InfoHub Logo

بالالارعا ارنالعان "ماقال - ماتەلدەر" جيناعى

يت – تويعان جەرىنە،
ەر – تۋعان جەرىنە.

كىسى ەلىندە سۇلتان بولعانشا،
ءوز ەلىندە ۇلتان بول.

ءوز ەلىم – ولەڭ توسەگىم.

مال قونىسىن ىزدەيدى،
ەر جىگىت تۋىسىن ىزدەيدى.

ەل - ەلدىڭ ءبارى جاقسى،
ءوز ەلىڭ بارىنەن جاقسى.

ىرگەسى بەرىك ەلدى
جاۋ الا الماس،
اۋىزى ءبىر ەلدى
داۋ الا الماس.

سۇڭقار قياسىن ساعىنادى،
تورعاي ۇياسىن ساعىنادى.

ۇلتاراقتاي بولسا دا،
اتا قونىسى جەر قىمبات.
ات توبەلىندەي بولسا دا
تۋىپ وسكەن ەل قىمبات.

جات ەلدىڭ جاقسىسى بولعانشا،
ءوز ەلىڭنىڭ ساقشىسى بول.

ەسى بار جىگىت ەلىن تابار،
ەسى جوق جىگىت جاتتىڭ وتىن جاعار.

ىرىس الدى – ىنتىماق.
بىرلىك بولماي – تىرلىك بولماس.

التاۋ الا بولسا،
اۋىزداعى كەتەدى؛
تورتەۋ تۇگەل بولسا،
توبەدەگى كەلەدى.

تىرلىك، تىرلىك ءتۇبى – بىرلىك.

اعايىن تاتۋ بولسا – ات كوپ،
ابىسىن تاتۋ بولسا – اس كوپ.

ەكى قۇزعىن تالاسسا،
ءبىر قارعاعا جەم بولار.

قىرىق كىسى – ءبىر جاق،
قىڭىر كىسى – ءبىر جاق.

ساۋساق بىرىكپەي –
ينە ىلىكپەيدى.

توقتىعىندا جاراسپاعان،
اشتىعىندا قاراسپايدى.

بايلىق بايلىق ەمەس، بىرلىك – بايلىق.

ىنتىماقسىز ەلدى –
ۇرىسى بيلەيدى.
ىنتىماقتى ەلدى –
دۇرىسى بيلەيدى.

ءبىر كىسىنىكى – ماقۇل،
ەكى كىسىنىكى – اقىل.

باس جارىلسا، بورىك ىشىندە،
قول سىنسا، جەڭ ىشىندە.

التىن الما، العىس ال،
التىن دەگەن – جەر سىيى،
العىس دەگەن – ەل سىيى.

كوڭىلىڭ تارتپاعان ىسكە قول ۇرما.
ەر تارىقپاي، مولىقپايدى.

ەر سۇرىنبەي، ەل تانىماس.
ات سۇرىنبەي، جەر تانىماس.

“مالى جوق” دەپ
ەردەن تۇڭىلمە.
ەگىنى جوق دەپ
جەردەن تۇڭىلمە.

ەر ءۇمىتىن ەر اقتار،
ەر اتاعىن ەل ساقتار.

ەر موينىندا قىل ارقان شىرىمەس.
وق جەتپەس جەرگە قىلىش سۋىرما.

ەر قارتايسا، قازانشى بولادى،
بۇركىت قارتايسا، تىشقانشى بولادى.

ەر قاناتى – ات.
كۇش اتاسىن تانىمايدى.

ەردى نامىس ولتىرەر،
قوياندى قامىس ولتىرەر.

ەر جىگىت ەل ءۇشىن تۋادى،
ەل ءۇشىن ولەدى.

شىن ەر – جەڭسە، تاسىماس،
جەڭىلسە، جاسىماس.

ات باسىنا كۇن تۋسا،
اۋىزدىعىمەن سۋ ىشەر؛
ەر باسىنا كۇن تۋسا،
ەتىگىمەن سۋ كەشەر.

ۇيدە شەشەن، داۋعا جوق،
ۇيدە باتىر، جاۋعا جوق.

باتىر ماقتانسا،
جاۋعا شاپقانىن ايتار.
قۋ ماقتانسا،
الداپ قاققانىن ايتار.

ەر داۋسىز بولمايدى،
ەر جاۋسىز بولمايدى.

ەردى كەبەنەك ىشىندە تانى.

شەشىنگەن سۋدان تايىنباس.

تۇپكى ايىلدىڭ باتقانىن
يەسى بىلمەس، ات بىلەر.
ەر جىگىتتىڭ ءقادىرىن
اعايىن بىلمەس، جات بىلەر.

ەردىڭ اتىن،
نە اتى شىعارار،
نە قاتىنى شىعارار.

ەر ءبىر رەت ولەدى،
ەز مىڭ رەت ولەدى.

تاۋەكەل تاۋ جىعار.

سۋ جەتپەيىن دەمەيدى،
جار جەتكىزبەيدى.
ەر جەتپەيىن دەمەيدى،
مال جەتكىزبەيدى.

باس بولماق وڭاي،
باستاماق قيىن.

جامان جولداس جاۋعا الدىرار،
جامان بي داۋعا الدىرار.

ەر باقىتتىڭ
قونعانىن بىلمەيدى،
ۇشقانىن بىلەدى.

قورىققانعا قوس كورىنەر.

قورقاقتىڭ كوزى ۇلكەن،
اقىماقتىڭ ءسوزى ۇلكەن.

جاۋ جوقتا باتىر كوپ،
داۋ جوقتا اقىل كوپ.

قىلىشىنان قان تامعان باتىردى،
تىلىنەن بال تامعان اقىن الادى.

ەردىڭ جاقسىسى
ەلىمەن ويلاسادى.
ايەلدىڭ جاقسىسى
ەرىمەن ويلاسادى.

ەر ءقادىرىن بىلمەگەن
ەل ءقادىرىن بىلمەيدى.

بىرلىك قايدا بولسا،
ەرلىك سوندا.
ەركىندىك قايدا بولسا،
ەلدىك سوندا.

جىعىلعان كۇرەسكە تويمايدى.

قامىستى بوس ۇستاساڭ،
قولىڭدى كەسەدى.
قاسىڭدى بوس ۇستاساڭ،
توبەڭدى تەسەدى.
بالالارعا ارنالعان ماقال - ماتەلدەر جيناعى. جۇكتەۋ