InfoHub Logo

(باستاۋىشپەن قوشتاسۋ سالتاناتتى كەشى)
تاقىرىبى «قوش، باستاۋىش مەكتەپ!»
كورنەكىلىگى: «باستاۋىشىڭ – باستاماڭ،
ءبىلىم جولىن باستاعان.
ءبىلىم شىڭى بيىكتە،
بەلىڭدى بۋ جاس دانام»، «ءبىلىم – تەڭىز، مەكتەپ – كەمە»، «ءبىلىم ال، ەڭبەك ەت، جاس ۇلان!
ءۇن قوسىپ قيادان اسىرا.
سىڭعىرلا سوڭعى قوڭىراۋ،
سىڭعىرلا قوڭىراۋ اسىعا،
سىڭعىرلا قوڭىراۋ تاعى دا» دەپ جازىلعان پلاكاتتار، شارلار، گۇلدەر، «العاشقى ۇستاز» فوتوستەند.
قاتىسۋشىلار: مەكتەپ وقۋشىلارى
جۇرگىزۋشىلەر: 1. بايكەنوۆا جۇلدىز
2. زەينۋللايەۆ سەرىكباي

سالتاناتتى تۇردە ءانۇران وينالادى.

1 جۇرگىزۋشى: سەرىكباي
ارمىسىڭدار ۇستاز قاۋىم اتا – انا،
قۇلاق ءتۇرىڭ جاقسى لەبىز باتاعا
كەلدىك بىزدەر 4 جىل بويى ەركەلەپ
باستاۋىشتىڭ بالالارى اتا – انا.

2 جۇرگىزۋشى جۇلدىز
بي بيلەنىپ ءان ايتىلار اسپانداپ
بىرتە – بىرتە كوتەرىلدى باسپالداق
العاش ۇستاز العىس ايتىپ وزىڭە
قوشتاسۋ ءسات قيماستىقپەن باستالماق

1 – جۇرگىزۋشىسەرىكباي:
بارلىق ءبىلىم باستاۋىشتان باستالعان
العىس ساعان ۇلكەندەرمەن جاستاردان
راحمەت ساعان العاش ۇستاز اپايىم
بەرگەنىڭدى ويعا توقىپ قايتارام.

2 - جۇرگىزۋشى. جۇلدىز
ريزا بولشى ۇستاز قاۋىم ارداقتى
شاكىرت جۇرەك سىزگە ارناۋ ارناپتى
جىلدار جىلجىپ ايلار زۋلاپ وتسە دە
باستاۋىشتى ورتا بۋىن جالعاپتى

1 - جۇرگىزۋشى: سەرىكباي.
ءقادىرلى: ۇستازدار، اتا – انالار، وقۋشىلار
ءبىز بۇگىن كوزىمىزدى اشىپ، كوكىرەگىمىزدى وياتقان،
ءبىلىم نارىمەن سۋسىنداتىپ، ءبىلىمنىڭ ىرگەتاسىن
قالاعان باستاۋىش مەكتەبىمىزبەن.

2 - جۇرگىزۋشى: جۇلدىز
سونداي - اق ءبىزدىڭ ىستىعىمىزعا
كۇيىپ، سۋىعىمىزعا توڭا بىلگەن وڭىمىزبەن سولىمىزدى تانىتقان جاقسىدان ۇيرەنۋگە، جاماننان جيرەنۋگە باۋلىعان العاشقى ۇستازىمىزبەن قوشتاسقالى وتىرعان.
ەكەۋى: بىرگە - سالتاناتتى كەشكە قوش كەلدىڭىزدەر!
1 - جۇرگىزۋشى: سەرىكباي.
ورتاعا التىن ۇيا مەكتەبىمىزدە بىرگە وقىپ، ءبىزدىڭ ءىزباسارىمىز اتانعان 1، 2، 3 سىنىپ وقۋشىلارىن شاقىرامىن
ۆالس ىرعاعىمەن وقۋشىلار كىرەدى
ورتاعا مۋزىكامەن ۇستاز شىعادى.

