باقىت دەگەن...
باقىت-كەز كەلگەن ادامنىڭ ىشكى تەبىرەنىسكە،تولعانىسقا تولى ەرەكشە ءبىر سەزىمى. باقىتسىز ەشكىم ءومىر سۇرە المايدى-اۋ،ءسىرا. ول ادامنىڭ رۋxاني ازىعى،سارقىلماس كۇشى مەن مارجانداي اسىل تاسى.
مەنىڭشە،باقىتتىڭ نەگىزدەرى ءبىرشاما. ەڭ الدىمەن،باقىتتىڭ ناعىز جانارى-اتا-انانىڭ بارىندا،ولاردىڭ دەندەرىنىڭ ساۋلىعىندا،جۇرەكتەرىندەگى قۋانىش پەن رياسىز كۇلكىلەرىندە... راسىندا دا،اتا-انا ءار بالانىڭ جاناشىرى،قورعاندارى مەن سۇيەۋلەرى. ولارسىز ەشبىر بالا ءوزىن قاۋقارلى سەزىنبەس. قۇلاسا،سۇرىنسە-دەمەپ،ءاردايىم قولداۋ كورسەتىپ جۇرەتىن، تەك قانا اكە مەن انا.
باقىت-بۇل ءار كىسىنىڭ باسىنان وتكەن بالداي ءتاتتى بالالىق شاعى. بالالىقپەن ەسكەرمەي كەتكەن تالاي ءجايتتار ءقازىر كوز الدىمدا. ەش ۋايىم-قايعىسىز،جايباراقات كەز دەپ بالا كەزدى ايتا الامىن. ەش نارسەمەن جۇيكەنى جۇقارتپاي،باستى دا اۋىرتپاي جۇرەتىن "بالالىق". اركەز شات-شادىمان كۇي كەشىپ،ماز-مەيرام بوپ كۇلەتىن "بالالىق". دۇنيەدەگى بۇل ەرەكشە شاققا ەشتەڭە دە جەتپەس.
باقىت-بۇل جاستىق. بالعىن جاستىق شاق. جاس كەزدەگى باقىتتى سەزىنۋدىڭ ءوزى ءبىر باقىت. "جاستىق-جالىن" دەپ بەكەردەن-بەكەرگە ايتىلماعان. وسى مەزگىلدەگى كوكتەم ايى ەرەكشە وتەدى. جاستىقتىڭ ىنتا-ىقىلاسى،تالابى باقىت سىيلاماي تۇرمايدى. كەرەمەت،بارىنەن دە وزگەشە اسەرگە بولەپ،بۇكىل الەممەن سايكەستىك پەن ۇندەستىكتە بولاتىن مەزەت-جاستىق شاق. بۇل كەزەڭ - قاجىماس قايرات پەن جىگەردىڭ شىڭى،بيىك مۇناراسى. سوندىقتان دا،جاستىق كەز ۇلى باستامالار جيناعى. وسى ساتتە جايقالماي،گۇلدەنبەگەندە،باقىتتى سەزىنبەگەندە،قاشان كوركەيەمىز؟!
ومىردە باقىتتى بولۋدىڭ جولدارى جەتەرلىك. ءوز-وزىمىزدىڭ كوڭىلدەرىمىزدى كوتەرمەسەك،باقىت نۇرىنا بولەنبەسەك،بۇل جالعان دا ءوزىنىڭ اسەمدىگىن جوعالتادى دەپ ويلايمىن. وسى الەم تەك باقىتپەن ۇشتاسادى. ءبىزدىڭ جاھانىمىزدى مىڭ قۇبىلتىپ،تۇرلەندىرە الاتىن - باقىت. ونسىز دۇنيە كۇرەڭ كۇز، قاتاڭ،ءارى قالىڭ قىس مەزگىلىندەي،كۇڭىرەپ،تۇنجىرايعان اسپانداي،سولىپ قالعان گۇل تارىزدەس بولار ەدى.
باقىت - كۇندەي جارقىراعان،جۇلدىزداي جىمىڭداعان بالعىن ءسات.
مەنىڭ باقىتىم-جۇرەگىمدە،جايماشۋاق،اسەرلى كۇندەرىمدە. باقىتقا جەتۋ جولىن مەن ءوزىم جاسايمىن،ءوزىمنىڭ ىس-ارەكەتتەرىمنىڭ ناتيجەسىنە دە مەن عانا سەبەپكەرمىن. كوبىسى باقىتتى بولۋدىڭ سىرىن ىزدەپ،اۋرە-سارساڭعا تۇسەدى. الايدا،باقىتتىڭ ءدال جانىندا ەكەندىگىن كوپ تۇسىنە بەرمەيدى. باقىت-ول ادامنىڭ دەنساۋلىعى،ونىڭ كۇندەلىكتى جۇمىسى،ەش قايتارىلماس باعالى ۋاقىتى،قاسىنداعى جاقسى كورەتىن جاندارى... كەيبىرەۋلەرى،باقىتتى اقشا مەن مال-مۇلىكتە،اتاق پەن داڭقتا،مانساپ پەن دۇنيەقۇمارلىقتا دەپ ويلايدى. ارينە،بۇل جالعان پىكىر. مۇنىڭ ءبارى دە بۇگىن بولسا، ەرتەڭ- بولمايدى. ولاردىڭ ارتتارىنان جۇگىرۋ - بۇل بوس اۋرەشىلىك. سوندىقتان،قازىرگى ساتتە قاسىڭنان تابىلعان ىزگى نيەتتى جانداردى باعالاپ،ولاردىڭ قادىرلەرىن ءتۇسىنۋ ماڭىزدى.
باقىت جايلى ءسوز تاۋسىلمايدى. ونى ءارى قاراي دا،ءوربىتىپ الىپ كەتۋگە بولادى. دەگەنمەن،ۇزىن ءسوزدىڭ قىسقاسى دەپ اياقتاي كەلە،"باقىتتى سىرتتان ەمەس،ءوز جۇرەگىڭنەن تابا ءبىل" دەپ ايتقىم كەلەدى.
قاسيەت باحكەرەي قىزى
You Might Also Like
-
…ءيا، مەن سiزدەردەن ەش جاسىرمايمىن، مەن 18 جەلتوقسان 1986 جىلى الاڭعا باردىم، كوپشiلiكپەن بiرگە. بارعاندا دا قونايەۆتىڭ كۇيiن كۇيتتەپ بارعان جوقپىن. تەك قانا، ول جەرگە بارعان سەبەبiم، بار ماقس...
