينالدىرعان تامىرى وعان قوزعالا قويماپتى. مۇنىڭ ناق «شىعايبايدىڭ» ءوزى ەكەنىنە كوزى جەتكەن ءازىلباي ورنىنان كوتەرىلىپ جۇرە بەرىپتى.
— قايدا باراسىڭ؟ — دەگەننىڭ ورنىنا الگى تامىرى دا ءازىلبايعا ىلەسىپ ۇيدەن ەرە شىعىپتى. تامىرىنىڭ ۇلكەن قاقپانىڭ الدىنا شىعارا شىعىپ «اسقا قارامادىڭ»، «قونىپ كەتپەدىڭ» دەگەن سياقتى سوزدەرىن قايتالاي ەستىگىسى كەلمەگەن ءازىلباي:
— سىرتقا شىقپاي-اق قوي، قاقپانىڭ الدىندا ايتارىڭدى وسى جەردە-اق ايتىپ ال، — دەپتى ونى ەتەگىنەن تارتىپ توقتاتىپ.
You Might Also Like
-
جايلاۋ ۇستىندە مايباس ءبىر قاريانىڭ ۇيىنە قونىپتى. شالدىڭ قاسىندا جاڭا كوتەرگەن وتاۋى بار ەكەن. ەل جاتىپ، ءبىراز ۋاقىت وتكەن سوڭ، ماكەڭ دارەت قىسىپ دالاعا شىعىپتى. ءتۇن كوزگە تۇرتسە كورگىسىز قاراڭعى ە...