ۇستاز: - قىمباتتى اتا - انالار، ۇستازدار بۇگىنگى مەرەكەلىك كەشكە قوش كەلدىڭىزدەر. بۇگىنگى كۇن مەن ءۇشىن دە، سۇيىكتى شاكىرتتەرىم ءۇشىن دە ەرەكشە كۇن. ونىڭ ەرەكشەلىگى سول 4 جىل بويى وقىپ قاناتىن قاتايتقان بالالار باستاۋىش سىنىپپەن، العاش كورگەن ۇستازدارىمەن قوش ايتىسقالى وتىر. وسى قۋانىشتى دا قيماس ساتتەرىمىز قۇتتى بولسىن شاكىرتتەرىم.
سىزدەردىڭ الدارىڭىزدا تۇرعان مىنا وقۋشىلار وسىدان 4 - جىل بۇرىن 6، 7 جاسار وڭ مەن سولىن ايىرماعان ءسابي بولسا، بۇگىن مىنە ەس ءبىلىپ ەتەك جيعان شاكىرت. ءبىز بۇل كۇنگە جاي جەتە سالعان جوقپىز. قيىندىقپەن قىزىققا تولى كۇندەرىمىز ءارقاشاندا ەسىمىزدە بولارى ءسوزسىز. وسى جولدا مەنىڭ الدىما قويعان مىندەتىم ەلىمىزدىڭ كەلەشەك تىزگىنىن ۇستايتىن ىستىققا كۇيمەيتىن، سۋىققا توڭبايتىن، يتەرسەڭ قۇلامايتىن، قۇلاسا جىلامايتىن، تەپسە تەمىر ۇزەتىن، قۋسا جەتكىزبەيتىن، ءادىل سويلەيتىن، جاقسىلىققا دا، جاماندىققا دا جاقسىلىقپەن جاۋاپ بەرەتىن ازاماتتار تاربيەلەۋ. ال شاكىرتتەرىم قادامدارىڭا گۇل ءبىتسىن.

وزدەرىڭمەن ادىمداپ اسپاندايمىن،
سەندەر باردا ەشكىممەن جاسقانبايمىن.
باستاۋىشتى بىتىرگەن مىنا سەندەر
ال مەن تاعى ءبىر بەلەستەن اسقاندايمىن.
مەن ءۇشىن بىردەيسىڭدەر قاراقتارىم،
ورىندالسىن ارمان تىلەك تالاپتارىڭ.
ءبارىن دە قارلىعاشتار سەكىلدىسىڭ،
التىن ۇيا مەكتەبىنەن ۇشىپ تۇرسىڭ.
سامعاڭدار بيىكتەرگە قايرىلماسىن
ەندى عانا قاتايعان قاناتتارىڭ!
ءان: «ءمۇعالىم ول ءبىزدىڭ» 1 - سىنىپ

جانەركە: ءوتتى قىزىق كوپ كۇندەر،
ۇلكەن جاسقا جەتتىڭدەر.
بىتىردىڭدەر مەكتەپتى
ءبىر بەلەستەن وتتىڭدەر.
دياس: ءوستى مىنە بويلارىڭ،
ءوستى اقىل، ويلارىڭ.
قۋانىشقا ورتاقپىز
قۇتتى بولسىن تويلارىن!
تالعات: بىلەمىز ەرتەڭ بىزدەن دە،
بىلەمىز ەرتەڭ سىزدەن دە،
ءومىردىڭ تالاپ سۇرارىن.
سوندا ارداقتى اعا - اپا
سىزدەردەن ۇلگى الارمىز.
زەينەگۇل: ءبىتىرۋشى تۇلەكتەر،
جۇكتەلەر بار امانات.
ايتىلدى ىزگى تىلەكتەر
بولماسىن ەش جامانات.
اسەل: التىن ۇيام مەكتەبىم،
بىلىمىڭمەن كوكتەدىم.
ساعان دەگەن جۇرەكتە
اق العىسىم كوپ مەنىڭ.
گۇلدەن: الدىڭدا ۇزاق جولىن بار،
وقۋمەن ءوسىپ تولىڭدار.
قيىندىققا مويىماي،
امان ەسەن بولىڭدار!
ءان: «جارقىن ءجۇزدى ۇستازىم» 2، 3، 4، سىنىپ

