InfoHub Logo

ساباقتىڭ تاقىرىبى: «بايتەرەك»
سالاسى: «ءتىل دامىتۋ»
ءبولىمى: «جاپسىرۋ»
ماقساتى:
1. ەلباسىمىز – ن. ءا. نازاربايەۆ تۋرالى تۇسىنىكتەرىن كەڭەيتە وتىرىپ، ەلوردامىز – استانا قالاسى جانە بايتەرەك تۋرالى ماعلۇمات بەرۋ.
2. سوزدىك قورلارىن، ويلاۋ قابىلەتتەرىن دامىتۋ.
3. شىعارماشىلىققا جۇمىستى رەتىمەن اتقارا بىلۋگە باۋلۋ، پاتريوتتىققا تاربيەلەۋ.
كورنەكىلىگى: تاقىرىپتىق مازمۇندى سۋرەتتەر، دايىن اپپليكاسيا ۇلگىلەرى، جەلىم، اق قاعازدار.
مەتوديكالىق ادىستەر: ءتۇسىندىرۋ، كورسەتۋ، سۇراق - جاۋاپ. راۋند - روبين.

وقۋ ءىس - ارەكەتىنىڭ بارىسى
تاربيەشىنىڭ ءىس - ارەكەتى
تاربيەشى بالالاردىڭ نازارىن وزىنە اۋدارىپ، ولاردى شاتتىق شەڭبەرىنە شاقىرادى.
- كۇلىمدە كۇن، كۇلىمدە،
جەر جاسارىپ كوگەرسىن.
كەشەگىدەي، بۇگىن دە،
قانات قاقسىن كوگەرشىن.
جىل مەزگىلىنە، ايعا، اپتاعا توقتالۋ.
بالالار، ءبىزدىڭ بۇگىنگى اشىق ۇيىمداستىرىلعان وقۋ ءىس - ارەكەتىمىز
1 - جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالادى.
تاقىرىبى: بايتەرەك
- بالالار، ايتىڭدارشى، ءبىزدىڭ رەسپۋبليكامىز، ياعني ەلىمىز قالاي اتالادى؟
- قازاقستان

سارقىلمايتىن قۋاتىم
تىرەگىمسىڭ قازاقستان!
ماڭگى سوعىپ تۇراتىن،
جۇرەگىمسىڭ قازاقستان!

- جارايسىڭدار، ءبىز قاي تىلىندە سويلەسەمىز؟
- قازاق تىلىندە

انا ءتىلىڭ ارىڭ بۇل،
ۇياتىڭ بوپ تۇر بەتتە،
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە!

- مەملەكەتتىك رامىزدەردى اتاي الامىز با؟
- تۋ، ەلتاڭبا، ءانۇران
اينىمايدى اسپاننان
ءبىزدىڭ تۋدىڭ بوياۋى،
ونى حالىق قاشان دا،
بيىككە ءىلىپ قويادى.

تولقىعان ءدانى بار،
مامىرلانعان مالى بار
قىران قانات ءانى بار.
قازاقستان كەلبەتى،
ەلتاڭبادان تابىلار.

ءانۇران – جانۇرانىم،
ايتار ءانىم – سويلەر ءسوزىم
تۋعان جەرىم – ساعىنارىم
مىڭ قايتالاپ ايتام مۇنى.

- جارايسىڭدار، ەلوردامىز قاي قالا؟
- استانا قالاسى

استانا ارمان قالا
باعى ءبىر جانعان قالا
تۇرادى ول جاپ - جاس بولىپ،
ءبىز ۇلكەن بولعاندا دا.

- ەلباسىمىز كىم؟
- ن. ءا. نازاربايەۆ

حالقىمىزدىڭ تىرەگى،
ارمان ءۇمىت تىلەگى،
ەل دەپ قالا سوعادى
ەلباسىنىڭ جۇرەگى.
- وتە تاماشا. بالالار، ەلباسىمىز قاي قالادا تۇرادى؟
- استانادا

استانا قالاسى تۋرالى سۋرەتتەر ەكراننان كورسەتىلىپ، تۇسىندىرىلەدى.

سەرگىتۋ ءساتى.
- وتانىمنىڭ تىرەگى،
استانانىڭ جۇرەگى،
ماقتان ەتەم ءوزىڭدى
بايتەرەگى كيەلى.
- بالالار ءبىز ءقازىر
بايتەرەكتىڭ بەينەسىن ءتۇرلى - ءتۇستى قاعازدان جاپسىرۋ
جۇمىستىڭ ورىندالۋ رەتى تۇسىندىرىلە وتىرىپ، بالالاردى بايتەرەكتىڭ بەينەسىن جاپسىرۋعا جۇمىلدىرۋ. بالالار تاربيەشىنىڭ تۇسىندىرمەسىن تىڭداي وتىرىپ، بايتەرەكتىڭ بەينەسىن جاپسىرادى.

قورىتۋ، رەفلەكسيا
1 بالالاردىڭ جاساعان جۇمىستارىن كورمەگە قويۋ.
- بالالار بۇگىنگى اشىق ۇيىمداستىرىلعان وقۋ ءىس - ارەكەتىمىزدى ادەمى ولەڭمەن اياقتايىق.

سونبە ەشقاشان كۇنىمىز!
تىلەيدى مۇنى ەلىمىز!
تىلەيدى مۇنى جەرىمىز!
تىلەيمىز مۇنى ءبارىمىز!

3. قۋانىشتى حابارلاما تاراتۋ. بايتەرەك بەينەسى.
كۇتىلەتىن ناتيجە
بىلەدى: استانا قالاسى جانە بايتەرەك تۋرالى تۇسىنىك الدى.
تۇسىنەدى: جۇمىستى رەتىمەن، تياناقتى ورىنداۋ كەرەكتىگىن.
جاساي الادى: ءتۇرلى ءتۇستى قاعازدان بايتەرەكتىڭ بەينەسىن جاپسىرا الادى.