بالاباقشاعا مەمتاپسىرىس ورنالاستىرۋ قۇقىعى اتا-اناعا بەرىلەدى
بالاباقشاعا مەملەكەتتىك تاپسىرىستى ورنالاستىرۋ قۇقىعى اتا-اناعا بەرىلەدى. بۇل جايىندا ق ر پرەمەر-مينيسترى اسقار ءماميننىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان.
«قازىرگى ۋاقىتتا 10 583 مەكتەپكە دەيىنگى ۇيىم، ونىڭ ىشىندە جەكەمەنشىك 3 809 بالاباقشا (36 پايىز) جۇمىس ىستەيدى. بۇل 2018 جىلدىڭ كورسەتكىشىمەن سالىستىرعاندا 520 بىرلىككە كوپ جانە ول جەكەمەنشىك مەكتەپكە دەيىنگى ۇيىمدار جەلىسىنىڭ ارتقاندىعىن دالەلدەيدى. مەكتەپكە دەيىنگى ۇيىمدارمەن 892،2 مىڭ بالا، وىنڭ ىشىندە جەكەمەنشىك بالاباقشامەن 351،1 مىڭ بالا قامتىلعان. مەملەكەتتىك باعدارلاماعا سايكەس، ءبىلىم بەرۋدىڭ بارلىق دەڭگەيىنە، ونىڭ ىشىندە مەكتەپكە دەيىنگى تاربيە مەن ءبىلىم دەڭگەيىنە ارنالعان ءبىلىم بەرۋ قىزمەتتەرىن تىكەلەي الۋشىلاردىڭ دەربەستەندىرىلگەن قارجىلاندىرۋعا كوشىرۋ كوزدەلگەن»، - دەپ اتاپ وتەدى ۇكىمەت باسشىسى.
پرەمەر-مينيستردىڭ ايتۋىنشا، وسىعان وراي ءبىلىم جانە عىلىم مينيسترلىگى مەملەكەتتىك تاپسىرىس ورنالاستىرۋ ەرەجەسىنە وزگەرتۋلەر مەن تولىقتىرۋلار ەنگىزۋ جۇمىسىن جۇرگىزىپ جاتىر.
«اتاپ ايتقاندا، مەكتەپكە دەيىنگى ۇيىمعا مەملەكەتتىك تاپسىرىس ورنالاستىرۋ تۋرالى شەشىم قابىلداۋ بارىسىندا بۇل قۇقىقتى اتا-اناعا بەرۋ جوسپارلانعان. بۇل «ءار بالاعا قاراجات» ءپرينسيپىن جۇيزەگە اسىرۋعا مۇمكىندىك بەرەدى»، - دەدى اسقار مامين.
You Might Also Like
-
قازاقستاننىڭ باتىس وبلىستارىندا كەڭ ءۇردىس العان — كورىسۋ. جىل سايىن ناۋرىزدىڭ 14-ىنەن باستاپ جازىلماعان زاڭ بويىنشا جاسى كىشىلەر ۇلكەندەرگە كورىسە بارىپ، باتاسىن الادى.
-
كۇن مەن ءتۇن تەڭەلگەن، جەر شۋاققا كەڭەلگەن، ناۋرىز كەلدى الەمگە! ناۋرىز كەلسە، قۇت كەلگەنى، حالايىق! شاشۋ شاشىپ، ەل بوپ قارسى الايىق!
