InfoHub Logo

ادام دەنساۋلىعىنا كەرى اسەر ەتەتىنى ايتىلىپ جۇرگەن جانە چيپس، بالمۇزداق، شۇجىق جانە باسقا دا كوپتەگەن دايىن ازىقتاردا قولدانىلاتىن، حالىق تىلىندە «جۇڭگو تۇزى»، دەپ بىلىنەتىن گلۋتامات ناتريا تۇزى، السگەيمەر، پاركينسون اۋرۋلارىنا شالدىقتىرادى. قازىرگى جاھاندانعان تاماق ونەركاسىپتەرىنىڭ كوبىنىڭ ماقساتى، ادام دەنساۋلىعىن ويلاماي، تەزىرەك دامىپ، كوبىرەك پايدا كورۋ.          

گلۋتامات ناتريا تۇزىنىڭ ماڭىزدى ەرەكشەلىگى، تاماقتىڭ ءدامىن كۇشەيتىپ، ادامنىڭ كوبىرەك جەۋگە دەگەن قالاۋىن ارتتىرادى. گلۋتامات ناتريا تۇزى چيپس، كرەكەر، شۇجىق،  سوسيسكا، گامبۋرگ، دوشيراك سەكىلدى دايىن سورپالارعا قوسىلادى. گلۋتامات ناتريا تۇزى نەلىكتەن ازىقتارعا قوسىلادى؟ وسى جونىندە دە شولۋ جاساپ وتەيىك. 

ءارى ازىقتىڭ تالعامىن ارتتىرادى، ءدامى جوق ازىقتارعا ءدام بەرەدى، ءارى تاۋاردىڭ كوپ ساتىلۋى مەن كوپ تۇتىنىلۋىنا جول اشادى. نەگىزىندە شۇجىق، سوسيسكالاردىڭ كوپشىلىگىنىڭ ىشىندە ەت بوولمايدى. سويا سياقتى ءداندى-داقىلدار جانە ءدامدى ەتۋ ءۇشىن گلۋتامات ناتريا قوسىلادى. ادامنىڭ جەگەن سايىن، جەۋگە دەگەن قالاۋىن ارتتىرادى. سونداي-اق تاماق ونەركاسىپتەرى دە بوس تۇرمايدى. بۇل قوسپالاردىڭ زياندى ەكەنىن ايتقان كەزىمىزدە: «بۇل قوسپالاردىڭ زياندى ەكەنىن كوپ ادامدار بىلە تۇرا جەيدى» - دەپ، ءوزىمىزدى كىنالايدى.

قازىرگى تاڭدا سانى كوبەيىپ بارا جاتقان قاتەرلى ىسىك اۋرۋىن تەك تەمەكىدەن دەپ بىلمەۋ كەرەك. قۇرامىندا ءار ءتۇرلى زياندى قوسپالار بار ازىقتار دا قاتەرلى ىسىك اۋرۋىنىڭ پايدا بولۋىنا جول اشۋى مۇمكىن. تەمەكى شەگەتىندەرىڭ سانى ازيايۋدا، ءبىراق سوندا دا قاتەرلى ىسىك اۋرۋى جىلدام تۇردە جايىلىپ بارادى. ازىق-تۇلىكتەردىڭ قۇرامىندا گلۋتامات ناتريا سەكىلدى زياندى دامدەۋىشتەر بار، وسىلاردان ارىنۋ قاجەت.

---