InfoHub Logo

ورالداعى نازاربايەۆ زياتكەرلىك مەكتەبىنىڭ قوس وقۋشىسى شىمكەنت قالاسىندا وتكىزىلگەن رەسپۋبليكالىق VII ناۋرىز كەزدەسۋلەرى عىلىمي جوبالار بايقاۋىنان جەڭىسپەن ورالدى.

اتالعان مەكتەپتىڭ باسپا ءسوز حاتشىسى اقمونشاق ماقسوت قىزىنىڭ ايتۋىنشا، «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمى ۇيىمداستىرعان ءداستۇرلى بايقاۋعا ەلىمىزدەگى نازاربايەۆ زياتكەرلىك مەكتەپتەرى مەن وڭتۇستىك قازاقستان وبلىسىنداعى ءبىلىم وردالارىنان 160-قا جۋىق وقۋشى قاتىسىپ، ب ا ق سىنادى.

ءتورت ءتۇرلى باعىتتا وتكەن عىلىمي جوبالار بايقاۋىندا وقۋشىلار بالامالى قۋات كوزدەرى، فيزيكا، تەحنولوگيا جانە مەديسينا سالالارى بويىنشا جۇمىستارىن قورعادى. بايقاۋعا وڭتۇستىكقازاقستاندىق الدىڭعى قاتارلى عالىمدار قازىلىق ەتتى. ەكى كۇنگە سوزىلعان شارا بارىسىندا قاتىسۋشىلار ەلىمىزدەگى ەڭ ۇزدىك جاس عالىمدار مەن شەتەلدىك مامانداردىڭ ءدارىسىن تىڭداپ، عىلىمنىڭ شەكسىز سىرلارىنا ءۇڭىلدى. دارىستەر عىلىم، تەحنولوگيا، ينجەنەريا، ونەر، ماتەماتيكا، IT، مەديسيناداعى سوڭعى ىزدەنىستەر مەن جاڭالىقتاردى قامتىدى.

ورالدان بارعان نازاربايەۆ زياتكەرلىك مەكتەبىنىڭ شاكىرتى تالعات مولداش «اتموسفەرالىق اۋادان ەنەرگيا الۋدىڭ ادىستەرى» جوباسىمەن «ەنەرگيانىڭ بالاما كوزدەرى» سەكسياسىندا جەڭىمپاز اتانسا، بەكەت مىرزانوۆ «STEAM يدەيالار» باعىتىندا «ينتەراكتيۆتى كىتاپحانا» جوباسىمەن جۇلدەلى ءۇشىنشى ورىندى يەلەندى. تالعاتتى ءومىرعالي بەكەشوۆ دايىنداپ اپارسا، بەكەتتىڭ جەتەكشىسى - ءجاميلا حۋسانوۆا.

---