اۋەلى، قۇداي، سەن وڭدا،
سەن وڭداساڭ، ءبىز مۇندا!
تىلەگەپ تىلەك جانە بەر،
قاس بەدەۋگە بالا بەر!
جاقسى قۇداي، جاي قۇداي،
مىرزا قۇداي، باي قۇداي!
اۋەلى قۇدايىم كوك جاساعان،
سونان كەيىن جەر جاساعان!
سىيىنايىن، ءبىرىنشى، قۇداي،
ەكىنشى، سىيىنامىن ، مۇحاممەد!
بىرىڭە ءبىز قۇل بولدىق،
بىرىڭە ۇمبەت بولدىق.
ءۇشىنشى - ءتورت جار ،
ءتورتىنشى - سەكسەن سەگىز ماشايىق.
ءجۇز جيىرما ءتورت پايعامبار،
مەككەدەگى اۋليە،
مەديپەدەگى اۋليە،
حان شىڭعىستا اۋليە
قىزىلتاۋدىڭ باسىندا - قىز اۋليە،
باياناۋلاسىندا - قوڭىر اۋليە،
وگىزتاۋدىڭ باسىندا - وگىز اۋليە،
قوشقارتاۋدىڭ باسىندا - قوشقار اۋليە!
تاۋداعىل بۇلاننىڭ،
ىشتەن شىققان ايداھار جىلاننىڭ
ءولى دەسەم، ءولى ەمەس،
ءتىرى دەسەم، ءتىرى ەمەس،
اتاسى - قورقىت اۋليە!
ۋاق اتاسى - ەر كوكشە:
ەرلىگىنىڭ بەلگىسى -
ساداعىنا كەلگەن - سان كىسى،
مىلتىعىنا كەلگەن-مىڭ كىسى!
سارى، بايان، سارشا، وتەۋلى!
ءۇش ءجۇز وسكەن ات -
بايگەگە قوسقان كورنەباي،
ارعىن اتاسى -قاراقوجا،
حاندا - ابىلاي، قارادا - قازىبەك،
جالاڭ اياق - عازيز،
ديۋانا ءپىرىم ،
تەرتۋىلدا - تورايعىر،
ناعاشىسى - تۇردىبەك.
ءوزىمنىڭ ناعاشى اتام-
جاعالبايلى: ءتۇنقات،
قاراكەرەي قابانباي،
قاز داۋىستى قازىبەك،
قاراكەرەي: مۇرىندا قاندىباي،
شاقشاق ۇلى جانىبەك،
توبىقتىدا - قۇنانباي،
ىشىندەگى - دوعالباي.
وتە شىقتى قۇنانباي زامانىندا
تازدىڭ ارعى اتاسى - شويىنقارا.
قارا، سارى قوندىباي -
اۋليە قاسيەتتى وتكەن.
تەرىستاڭبالى - ارعى اتاسى - كەنتبۇعا.
وتە شىقتى ىشىندە - امانقۇپ باقسى،
باسەنتىنىڭ ارعى اتاسى - بارلىباي،
ىشىندە - تاسىباي:
تۇرلىبەك - دۋانباسى .
اۋەلى قۇداي جىن جاساعان،
بىرىنەن - ءبىرىن مول جاساعان.
جىننىڭ ارعى اتاسى - كەنتبۇعا،
جىن اتاسى - سارى ابىز
جىن اتاسى - سارى ازبان،
اۋرە قىلما سەن، ازبان!
جىن اتاسى - بەردىباي،
جىن ۇرانى: «ەكەۋ-ەكەۋ!»
اسپانداعى مەنىڭ بەس ءپىرىم،
قىرىق پىشاق سالدىرعان.
قىرىق ينە ماعان ءتۇرتىپ،
توبەمە ايدار قويدىرعان.
جىنعا مويىن قويدىرىپ،
كونبەگەنگە كوندىرگەن،
قۋ اعاشقا توندىرگەن.
اقساقالدىدان باتا الدىرعان،
اقسارباس قويدى سويدىرعان!
