بالاساعۇن
قازاقستانداعى ورتا عاسىرلارداعى بەلگىلى قالالاردىڭ ءبىرى — بالاساعۇن قالاسى. جازبا دەرەكتەردە قالا X عاسىردان باستاپ بەلگىلى. بالاساعۇن قاراحان مەملەكەتىنىڭ استانالارىنىڭ ءبىرى بولعان. ءال-ماقديسي ونى «باي، ۇلكەن قالا» دەپ سيپاتتاعان. 1974 جىلدان قازمۋ ارحەولوگتارى زەرتتەپ جاتقان شۋ وڭىرىندەگى اقتوبە دەپ اتالاتىن كونە قالا بالاساعۇننىڭ ورنى دەگەن پىكىر قالىپتاستى. بۇل قالا VI - ءحىىى عاسىرلاردا ءومىر سۇرگەن. قالا پاتشا سارايى ورنالاسقان بەكىنىستەن، شاحريستاننان، راباتتان تۇرادى. قالا سىرتى 2-3 قاتار قورعانىس قامالمەن، ورمەن قورشالعان. شاحريستان بولىگىنە جۇرگىزىلگەن قازبا جۇمىستارى بارىسىندا قاراحان ءداۋىرىنىڭ (X - XII عع.) 3 مىڭنان استام مىس اقشالارى، زەرگەرلىك بۇيىمدار، ت.ب. تابىلدى. اقسۋ وزەنىنەن سۋ تارتىلىپ، قىش كۇبىرلار ارقىلى قالاعا جەتكىزىلىپ تۇرعانى ايقىندالدى. ورتالىق سارايدىڭ شىعىسىندا اسكەرلەر تۇراتىن «تورتكۇل» بەكىنىسى ورنالاسقان.
You Might Also Like
-
بايبارىس (بەيبارىس) سۇلتان (1217/18 - 1277 جج.) — مىسىر ەلىندە 17 جىلدان اسا سۇلتاندىق قۇرعان ءامىرشىسى ءارى ايگىلى ماملۇكتەردىڭ قولباسشىسى. ول باتىس قازاقستان قىپشاقتارىنان شىققان. موڭعول شاپق...
-
بۇرىندىق حان (1480-1511 ج.ج. بيلىك قۇرعان) بۇرىندىق حان — كەرەي حاننىڭ ءۇش ۇلىنىڭ ءبىرى. بۇرىندىقتىڭ قاشان دۇنيەگە كەلگەنى بەلگىسىز. ورتا عاسىرلارداعى جازبا دەرەكتەردىڭ ۇزىك-ۇزىك مالىمەتتەرىنە ...
