مەن باسىمنان قورقامىن اتوم با دەپ،
ءبىر الەمەت جاسالىپ جاتىر ما دەپ.
مۇنداي-داعى سۇراپىل تاپ بولار ما،
ءوزى بولعان وزىمەن پاقىرعا كەپ.
مەن باسىمنان قورقامىن اتوم با دەپ.
بەلگىسىز ەلەمەنتتەر ميىمدا ويناپ،
ميىم قايناپ بارادى، ميىم قايناپ.
بەلگىسىز عالىمدارعا مەكەن بولىپ،
ءوز دەنەمە ءوز باسىم بۇيىرماي ما؟!
بۇل عالامنىڭ تۇبىنە جەتەتىندەي،
سۇمدىق-سۇمدىق سىناۋلار وتەتىندەي.
مەن باسىمنان قورقامىن، مەن بولماسام،
Aتoم - ميىم جارىلىپ كەتەتىندەي.
جۇرگەن جان ەم بايىماي؛ تاپشىسىنباي،
سارساڭ بولدىم ەرتەگى باقسىسىنداي.
باسىم قالدى جاسىرىن پوليگون بوپ،
ءوزىم تۇرمىن ماقتاۋلى ساقشىسىنداي.
مەن باسىمدى جاسىرام، جاسىرام كەپ؛
ميىمداعى سىناۋلار باسىلار دەپ.
مەن ميىما سەنەمىن اجال بولماي،
دۇنيەگە شۋاق بوپ شاشىلار دەپ!

---