Photo: BYB BYB (https://www.pexels.com/@byb-byb-412101727) / Pexels
باعداگۇل ەمشى بايان ماقسات قىزىنىڭ كونسەرتىنە تىيىم سالۋدى تالاپ ەتتى
الەۋمەتتىك جەلىدە «ەمشى باعداگۇل» اتانىپ جۇرگەن ازاماتشا، پروديۋسەر بايان ماقسات قىزىنىڭ KeshYou توبىنىڭ 20 جىلدىق مەرەيتويىنا ارنالعان كونسەرتىنە قاتىستى نارازىلىق ءبىلدىردى. ول بۇل شاراعا تىيىم سالۋدى تالاپ ەتىپ، ءتىپتى پرەزيدەنت قاسىم-جومارت توقايەۆقا ۇندەۋ جولدادى.
بۇل تۋرالى Infohub.kz اقپارات اگەنتتىگى حابارلايدى.
كونسەرتتىڭ «جىن-ويناققا» ۇقساعانى ايتىلدى
باعداگۇلدىڭ ايتۋىنشا، KeshYou توبىنىڭ مەرەيتويلىق كونسەرتى «جىن-ويناققا» اينالعان جانە جاستارعا تەرىس ۇلگى كورسەتەدى. ول قۇربان ايت سياقتى قاسيەتتى مەرەكە كۇندەرى مۇنداي «اشىق-شاشىق، بەيادەپ كورىنىستەرى» بار، ءمان-ماعىناسىز كەشتىڭ وتۋىنە نەگە رۇقسات بەرىلگەنىن تۇسىنبەيتىنىن جەتكىزدى. ەمشى بۇل ءىس-شارانىڭ قازاقتىڭ سالت-داستۇرىنە مۇلدەم قايشى كەلەتىنىن العا تارتتى.
بيلىككە سىن ايتىلىپ، باسقا ەلدەرمەن سالىستىردى
باعداگۇل ءوز ۇندەۋىندە بيلىكتىڭ بۇل ماسەلەگە نەمقۇرايلى قاراپ وتىرعانىن سىناپ، وزبەكستان مەن قىرعىزستان سەكىلدى باسقا مۇسىلمان ەلدەرىندە مۇنداي جاعدايلارعا جول بەرىلمەيتىنىن ايتتى. ول تىكەلەي مەملەكەت باسشىسىنا ارناپ، زاڭ جۇزىندە ءتيىستى شارالار قولدانۋعا شاقىردى. «توقايەۆقا ۇندەۋ! مۇنداي ادەپسىز شوۋ-كونسەرتتەرگە زاڭ جۇزىندە تىيىم جاسالىپ، توقتاتىلسىن!» – دەپ جازدى ول الەۋمەتتىك جەلىدەگى پاراقشاسىندا.
-
ۇلتتىق بانك بازالىق مولشەرلەمە بويىنشا شەشىم قابىلدايتىن الدىندا، ەكىنشى دەڭگەيلى بانكتەر دەپوزيتتەر بويىنشا سىياقى مولشەرلەمەسىن تومەندەتە باستادى. ساراپشىلار حالىقتى اسىعۋعا شاقىرادى.
-
A social media figure known as 'healer Bagdagul' has called for a ban on the KeshYou group's anniversary concert، citing concerns over its appropriateness.