ۇلجان: ارداقتى ءمۇعالىم،
ءبىلىمىڭ – بۇلاعىڭ.
تاۋسىلماس سەن جايلى
تاسقىندى جىر ءانىم.
مەرەكە كۇنىمەن
قۇتتىقتاپ بۇگىن مەن،
ويىما وي قوسام
سەن بەرگەن بىلىمنەن.
نازەركە: كاۋسارىن ءبىلىمنىڭ
قۇلشىنا ءسىمىردىم.
ويىما جينادىم
بويىما ءسىڭىردىم.
مەن سەنىڭ كوكتەمىن،
نۇرىڭمەن كوكتەدىم.
سول ءۇشىن وزىنە
العىسىم كوپ مەنىڭ.
ءان: «انا ءتاىلىم» نازەركە، ۇلجان
بەكزات: بىردەي ءبىزدىڭ ويىمىز دا، سىرىمىز،
ءبىر مەكتەپتىڭ ۇلى مەنە قىزىمىز.
بىردەي وستىك وقۋدا دا ەڭبەكتە
كۇلىپ ويناپ بىرىمىزبەن ءبىرىمىز.
مەكتەبىمدە شىرقالماعان جىر بار ما،
مەكتەبىمدە ايتىلماعان سىر بار ما.
مەكتەبىمدە الاۋلاعان جاس جالىن
كەتەر ماڭگى سونبەي تالاي جىلدارعا.
ءان: «چەمۋ ۋچات ۆ شكولە» 2، 3، 4، سىنىپ

سۇلتان: مەرەيلى بوپ كۇنىڭىز
مەكتەپكە كەپ تۇرىڭىز.
ساعىنامىز كۇن سايىن،
كەزدەسەيىك جىل سايىن.
سىزدەرگە جالىن جۇرەكپەن
ايتامىز دوستىق تىلەكپەن.
ءارقاشان ءساتتى جول بولسىن
ساپارلارىڭىز وڭ بولسىن
ءان: «قوشتاسايىق» 4 - سىنىپ
مۋزىكا اياقتالعاندا: «قوش، مەكتەبىم!» - دەگەن سوزدەر شىعادى.

سەرىكباي: - يا بۇل باستاۋىش مەكتەپ پاتشالىعىنىڭ قيىندىعى مەن قىزىقتى ساتتەرىن اپايىمىزبەن بىرگە وتكىزىپ، بىزدەي بۇلدىرشىندەردى باپتاپ، ءوز بالالارىنداي قامقورلاپ جۇرگەن ۇستازدارىمىز بار. «ءمۇعالىم - مەكتەپتىڭ جۇرەگى» دەپ ىبىراي التىنسارين ايتقان بولاتىن، مىنەكەي بىزدە سول اپايلار مەن اعايىمىزعا جۇرەگىمىزدىڭ جىلۋىن ۇسىنباقپىز.

سەرىكباي: مەكتەپتى ويلاپ وتكەن - كەلەر، جىل - كۇنىڭ
بار جاعدايىن ويلاعان وقۋشىنىڭ
دەنەمىزدى شىنىقتىرىپ ويناتقان،
ءتارتىپ بۇزساق ارامىزدا ءبىرىمىز،
شىن اشۋمەن ءبارىمىزدى ويلاتقان
كومپيۋتەردىڭ دە سىرىن بىزگە بويلاتقان
كوپ شاكىرتتىڭ دوسىنداي،
سابىرجان اعاي
وسىنداي

جۇلدىز: ءوز ەسىمى جۇرەكتەردە جاتتالعان.
قازينا اپاي تالاي جەردە ماقتالعان.
بي ۇيرەتىپ، جارىستارعا اپارعان
ۇيىرمەنى تالماي - تىنباي باسقارعان.
كەلەدى جەتەكتەپ 2 - ءشى سىنىپتى،
مىنەزبەن بايسالدى، بايىپتى.

سەرىكباي:: باۋلىعان ءاربىر ونەردى،
اقمارال اپاي ونەرلى.
اسەم ءاننىن شەبەرى،
اسپاپتا وينايدى مانەرلى.
قىزىقتىرىپ ءان - كۇيگە،
ءبىزدى ۇيرەتىپ كەلەدى.

