بالۋان شولاق
بالۋان شولاق (1864-1916) (شىن ءاتى-جونى — نۇرماعانبەت بايمىرزا ۇلى) — بالۋان، انشى-سازگەر، سان قىرلى ونەر يەسى. جاس كەزىندە ءبىر قولىنىڭ باس بارماعى ءۇسىپ، سودان «شولاق» اتانعان. كىشكەنتايىنان اتقۇمار ول نەبىر شۋ اساۋلاردى جالىنان ۇستاپ، تىرپ ەتكىزبەي ۇيرەتكەن. ات ۇستىندە تۇرەگەپ تۇرىپ ونەر كورسەتكەن. تەڭگە ءىلۋ، سايىس، كوكپار ويىندارىندا الدىنا جان سالماعان.
الىپ كۇش يەسى ترويسك قالاسىندا رەسەيدىڭ اتاقتى بالۋانى، دۇنيە ءجۇزىنىڭ چەمپيونى يۆان كورەندى جىعىپ، قابىرعاسىن سىندىرادى. وسىدان كەيىن ونىڭ داڭقى شىعىپ، كوپشىلىككە تارايدى. رەسەي جاتتىقتىرۋشىلارى كاسىپقوي بالۋان بولاسىڭ دەپ ورىنبور، سانكت-پەتەربۋرگ قالالارىنا شاقىرادى. ءبىراق جۇرگەن جەرىندە توي-دۋمانعا ۇيرەنگەن، حالقىنىڭ ەركەسى بولعان ول ەلىن، جەرىن قيماي، بۇل ۇسىنىستان باس تارتادى.
كوكشەتاۋدا وتكەن ويازدىڭ سەزىندە ەلۋ ءبىر پۇت (قازىرشە ەسەپتەسەك، 816 كيلوگرامم، ءبىر تونناعا جۋىق سالماق) گىردىڭ تاسىن كوتەرىپ، جينالعان جۇرتتى تاڭ قالدىرادى. الىپ كۇش يەسى بالۋان شولاقتىڭ وسى گىردىڭ تاسىن كوتەرگەنى جانە كورەن بالۋاندى قالاي جىققانى تۋرالى دەرەكتەر ءوزىنىڭ شىعارعان ولەڭدەرىندە كەزدەسەدى.
ان-كۇيگە قۇمار بالۋان شولاق ەكى ونەردى قاتار دامىتقان. ول ەل ارالاپ، سالدىق قۇرعان جانە جالعىز جۇرمەي، ماڭىنا ونەرلى جاستاردى (ءانشى، كۇيشى، بالۋان) جيناعان. ءوزى ۇستاز تۇتقان ءبىرجان سال مەن اقان سەرىنىڭ اندەرىن ورىنداپ قانا قويماي، حالىق اراسىندا ناسيحات جۇرگىزگەن.
You Might Also Like
-
بوكسشى ارتايەۆ باقتيار 1983 جىلى 14 ناۋرىزدا تاراز قالاسىندا دۇنيەگە كەلگەن. 2004 جىلدان بوكستان قازاقستاننىڭ ەڭبەك سىڭىرگەن سپورت شەبەرى. باپكەرى — ن.اقۇرپەكوۆ. قازاقستاندىق جانە حالىقارالىق ...
-
بۇلبۇل — تورعاي تارىزدىلەر وتريادىنىڭ سايراۋىقتار تۇقىمداسىنا جاتاتىن ءانشى قۇس. قازاقستاۆدا ەكى ءتۇرى — كادىمگى نەمەسە شىعىس ءبۇلب ۇلى جانە وڭتۇستىك نە زورتۇمسىقتى بۇلبۇل كەزدەسەدى. ءوڭتۇستى...
