باسىندا قۋ اعاشتىڭ تاقياڭ تۇر،
اق كۇمىس، ادىرا قالعىر، جارقىراپ تۇر!
كەلمەسەڭ سول بارعاننان، جالعىزىم-اي،
ارتىڭدا قالعان اپاڭ اڭىراپ تۇر.
جەتكەندە جەتى جاسقا قۇران ءبىلدىم،
مولداعا سەنى وقىتقان قۇنان بەردىم.
ارتىندا اپاسى جوق، ءسىڭىلىسى جوق،
قالىڭدى جالعىزىما نەگە بەردىڭ ؟!
ايتامىن، ايت دەگەننەن اتىم تۇساپ،
تۇساپ قويعان جەرىندە تۇرسىن جۋساپ.
كەلگەندە ەلۋ بەسكە، سۇمىراي باتەن،
تۋار ما ەندى بالا بالعىنعا ۇقساپ؟!
قاراعىم، اينالايىن، قانداي ەدى،
باۋىرساق مايعا پىسكەن، نانداي ەدى.
ماقتاسام ءوزىمدى-وزىم، بولار ەلىم،
بالانىڭ ءوزى قۇربى ماڭدايى ەدى!
قاراعىم، اينالايىن، ۇلى كەنتىم،
سارعايدى سانامەنەن اقشا بەتىم!
بولعاندا قىس ورتاسى، سىعىر ويباي،
بۇزىلدى جالعىزىما كۇرعان كەنتىم.
اق ەشكى كەلىپ جاتىر لاعىنا (قۇلاعىنا)،
ءسۇت بەرگەن اق ۇرپىنەن شىراعىنا.
قوسىلىپ، كەل ەكەۋمىز، زارلانايىق.،
اللانىڭ تۇسەر مە ەكەن قۇلاعىنا؟!
تاپقانى اق ەشكىنىڭ - ەگىز لاق،
بىرەۋى لاعىنىڭ - سالپاڭ قۇلاق.
اق ەشكى، كوككە قاراپ، كادەڭدى جە،
تابارسىڭ ەسەن بولساڭ تاعى دا لاق.
اق ەشكى، سەن دە مۇڭدى، مەن دە مۇڭدى،
جاراتتى ءبىر جاراتقان بەسەۋ (بي ساۋ) سۇمدى.
اق ەشكى، كوككە قاراپ، كادەڭدى جە،
قۇدايىم بەرەر مە ەكەن بىزگە دە ۇلدى؟!
بويىنان دوسحانانىڭ ەل وتەدى،
شاپاننان جالاڭ قابات جەل وتەدى.
سىعىر-اي، مەن زارلانباي، كىم زارلانسىن،
بالعىننىڭ ەندى ماعان ايى وتەدى!
دوسحانانىڭ باۋىرى جالعىز تامادى،
اياماعان ءبىر كۇداي جالعىزدى الادى.
ەلۋ بەسكە كەلگەندە، سۇمىراي باتەن،
جالعىزىنان ايىرىلىپ اڭىراپ قالدى.

---