ورىنسىز ويناپ، كۇلگەندە،
وپىق جەپ تالاي جۇرگەندە،
باسىما مەنىڭ، ب ا ق، قوندىڭ،
بايقاۋسىز شاقتا، بىردەمدە
بولارىن بۇلاي بىلگەم بە؟!
ىزدەسەم، راس، ىزدەدىم،
ەلىمنىڭ كەزىپ تۇزدەرىن،
تەڭىزدەرىن دە جۇزگەمىن.
جابىقتىرىپ تا كەتەتىن،
جازدارىم، تالاي كۇزدەرىم.
كوردىڭ بە سوقپاق دالادان؟
سول مەنىڭ ساندال ىزدەرىم.
باعىم با دەپ تە قاراعىم،
تىرنالاردىڭ دا تىزبەگىن،
قالدىرىپ سودان سانادان
ءبىرجولا ءۇمىت ۇزگەمىن.
اقىرى، مىنا، ب ا ق قوندىڭ،
بايانسىز ەمەس ناق قوندىڭ.
قاستارىممەنەن قاق ءبولدىم.
دوستارىم، ءبىراق جوق بولدىڭ
جالعىزدىق دەگەن قۇرعىرعا
ب ا ق قوندى-داعى تاپ بولدىم...
باقىت-وۋ، باقىت، ەرەكەىڭ!
دۇنيەگە تەگىس سەنى ەكسىن.
تىرلىككە مىناۋ قورەكسىڭ،
جالعىزدىق دەگەن قۇرعىرعا
نەسىنە، جانىم، كەرەكسىڭ؟!
قونباي-اق قويشى، قور ءوتسىن!!!

---