ەكەۋى بىرگە: - ماڭگى قارتايماي ورتامىزدا مەكتەبىمىزدىڭ جۇرەكتەرى بولىپ سوعا بەرىڭىزدەر.

اپايلارعا سىيلىققا گۇل تاپسىرۋ.
ءان: «ۇستازعا مىڭ العىس» 4 - سىنىپ
ءان: «ۇستازىم.» حور
جاسان::- تولقيمىز، تولقىپ تۇرسىز بارشاڭىز دا،
مۇنداي كۇي بولماق ءسىزدىڭ بارشاڭىزدا.
باستاۋىشپەن قوشتاسپاق تۇلەكتەرىڭ،
گۇل جايناپ تۇرعان جوق پا ورتامىزدا.

ارۋجان: - قوشتاسادى التىن ۇيا مەكتەبىڭ،
ماڭدايىڭنان سيپاپ وتەر كوكتەمىڭ.
دەمالىسىن شاكىرتتەردىڭ جازداعى
تىلەيىكشى قىزىقتى بوپ وتكەنىن.

بي: جاستار ءبيى
جۇلدىز: اقىرىن ءجۇرىپ انىق باس
ەڭبەگىڭ كەتپەس دالاعا
ۇستازدىق ەتكەن جالىقپاس
ۇيرەتۋدەن بالاعا
دەپ اباي اتامىز ايتقانداي ۇستازىمىز بىلىمدىلىككە، بىلىكتىلىككە، ادەپتىلىككە، ادەمىلىككە، ادالدىققا ادىلدىككە، كوپ نارسەگە ۇيرەتتى. سوندىقتان دا العاشقى ۇستازىمىزعا مىڭ العىس.
العاشقى ۇستاز ەڭبەك ەتەتىن باستاۋىش مەكتەپ سەنى كيەلى دەمەسكە بولاما؟

العاشقى ۇستاز شاكىرتەرى تۋرالى ارناۋلارىن وقىپ بەرەدى. ەستەلىك قوڭىراۋ ۇسىنادى.
ءمۇعالىم: - گۇلدەرگە تولىپ ومىراۋ
تۇلەكتەر تويىن تويلايدى.
قاعىلماق سوڭعى قوڭىراۋ
قاققىزباي ءومىر قويمايدى، - دەگەندەي شارشاعاندى باساتىن، سارايىڭدى اشاتىن، تۇلا - بويىڭداعى ەنجارلىقتىڭ ءبارىن قاشىراتىن قوڭىراۋ دەگەن عاجايىپ قۇرال بار بۇل پاتشالىقتا.
سوڭعى قوڭىراۋ سوعۋ سالتاناتى قۇرمەتپەن 4 سىنىپ وقۋشىلارى مەن 1 سىنىپ وقۋشىلارىنا تاپسىرىلادى.

قوڭىراۋ ۇزاق سوعىلادى.

ءمۇعالىم::- اياقتاپ كەشتى، مەكتەپتى
گۇلدەرگە تولسىن قولدارىڭ.
قىزىقتاپ جازدى قايتىڭدار
ءسات - ساپار بولسىن جولدارىڭ!!!- وسىمەن سالتاناتتى سوڭعى قوڭىراۋ جيىنىن جابىق دەپ جاريالاي وتىرىپ، جازعى دەمالىستى جاقسى وتكىزىپ، كەلەسى وقۋ جىلىنا اماندىقپەن جولىققانشا ساۋ - سالاماتتا بولىڭىزدار!
ءمۇعالىم: -- جاقسى شاكىرت ازامات اتانادى،
حالقىنان اتا - انادان باتا الادى.
ۇرپاعىنا ايتسىن دەپ اق تىلەگىن،
ورتاعا شاقىرايىق اتا - انانى.
ءسوز كەزەگى قۇرمەتتى دە ءقادىرلى اتا - انالارىمىز اتىنان:----------------------------------------- بەرەمىز.
سوڭى: ءبارى شار، گۇل ۇستاپ بي بىتكەندە شىعادى.