InfoHub Logo

استاناداعى بايتەرەك مونۋمەنتىنىڭ جانىندا ادەپسىز قيمىل جاساپ، سۋرەتكە تۇسكەن ستۋدەنتكە قاتىستى سوت ءىسى ءوتتى. بۇل ارەكەتى ءۇشىن ول اكىمشىلىك جاۋاپكەرشىلىككە تارتىلدى.

بۇل تۋرالى Infohub.kz اقپارات اگەنتتىگى حابارلايدى.

وقيعانىڭ ءمان-جايى

الەۋمەتتىك جەلىدە ءبىر جىگىتتىڭ ەلىمىزدىڭ باستى بەلگىلەرىنىڭ ءبىرى – بايتەرەك مونۋمەنتىنىڭ الدىندا جەردە جاتىپ، دورەكى ىمداپ تۇرعان ساتىنەن تۇسىرىلگەن كادرلار تارادى. جەلى قولدانۋشىلارى مۇنى ەلگە دەگەن قۇرمەتسىزدىك دەپ باعالاپ، اشۋلاندى.

استانا قالالىق پوليسياسى 19 جاستاعى قالا تۇرعىنىنىڭ ۇستالعانىن جانە ق ر اقبتك-نىڭ 434-بابى «ۇساق بۇزاقىلىق» بويىنشا اكىمشىلىك حاتتاما تولتىرىلعانىن حابارلادى. ءىس سوتقا جىبەرىلدى.

سوت شەشىمى

اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىندا ازامات ق.-نىڭ ق ر اقبتك-نىڭ 434-بابى 1-بولىگى بويىنشا ۇساق بۇزاقىلىق جاساعانى ءۇشىن كىنالى دەپ تانىلدى.

«قۇقىق بۇزۋشىنىڭ ارەكەتتەرى بايتەرەك مونۋمەنتىن پايدالانا وتىرىپ، قوعامعا ايقىن قۇرمەتسىزدىك تانىتىپ، قوعامدا قابىلدانعان مىنەز-قۇلىق نورمالارىن بۇزعاندىعىن كورسەتەتىن دورەكى كورىنىس جاساۋدان تۇردى»، - دەپ حابارلادى سوتتىڭ باسپا ءسوز قىزمەتى.

سوتتا جىگىت كىناسىن تولىق مويىنداپ، ىستەگەن ىسىنە وكىنگەنىن ءبىلدىردى. دەگەنمەن، سوت وعان 5 تاۋلىككە اكىمشىلىك قاماققا الۋ جازاسىن تاعايىندادى.

سوت نەگە بۇل شەشىمدى قابىلدادى؟

سوت، قۇقىق بۇزۋشىنىڭ جاس ەكەنىن (2006 جىلى تۋعان) جانە ستۋدەنت ەكەنىن ەسكەرگەنىمەن، ونىڭ ارەكەتىنىڭ قوعامعا تيگىزەتىن تەرىس ىقپالىن جانە قوعامعا دەگەن قۇرمەتسىزدىگىن نازارعا الدى.

قازىرگى تاڭدا سوت ۇكىمى زاڭدى كۇشىنە ەنگەن جوق.

ەسكە سالا كەتەيىك، ق ر اقبتك-نىڭ 434-بابى «ۇساق بۇزاقىلىق» بويىنشا ايىپپۇل مولشەرى 20 اەك (2026 جىلى 86 500 تەڭگە) نەمەسە 20-60 ساعات قوعامدىق جۇمىستارعا تارتۋ، نە 5-15 تاۋلىككە اكىمشىلىك قاماققا الۋدى كوزدەيدى. ءبىر جىل ىشىندە قايتا بۇزعان جاعدايدا جازا 15-30 تاۋلىككە دەيىن قاماققا الۋعا دەيىن كۇشەيتىلەدى.