قازاقستان قاي ەلدەردىڭ ازاماتتارىنا ءبىلىم گرانتتارىن ۇسىنادى
ق ر ءبىلىم جانە عىلىم مينيسترلىگى ازەربايجان ازاماتتارىنا جىل سايىن 10 ءبىلىم گرانتىن ۇسىنادى.
«قازاقستان ءبىلىم جانە عىلىم مينيسترلىگى مەن ازەربايجان ءبىلىم مينيسترلىگى اراسىنداعى 2017 جىلدىڭ 3 ساۋىرىندەگى كەلىسىمگە سايكەس 5 باكالاۆريات جانە 5 ماگيستراتۋرا گرانتىن ۇسىنادى. ياعني، ەكى ەل بىر-بىرىنە 10 گرانتتان بەرەدى»، - دەدى مينيسترلىكتىڭ باسپا ءسوز قىزمەتى.
ايتا كەتەرلىگى، ازەربايجاننىڭ trend.az اقپارات اگەنتتىگى قازاقستاننىڭ ءبىلىم جانە عىلىم مينيسترلىگى ازەربايجان ازاماتتارى ءۇشىن 2020-2021 وقۋ جىلىنا باكالاۆيرات پەن ماگيستراتۋرا بويىنشا ستيپەنديالىق باعدارلاماسىن جاريالاعاندىعىن، ءبىلىم بەرۋ قازاق، ورىس جانە اعىلشىن تىلدەرىندە جۇرگىزىلەتىندىگىن جاريالاعان بولاتىن.
جالپى، ەلىمىزدىڭ ءبىلىم مينيسترلىگىنىڭ مالىمەتىنشە، مۇنداي كەلىسىم قازاقستان مەن جۇڭگو، ماجارستان، قىرعىزستان، بەلارۋس سىندى تاعى 12 ەلدىڭ اراسىندا بار. كەلىسىمگە سايكەس تاراپتار بىر-بىرىنە بىردەي ءبىلىم گرانتتارىن ۇسىنادى. مۇنان بولەك، اباي-ۆەرن باعدارلاماسى اياسىندا فرانسيا قازاقستان ءۇشىن ءبىرجاقتى 100 گرانت (90 ماگيستراتۋرا، 10 دوكتورانتۋرا) بولەدى. ال قازاقستان ءبىرجاقتى 30 گرانتتى اۋعانستان جاستارىنا بەرەدى.
You Might Also Like
-
ناۋرىز كوجە نەگە جەتى ءتۇرلى دامنەن جاسالعان؟
-
ەلىمىزدە مەكتەپتە وقۋ كەزىندە سمارتفونداردى، پلانشەتتەردى پايدالانۋعا تىيىم سالۋ ەنگىزىلۋى مۇمكىن. بۇل جايىندا ق ر پرەمەر-مينيسترى اسقار ءماميننىڭ سەنات دەپۋتاتىنىڭ ساۋالىنا بەرگەن جاۋابىندا ايتىلعان.
