بالقايماق
قۇرمانعازى جەم بويىنان قايتىپ كەلە جاتىپ ءبىر قاراشا ۇيگە تۇسەدى. ءۇي جاپان دالادا جالعىز بولادى. ءۇيدىڭ قاسىندا ءبىر ساۋلى ىنگەن بوزداپ جۇرەدى. قۇرمانعازى ۇيگە كىرگەندە، ءبىر بويجەتكەن قىز يبامەن سالەمدەسەدى. كۇيشى الىستان كەلە جاتقان جولاۋشى ەكەنىن، قاتتى شولدەگەنىن ايتادى. قىز جالما-جان موسى اعاشىن كوتەرىپ، كۇيە باسقان قارا شاينەكتى اسىپ، وت جاعادى. شايى قايناعانشا دالادا جۇرگەن ىنگەندى كوس-كوستەپ شاقىرىپ الىپ، ساۋادى. ىنگەن ءسۇتىن قۇيىپ قىزدىڭ بەرگەن شايى قۇرمانعازىعا اسا ۇنايدى. شولدەپ كەلگەن جولاۋشى ءبىر ءوزى ءبىر شاينەك ەڭسەرەدى. ابدەن وزىنە-وزى كەلگەنسىن قۇرمانعازى قولىنا دومبىراسىن الادى. قىز دا قوناعىنىڭ تىنىعا باستاعانىن ءبىلىپ، ەندى ءبىر تازا اۋا جۇتسىن دەگەندەي ىرگەنىڭ كولەڭكە جاعىن تۇرەدى. قۇرمانعازى كۇي شەرتەدى. اياقتاپ بولعان كەزدە قىزعا قاراپ: «ءسىزدىڭ بەرگەن شايىڭىز انشەيىن شاي ەمەس، ماعان بالقايماقتاي بولدى. وسى كۇيىمدى سىزگە ارنادىم. بالدان ءتاتتى شاي بەرگەنىڭىز ءۇشىن كۇيدىڭ اتىن «بالقايماق» قويدىم»، — دەيدى.
You Might Also Like
-
حالىق اۋىزىندا قۇرمانعازىنىڭ «قىزىل قايىڭ» كۇيىنىڭ شىعۋى دا وسى كەزەڭگە جاتقىزىلادى. اڭىز بويىنشا، قۇرمانعازى وسى قاشىپ كەلە جاتقان ساپارىندا يەن دالادا جالعىز وسكەن قىزىل قايىڭ بۇتاعىن...
-
تاڭات بۇگىن ۇيقىدان ادەتتەگىسىنەن ەرتە وياندى. كەشەگى تاڭىرقاتقان احۋال تۇنەمەلىك وي قۋدالاۋىنا سالىپ، مازاسىن كەتىردى. سۋماڭداعان سۇراقتار ءتۇن تۇنەگىن تۇرگەن وتشاشۋلارداي ابدەن الاڭداتتى. بالالىق ءا...