بەس بالا-بەس اساۋ تاي ۇيگە كىرگىزگەن،
ەرەگىسكەن جەرگە دەرت سالعان،
جىن بولىپ بايلانعان،
كەزبە بولىپ اينالعان!
ويدان كەلگەن ون قوجا،
قىردان كەلگەن قىرىق قوجا،
ول قوجانىڭ ىشىندە -
ازىرەتى قوجا:
جەتى ەلىككە جال بەرگەن،
جاماعات جاندى تەڭ كورگەن،
بەلسىزگە بەل بەرگەن،
پەرزەنتىن تەڭ بەرگەن!
وڭ قولىمدى ورايمىن،
سول قولىمدى سۇرايمىن،
شەجىرەگە باسىن سۇيەگەن،
كۇنگە شاشىن تاراعان،
اتا ءقادىرىن بىلمەگەن،
انا ءسۇتىن ەمبەگەن،
جەلدەن جەتى قويان ايداعان،
دۇعامەنەن بايلاعان،
جەتى كەتپەن، شوت باسقانداي بولدىم،
جەتى قازانعا تۇسكەندەي بولدىم!
ون ەكى اق بوز ات،
ويناعانداي كۇن قايدا؟!
جىن شاقىردىم قان باردان،
قيادا جاتقان جانداردان!
تەمىر جانعا سالەم-دە:
حابار بەر: اۋىر قول جيسىن،
تەمىردەن تون تىكسىن!
ويدان كەلگەن ون ءبورى،
سول ءبورىنىڭ ىشىندە
التى اۋىزدى كوك ءبورى -
كوك جەندەت كەلىندە، باي ەلىندە!
جۇمابايدىڭ بالاسى،
كەسەر كەۋدە كەك قابان،
جىن ىشىندە سەن جامان!
ماڭداي تەرىسى قۇرىسىپ،
جىن بىتكەنمەن ۇرىسسىپ،
جورگەگىمدە جابىسىپ،
ون ءبىر جاستا تابىسىپ،
قاراكەرەي - مۇرىننان كەلگەن،
جيەننەن تۋعان جيەن بار.
توعىز ۇلدىڭ كەنجەسى -
مىرزاباي - قابىل.
سارالا قامقا تون كيگەن،
سارى ارعىماق ات مىنگەن،
قىلىشىن قىناعا قىناعان،
كولدىڭ، ءبىل، بۇ جولدا
قىساڭ قاتىننىڭ اعاسى
قارا الىپ جاتقان شاڭىراق باسىندا.
تۇقىمى جوق كىسىدەي،
توبىقتىدان كەلدى:
قاراجىگىت-كۇلىحان،
التايدان كەلگەن التاۋىم،
شابدار اتتى كەمەڭگەر.
ەلدەن كەلگەن - ەكەۋىم ،
جەلدەن كەلگەن - جەتەۋىم!
ەلدەن كەلگەن - ءاقادىل،
شاندۇتباستان كەلگەن شاندىاياق.
قايدان كەلگەن ەنتەلەي،
بايگە اتىنداي ەنتەلەپ؟!
كوك الا ساقال كوزىمبەت،
الپىس اتتى، قىرىق جاياۋ
مىڭ اي - ءجۇز اي، -
سەن- جارقىنىم، جولداسىم!
جوعازتىننان كەلگەن ءتورت اتتى،
تومەنتىننەن كەلگەن بورتە اتتى،
كەيىندە ايىل جەتپەس سارى اتتى!
ادىم - ادىم باسقان،
ادىمى جەردى كۇيدىرگەن،
تۇياعى قۇمدى سۋىرعان،
توزاڭ - توزاڭ جۇگىرگەن،
توزاڭدى جەرگە سۋ جارعان (يرعان).
جول، جول جاتىر،
جول جاعالاي قول جاتىر.
سونشا قولدىڭ ىشىندە
قارابەك اتتى سۇلتان جاتىر!
حان تىلەۋبەردى سۇلتانىم،
ارعىنعازى- شولپانىم !
ويدان كىرگەن ويپاتىم،
قىردان كەلگەن بەكزاتىم -
ءداۋىت پايعامبار، ەر ءداۋىت!

---